harivansh rai Bachchan

harivansh rai Bachchan

harivansh rai shreevaastav "Bachchan" (27 November 1907 – 18 January 2003) hindi bhaasha ke ek kavi aur lekhak the.'haalaavaad' ke pravartak Bachchan ji hindi kavita ke uttar chhaayaavaad kaal ke pramukh kaviyon me se ek hain. unki sabse prasiddh kruti madhushaala hai. bhaarateeya film udyog ke prakhyaat abhineta Amitabh Bachchan unke suputr hain.

unhone Allahabad vishvavidyaalaya mein adhyaapan kiya. baad mein Bhaarat sarkaar ke videsh mantraalaya mein hindi visheshagya rahe. anantar raajya sabha ke manoneet sadasya. Bachchan ji ki ginti hindi ke sarvaadhik lokapriya kaviyon mein hoti hai.

anukram

jeevan

Bachchan ka janm 27 November 1907 ko Allahabad se sate prataapagadh jile ke ek chhote se gaaainv baaboopatti mein ek kaayasth parivaar me hua tha. inke pita ka naam prataap Narayan shreevaastav tatha maata ka naam sarasvati devi tha. inko baalyakaal mein 'Bachchan' kaha jaata tha jiska shaabdik arth 'bachcha' ya santaan hota hai. baad mein ye isi naam se mashahoor hue. inhonne kaayasth paathashaala mein pehle urdoo ki shiksha li jo us samay kaanoon ki degree ke liye pehla kadam maana jaata tha. unhone prayaag vishvavidyaalaya se angreji mein M. A. aur Cambridge vishvavidyaalaya se angreji saahitya ke vikhyaat kavi dabloo bi yeets ki kavitaaon par shodh kar peeech. di. poori ki [1].

1926 mein 19 varsh ki umr mein unka vivaah shyaama Bachchan se hua jo us samay 14 varsh ki theen. lekin 1936 mein shyaama ki teebi ke kaaran mrutyu ho gayi. paanch saal baad 1941 mein Bachchan ne ek panjaaban teji soori se vivaah kiya jo rangamanch tatha gaayan se judi hui theen. isi samay unhonne 'need ka punarnirmaan' jaise kavitaaon ki rachana ki. teji Bachchan se Amitabh tatha ajitaabh do putr hue. Amitabh Bachchan ek prasiddh abhineta hain. teji Bachchan ne harivansh rai Bachchan dvaara sheksapiyr ke anoodit kai naatakon mein abhinay ka kaam kiya hai.

pramukh krutiyaaain

unki kruti do chattaane ko 1968 mein hindi kavita ka saahitya academy puraskaar se sammanit kiya gaya tha. isi varsh unhein soviyt land Nehru puraskaar tatha efro Asiaee sammelan ke kamal puraskaar se bhi sammaanit kiya gaya. bidla faaundeshan ne unki aatmakatha ke liye unhein sarasvati sammaan diya tha. Bachchan ko Bhaarat sarkaar dvaara 1976 mein saahitya evam shiksha ke kshetr mein padm bhooshan se sammaanit kiya gaya tha.

kavita sangrah

1. tera haar (1929)[1],

2. madhushaala (1935),

3. madhubaala (1936),

4. madhukalash (1937),

5. nisha nimantran (1938),

6. ekaant sangeet (1939),

7. aakul antar (1943),

8. satarangini (1945),

9. halaahal (1946),

10. Bengal ka kaavya (1946),

11. khaadi ke fool (1948),

12. soot ki maala (1948),

13. milan yaamini (1950),

14. pranaya patrika (1955),

15. dhaar ke idhar udhar (1957),

16. aarti aur angaare (1958),

17. buddh aur naachaghar (1958),

18. tribhangima (1961),

19. chaar kheme chaunsath khoonte (1962),

20. do chattaanein (1965),

21. bahut din beete (1967),

22. katati pratimaaon ki aavaaj (1968),

23. ubharate pratimaanon ke roop (1969),

24. jaal sameta (1973)

aatmakatha

1. kya bhoolooain kya yaad karooain (1969),

2. need ka nirmaan fir (1970),

3. basere se door (1977),

4. Bachchan rachanaavali ke nau khand (1983),

5. dashadvaar se sopaan tak (1985)

vividh

bachapan ke saath kshan bhar (1934), khayyaam ki madhushaala (1938), sopaan (1953), maikabeth (1957), janageeta (1958), othelo (1959), umar khayyaam ki rubaaiyaaain (1959), kaviyon ke saumya sant: pant (1960), aaj ke lokapriya hindi kavi: sumitraanandan pant (1960), aadhunik kavi (1961), Nehru: raajanaitik jeevanachitr (1961), naye puraane jharokhe (1962), Abhinav sopaan (1964), chausath roosi kavitaaeain (1964), naagar geet (1966), bachapan ke lokapriya geet (1967), dabloo bi yeets end aukaltijm (1968), marakat dweep ka svar (1968), haimalet (1969), bhaasha apni bhaav paraaye (1970), pant ke sau patra (1970), pravaas ki daayari (1971), King liyr (1972), tooti chhooti kadiyaaain (1973), meri kavitaai ki aadhi sadi (1981), sohan hans (1981), aathavein dashak ki pratinidhi shreshth kavitaayein (1982), meri shreshth kavitaaeain (1984), aa rahi riv ki savaari

sandarbh

  1. hindi ke gaurav:harivansh Bachchan, hindi bhavan ki website par ('tippani: yahaaain spasht roop se naheen likha ki yeh tera haar naamak rachana 1929 mein chhapi thi kintu yeh pehli rachana thi aur rachana-yaatra ki shurooaat 1929 mein hui likhit hai at: yeh maana ja sakta hai ki is rachana ka prakaashan 1929 mein hua).

baahari kadiyaaain