harshavardhan
 |
is lekh mein sandarbh ya sootr naheen diye gaye hain. krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (October 2015) |
harshavardhan (590-647 E.) praacheen Bhaarat mein ek raaja tha jisne uttari Bhaarat mein apna ek sudrudh saamraajya sthaapit kiya tha. vah antim hindu samraat tha jisne Punjab chhodkar shesh samast uttari Bhaarat par raajya kiya. shashaank ki mrutyu ke uparaant vah Bengal ko bhi jeetne mein samarth hua. harshavardhan ke shaasanakaal ka itihaas magadh se praapt do taamrapatron, raajatarangini, cheeni yaatri yuven sang ke vivran aur harsh evam baanabhattarachit sanskrut kaavya granthon mein praapt hai. shaasanakaal 606 se 647 E.. vansh-thaaneshvar ka pushyabhooti vansh.
uske pita ka naam 'prabhaakaravardhan' tha. raajavardhan usaka bada bhaai aur raajyashri usaki badi bahan thi. 605 E. mein prabhaakaravardhan ki mrutyu ke pashchaat raajavardhan raaja hua par maalav naresh devagupt aur gaud naresh shanshaank ki durabhisandhi vash maara gaya. harshavardhan 606 mein gaddi par baitha. harshavardhan ne bahan raajyashri ka vindhyaatavi se uddhaar kiya, thaaneshvar aur kannauj raajyon ka ekeekaran kiya. devagupt se maalava chheen liya. shanshaak ko gaud bhaga diya. dakshin par abhiyaan kiya par Andhra pulakaishin dviteeya dvaara rok diya gaya.
usane saamraajya ko sundar shaasan diya. dharmon ke vishay mein udaar neeti barati. videshi yaatriyon ka sammaan kiya. cheeni yaatri yuven sang ne usaki badi prashansa ki hai. prati paaainchavein varsh vah sarvasv daan karta tha. iske liye bahut bada dhaarmik samaaroh karta tha. kannauj aur prayaag ke samaarohon mein yuven sang upasthit tha. harsh saahitya aur kala ka poshak tha. kaadanbareekaar baanabhatt usaka ananya mitr tha. harsh swayam pandit tha. vah veena bajaata tha. usaki likhi teen naatikaaeain naagaanand, ratnaavali aur priydarshika sanskrut saahitya ki amoolya nidhiyaaain hain. harshavardhan ka hastaakshar mila hai jisse usaka kalaaprem pragat hota hai.
gupt saamraajya ke patan ke baad Bhaarat mein (mukhyat: uttari bhaag mein) araajakata ki sthiti bana hui thi. aisi sthiti mein harsh ke shaasan ne raajanaitik sthirta pradaan ki. kavi baanabhatt ne usaki jeevani harshacharit mein use chatu:samudraadhipti evam sarvachakravartinaam dheeraye: aadi upaadhiyon se alankrut kiya. harsh kavi aur naatakakaar bhi tha. uske likhe gaye do naatak priydarshika aur ratnaavali praapt hote hain.
harsh ka janm thaanesar (vartamaan mein Haryana) mein hua tha. thaanesar, praacheen hinduon ke teerth kendron me se ek hai tatha 51 shaktipeethon mein ek hai. yeh ab ek chhota nagar hai jo Delhi ke uttar mein Haryana raajya me bane naye kurukshetr ke aas-pados me sthit hai. harsh ke mool aur utpatti ke sanrdabh mein ek shilaalekh praapt hui hai jo ki Gujarat raajya ke gunda jile me khoji gayi hai.