harishankar parasaai

harishankar parasaai
HarishankerParsai.jpg
janm: 22 August 1924
jamaani, hoshangaabaad,madhya pradesh
mrutyu: 10 August 1995
jabalapur, madhya pradesh
kaaryakshetr: lekhak
raashtreeyata: bhaarateeya
bhaasha: hindi
kaal: aadhunik kaal
vidha: vyangya

harishankar parasaai (22 August, 1924 - 10 August, 1995) hindi ke prasiddh lekhak aur vyangyakaar the. unka janm jamaani, hoshangaabaad, madhya pradesh mein hua tha. ve hindi ke pehle rachanaakaar hain jinhonne vyangya ko vidha ka darja dilaaya aur use halke–fulke manoranjan ki paramparaagat paridhi se ubaarakar samaaj ke vyaapak prashnon se joda. unki vyangya rachanaaeain hamaare man mein gudagudi hi paida naheen karateen balki hamein un saamaajik vaastaviktaaon ke aamane–saamane khada karti hai, jinse kisi bhi vyakti ka alag rah paana lagbhag asambhav hai. lagaataar khokhali hoti ja rahi hamaari saamaajik aur raajanaitik vyavastha mein piste madhyamavargeeya man ki sachchaaiyon ko unhonne bahut hi niktata se pakada hai. saamaajik paakhand aur roodhivaadi jeevan–moolyon ki khilli udaate hue unhonne sadaiv vivek aur vijnyaaan–sammat drushti ko sakaaraatmak roop mein prastut kiya hai. unki bhaasha–shaili mein khaas kism ka apanaapa hai, jisse paathak yeh mahasoos karta hai ki lekhak uske saamane hi baitha hai.

anukram

shiksha

unhonne Nagpur vishvavidyaalaya se hindi mein M.A. ki upaadhi praapt ki.

jeevan

18 varsh ki umr mein jungle vibhaag mein naukri. khandava mein 6 maheene adhyaapan. do varsh (1941-43) jabalapur mein space training kaalij mein shikshan ki upaadhi li. 1942 se vaheen maadal haai school mein adhyaapan. 1952 mein unhonne sarkaari naukri chhodi. 1953 se 1957 tak private schoolon mein naukri. 1957 mein naukri chhodkar svatantr lekhan ki shurooaat. jabalapur se 'vasudha' naam ki saahityik maasiki nikaali, nai duniya mein 'suno bhai saadho', nayi kahaaniyon mein 'paaainchavaaain kaalam' aur 'ulajhee–ulajhi' tatha kalpana mein 'aur ant mein' ityaadi kahaaniyaaain, upanyaas evam nibndh–lekhan ke baavajood mukhyat: vyangyakaar ke roop mein vikhyaat. parasaai mukhyat: vyang -lekhak hai, par unka vyang keval manorajan ke liye nahi hai. unhonne apne vyang ke dvaara baar-baar paathako ka dhyaan vyakti aur samaaj ki un kamjoriyon aur visangatiyo ki or aakrusht kiya hai jo hamaare jeevan ko doobhar bana rahi hai. unhonne saamaajik aur raajaneetik jeevan mein vyaapt bhrashtaachaar evam shoshan par karaara vyang kiya hai jo hindi vyang -saahitya mein anootha hai. parasaai ji apne lekhan ko ek saamaajik karm ke roop mein paribhaashit karte hai. unki maanyata hai ki saamaajik anubhav ke bina sachcha aur vaastavik saahitya likha hi nahi ja sakta. parasaai ji moolat: ek vyangakaar hai. saamaajik visangatiyo ke prati gahra sarokaar rakhane wala hi lekhak sachcha vyangakaar ho sakta hai. parasaai ji saamaayik samay ka rachanaatmak upayog karte hai. unka samoocha saahitya vartamaan se muthabhed karta hua dikhaai deta hai. parasaai ji hindi saahitya mein vyang vidha ko ek nai pehchaan di aur use ek alag roop pradaan kiya, iske liye hindi saahitya unka hamesha rini rahega.

poochhiye parasaai se

parasaai jabalapur va Raipur se prakaashit akhbaar deshabandhu mein paathakon ke prashnon ke uttar dete the. stambh ka naam tha-poochhiye parasaai se. pehle pahal halke, ishkiya aur filmi savaal poochhe jaate the. dheere-dheere parasaai ji ne logon ko gambheer saamaajik-raajanaitik prashnon ki or pravrutt kiya. daayara antarraashtreeya ho gaya. yeh sahaj jan shiksha thi. log unke savaal-javaab padhne ke liye akhbaar ka intajaar karte the.

pramukh rachanaaen

  • kahaanee–sangrah: hainsate hain rote hain, jaise unke din fire, bholaaraam ka jeev.
  • upanyaas: raani naagafani ki kahaani, tat ki khoj, jvaala aur jal.
  • sansmaran: tirchhi rekhaaeain.
  • lekh sangrah: tab ki baat aur thi, bhoot ke paaainv peechhe, beimaani ki parat, apni apni beemaari, premachand ke fate joote, maati kahe kumhaar se, kaag bhagoda, aavaara bheed ke khatre, aisa bhi socha jaata hai, vaishnav ki fislan, pagadandiyon ka jamaana, shikaayat mujhe bhi hai, sadaachaar ka taabeej, viklaang shraddha ka daur, tulaseedaas chandan ghisain, ham ek umr se vaakif hain.

sammaan

viklaang shraddha ka daur ke liye saahitya academy puraskaar se sammaanit.

yeh bhi dekhein

baahari kadiyaaain