harshavardhan (raajaneta)

harshavardhan
Dr. Harsh Vardhan.jpg
Dr harshavardhan
janm (1954-12-13) 13 December 1954 (aayu 61 varsh)
Delhi, Bhaarat
raashtreeyata bhaarateeya
anya naam harsh vardhan
shiksha aayurvigyaan tatha shalya-chikitsa snaatak,
shalyavijnyaaan nishnaat
shiksha praapt ki englo sanskrut Victoria jubali senior sekendari school,
ganesh shankar vidyaarthi memoriyl medical college
vyavasaaya otolaryanoloji chikitsak, raajaneta
raajanaitik party bhaarateeya janta party
dhaarmik maanyata hindu
bachche
  • mayank bharat
  • sachin
  • inaakshi
maata-pita
  • om prakaash Goyal
  • snehalata devi
jaalasthal
drharshvardhan.com

dau॰ harshavardhan bhaarateeya raajaneta hain jo desh ke do pramukh raajaneetik dalon mein se ek bhaarateeya janta party (bhaajapa) ke sadasya hain. ye Krishna nagar vidhaanasabha kshetr se Delhi vidhaanasabha ke sadasya hain.

harshavardhan peshe se ek naak, kaan aur gale ke rogon ke chikitsak hain. Delhi mein bhaarateeya janta party ki sarkaar (1993-1998) ke dauraan inhonne svaasthya mantri, kaanoon mantri aur shiksha mantri sahit raajya mantrimndal mein vibhinn padon par kaarya kiya. harshavardhan Delhi vidhaanasabha chunaav ke itihaas mein kabhi naheen haare hain.

anukram

praarambhik jeevan va shiksha

harshavardhan ka janm 13 December 1954 ko Delhi mein om prakaash Goyal aur snehalata devi ke ghar hua.[1][2] ye hindu dharm ke anuyaayi hain aur vaishya samudaaya se sambandh rakhate hain.[3]

inhonne englo sanskrut Victoria jubali senior sekendari school, dariyaaganj se apni schooli shiksha praapt ki. ganesh shankar vidyaarthi memoriyl medical college, Kanpur, se inhonne aayurvigyaan tatha shalya-chikitsa snaatak ki degree praapt ki tatha isi college se otolaryanoloji mein shalyavijnyaaan nishnaat arjit ki.[2]

raajaneetik jeevan

harshavardhan bachapan se hi dakshinpanthi hindu raashtravaadi sangathan raashtreeya swayamsevak sangh ke sadasya rahe hain.[2] ye bhaarateeya janta party ke ticket par 1993 mein Krishna nagar vidhaanasabha kshetr se chune gaye the aur Delhi ki pehli vidhaanasabha ke sadasya bane. inhein Delhi ki sarkaar mein kaanoon aur svaasthya mantri niyukt kiya gaya. 1996 mein ye shiksha mantri bane. raajya ke svaasthya mantraalaya mein apne samay ke dauraan inhonne October 1994 mein poliyo unmoolan yojana ka shubhaarambh kiya.[4] kaaryakram safal raha aur fir ise Bhaarat sarkaar dvaara poore desh bhar mein apnaaya gaya.[5]

harshavardhan 1998 aur 2003 mein fir se Krishna nagar se vidhaanasabha ke liye chune gaye.[4] 2008 vidhaanasabha chunaav mein apni mukhya pratidvandvi bhaarateeya raashtreeya Congress ki paarshad deepika khullar ko 3,204 maton dvaara haraane ke saath hi inhonne vidhaanasabha ki chauthi baar sadasyata praapt ki. is prakaar harshavardhan vidhaanasabha chunaav itihaas mein kabhi bhi paraajit naheen hue.[2][6][7] inhein apni party ka ek anubhavi aur sammaanit sadasya maana jaata hai.[8]

chunaav se sava maheene poorv 23 October 2013 ko unhein Delhi vidhaanasabha chunaavon ke liye raajya ke mukhyamantri pad ka ummeedavaar ghoshit kiya gaya.[9] 2013 ke Delhi raajya vidhaanasabha chunaav mein unke netrutv mein bhaarateeya janta party ne kul 66 seaton par apne pratyaashi chunaav mein utaare jinmein se 31 vijayi hue. pichhle chunaav ke mukaabale bhaajapa ne voton ka pratishat kam rahane ke baavajood 8 seatein adhik jeeteen. trikoneeya mukaabale mein unki party pehle sthaan par rahi jabki unhonne swayam Krishna nagar vidhaan sabha seat bhaari antar se jeeti.[10]

vyaktigat jeevan

harshavardhan ki patni ka naam nootan hain aur un donon ke teen bachche hain - do ladke mayankabharat aur sachin tatha ek ladki inaakshi. harshavardhan Delhi ke Krishna nagar sthit apne Patrick ghar mein parivaar sahit rahate hain.[2]

sandarbh

  1. "List of Members – Dr. Harsh Vardhan". Delhiassembly.nic.in. Delhi vidhaanasabha. http://delhiassembly.nic.in/aspfile/whos_who/Harsh_Vardhan.htm. abhigman tithi: 28 sitmbar 2013.
  2. a aa i E u "About me – Profile". Drharshvardhan.com. http://www.drharshvardhan.com/drharshvardhan-biography.php. abhigman tithi: 28 sitmbar 2013.
  3. "BJP ne kiye ek teer se 2 shikaar". navabhaarat times (nai Delhi). 27 sitmbar 2008. http://navbharattimes.indiatimes.com/articleshow/3532718.cms. abhigman tithi: 28 sitmbar 2013.
  4. a aa "Member of Legislative Assembly – Dr. Harsh Vardhan". Delhi.gov.in. Delhi sarkaar. http://delhi.gov.in/wps/wcm/connect/DoIT/delhi+govt/mla/dr.+harsh+vardhan. abhigman tithi: 28 sitmbar 2013.
  5. chaturvedi, geetaanjali (1 July 2008). The Vital Drop: Communication for Polio Eradication in India. sej pablikeshans. pa॰ 17. aai॰aऍsa॰abee॰aऍna॰ 978-81-7829-866-5. http://books.google.com/books?id=8Eq0StbmZ84C&pg=PA17. abhigman tithi: 28 sitmbar 2013.
  6. varma, Virendra (26 October 2008). "BJP ke seeniyrs ke saamane Congress ke yuva". navabhaarat times (nai Delhi). http://navbharattimes.indiatimes.com/articleshow/3641551.cms. abhigman tithi: 28 sitmbar 2013.
  7. "Statistical report on General Election, 2008 to the Legislative Assembly of NCT of Delhi – Constituency Data Summary – Krishna Nagar" (peedeeef). Eci.nic.in. bhaarateeya chunaav aayog. pp. 76. http://eci.nic.in/eci_main/StatisticalReports/AE2008/stats_DL_2008.pdf. abhigman tithi: 28 sitmbar 2013.
  8. vikram, Kumar (18 April 2010). "Delhi BJP has no 'true leader' for chief's post". indiya tude. http://indiatoday.intoday.in/story/Delhi+BJP+has+no+'true+leader'+for+chief's+post/1/93422.html. abhigman tithi: 28 sitmbar 2013.
  9. "bhaajapa ne CM pad ke ummeedavaar ke liye kiya harshavardhan ke naam ka ailaan". NDTV khabar. 23 October 2013. http://khabar.ndtv.com/news/india/harshvardhan-is-bjp-delhi-cm-candidate-370214.
  10. http://eciresults.nic.in/PartyWiseResult.htm

inhein bhi dekhein

baahari kadiyaaain