harimndir saahib

shri harimndir saahib

shri harimndir saahib,
[1][2]
saamaanya jaankaari
sthaapatya kala sikh sthaapatyakala
kasba ya shahar amrutasar
desh Bhaarat
nirmaan aarambh December 1585
poorn August 1604
design aur nirmaan
graahak guru arjun Dave aur sikh
vaastukaar guru arjun Dave

Erioll world.svgnirdeshaank: 31°a37′a12″aN 74°a52′a37″aE / 31.62°aN 74.87694°aE / 31.62; 74.87694

yahaaain teerthayaatri pavitra sarovar mein dubaki lagaate hain

shri harimndir saahib (punjabi bhaasha: ਹaaਰaaਿaaਮaaੰaaਦaaਰ ਸaaਾaaਹaaਿaaਬ; harimandar saahib, haramandir saahib), jise darbaar saahib ya svarn mandir bhi kaha jaata hai sikh dharmaavalanbiyon ka paavanatam dhaarmik sthal ya sabse pramukh gurudvaara hai. yeh Bhaarat ke raajya Punjab ke amrutasar shahar mein sthit hai aur yahaaain ka sabse bada aakarshan hai. poora amrutasar shahar svarn mandir ke chaaron taraf basa hua hai. svarn mandir mein pratidin hajaaron shraddhaalu aur paryatak aate hain. amrutasar ka naam vaastav mein us sarovar ke naam par rakha gaya hai jiska nirmaan guru Ram das ne svayn apne haathon se kiya tha. yeh gurudvaara isi sarovar ke beechobeech sthit hai. is gurudvaare ka baahari hissa sone ka bana hua hai, isliye ise svarn mandir athva golden teinpal ke naam se bhi jaana jaata hai. shri harimandir saahib ko darbaar saahib ke naam se bhi khyaati haasil hai. yooain to yeh sikhon ka gurudvaara hai, lekin iske naam mein mandir shabd ka judna yeh spasht karta hai ki Bhaarat mein sabhi dharmon ko ek samaan maana jaata hai. itna hi naheen, shri haramandir saahib ki neenv bhi ek musalmaan ne hi rakhi thi. itihaas ke mutaabik sikhon ke paanchavein guru arjun Dave ji ne Lahore ke ek soofi sant saain miyaan meer ji se December, 1588 mein gurudvaare ki neenv rakhavaai thi. sikkhon ke liye svarn mandir bahut hi mahatvapoorn hai. sikkhon ke alaava bhi bahut se shraddhaalu yahaaain aate hain, jinki svarn mandir aur sikkh dharm mein atoot aastha hai.

anukram

sthaapatya

haramandir saahib parisar ka maanachitr, aavardhan hetu klik karein

lagbhag 400 saal puraane is gurudvaare ka naksha khud guru arjun Dave ji ne taiyaar kiya tha. yeh gurudvaara shilp saundarya ki anoothi misaal hai. iski nakkaashi aur baahari sundarata dekhte hi banti hai. gurudvaare ke chaaron or darvaaje hain, jo chaaron dishaaon (poorv, pashchim, uttar, dakshin) mein khulate hain. us samay bhi samaaj chaar jaatiyon mein vibhaajit tha aur kai jaatiyon ke logon ko anek mandiron aadi mein jaane ki ijaajat naheen thi, lekin is gurudvaare ke yeh chaaron darvaaje un chaaron jaatiyon ko yahaan aane ke liye aamantrit karte the. yahaan har dharm ke anuyaayi ka svaagat kiya jaata hai.

parisar

shri harimndir saahib parisar mein do bade aur kai chhote-chhote teerthasthal hain. ye saare teerthasthal jalaashaya ke chaaron taraf faile hue hain. is jalaashaya ko amrutasar, amrut sarovar aur amrut jheel ke naam se jaana jaata hai. poora svarn mandir safed sangamaramar se bana hua hai aur iski deevaaron par sone ki pattiyon se nakkaashi ki gayi hai. harimndir saahib mein poore din gurabaani (guruvaani) ki svar lahariyaan goonjati rahati hain. sikkh guru ko ishvar tulya maanate hain. svarn mandir mein pravesh karne se pehle vah mandir ke saamane sar jhukaate hain, fir pair dhone ke baad see‍aadhi‍ayon se mukhya mandir tak jaate hain. seedhi‍ayon ke saath-saath svarn mandir se judi hui saari ghatnaaen aur iska poora itihaas likha hua hai. svarn mandir ek bahut hi khoobsoorat imaarat hai. ismein roshani ki sundar vyavastha ki gayi hai. mandir parisar mein patthar ka ek smaarak bhi hai jo, jaanbaaj sikkh sainikon ko shraddhaajanli dene ke liye lagaaya gaya hai.

dwaar

mukhya dwaar par bana ghantaaghar, nakshe par sankhya-2

shri harimndir saahi‍ab ke chaar dwaar hain. inmein se ek dwaar guru Ram das saraaya ka hai. is saraaya mein anek vishraam-sthal hain. vishraam-sthalon ke saath-saath yahaan chaubees ghante langar chalta hai, jismein koi bhi prasaad grahan kar sakta hai. shri harimndir saahib mein anek teerthasthaan hain. inmein se beri vruksh ko bhi ek teerthasthal maana jaata hai. ise ber Baba buddha ke naam se jaana jaata hai. kaha jaata hai ki jab svarn mandir banaaya ja raha tha tab Baba buddha ji isi vruksh ke neeche baithe the aur mandir ke nirmaan kaarya par najar rakhe hue the.

sarovar

svarn mandir sarovar ke beech mein maanav nirmit dweep par bana hua hai. poore mandir par sone ki parat chadhaai gayi hai. yeh mandir ek pul dvaara kinaare se juda hua hai. jheel mein shraddhaalu snaan karte hain. yeh jheel machhaliyon se bhari hui hai. mandir se 100 mi. ki doori par svarn jadi‍at, akaal takht hai. ismein ek bhoomigat tal hai aur paanch anya tal hain. ismein ek sangrahaalaya aur sabhaagaar hai. yahaaain par sarabat khaalasa ki baithakein hoti hain. sikkh panth se judi har masale ya samasya ka samaadhaan isi sabhaagaar mein kiya jaata hai.

svarn mandir parisar mein sthit sabhi pavitra sthalon ki pooja svaroop bhaktagan amrutasar ke chaaron taraf bane galiyaare ki parikrama karte hain. iske baad ve akaal takht ke darshan karte hain. akaal takht ke darshan karne ke baad shraddhaalu panktiyon mein svarn mandir mein pravesh karte hain.

akaal takht

gurudvaare ke baahar daain or akaal takht hai. akaal takht ka nirmaan san 1606 mein kiya gaya tha. yahaaain darbaar saahib sthit hai. us samay yahaaain kai aham faisale liye jaate the. sangamaramar se bani yeh imaarat dekhne yogya hai. iske paas shiromani gurudvaara prabandhak sami‍ti‍ ka kaaryaalaya hai, jahaan sikhon se jude kai mahatvapoorn nirnaya liye jaate hain.

langar

guru ka langar mein gurudvaare aane vaale shraddhaaluon ke liye khaane-peene ki poori vyavastha hoti hai. yeh langar shraddhaaluon ke liye 24 ghante khula rahata hai. khaane-peene ki vyavastha gurudvaare mein aane vaale chadhaave aur doosare koshon se hoti hai. langar mein khaane-peene ki vyavastha shiromani gurudvaara prabandhak sami‍ti‍ ki or se niyukt sevaadaar karte hain. ve yahaaain aane vaale logon (sangat) ki seva mein har tarah se yogadaan dete hain. anumaan hai ki kareeb 40 hajaar log roj yahaaain langar ka prasaad grahan karte hain. sirf bhojan hi naheen, yahaan shri guru raamadaas saraaya mein gurudvaare mein aane vaale logon ke liye thaharane ki vyavastha bhi hai. is saraaya ka nirmaan san 1784 mein kiya gaya tha. yahaan 228 kamre aur 18 bade hall hain. yahaaain par raat gujaarne ke liye gadde va chaadarein mil jaati hain. ek vyakti ki teen din tak thaharane ki poorn vyavastha hai.

itihaas

svarn mandir ko kai baar nasht kiya ja chuka hai. lekin bhakti aur aastha ke kaaran sikkhon ne ise dobaara bana diya. jitni baar bhi yeh nasht kiya gaya hai aur jitni baar bhi yeh banaaya gaya hai usaki har ghatna ko mandir mein darshaaya gaya hai. afagaan hamlaavaron ne 19 veen shataabdi mein ise poori tarah nasht kar diya tha. tab mahaaraaja ranajeet Singh ne ise dobaara banavaaya tha aur ise sone ki parat se sajaaya tha.

sikh teerthayaatri pavitra sarovar mein anushthaan snaan lete hue.

yahaaain dumanjali beri naamak ek sthaan bhi hai. gurudvaare ki deevaar par ankit kinvadanti ke anusaar ki ek baar ek pita ne apni beti ka vivaah kodh grast vyakti se kar diya. us ladki ko yeh vishvaas tha ki har vyakti ke samaan vah kodhi vyakti bhi ishvar ki daya par jeevit hai. vahi use khaane ke liye sab kuchh deta hai. ek baar vah ladki shaadi ke baad apne pati ko isi taalaab ke kinaare baithaakar gaanv mein bhojan ki talaash ke liye nikal gayi. tabhi vahaaain achaanak ek kauva aaya, usane taalaab mein dubaki lagaai aur hans bankar baahar nikla. aisa dekhkar kodhgrast vyakti bahut hairaan hua. usane bhi socha ki agar mein bhi is taalaab mein chala jaaoon, to kodh se nijaat mil jaaegi.

usane taalaab mein chhalaang laga di aur baahar aane par usane dekha ki usaka kodh nasht ho gaya. yeh vahi sarovar hai, jismein aaj haramandir saahib sthit hai. tab yeh chhota sa taalaab tha, jiske chaaron or beri ke ped the. taalaab ka aakaar to ab pehle se kaafi bada ho gaya hai, to bhi uske ek kinaare par aaj bhi beri ka ped hai. yeh sthaan bahut paavan maana jaata hai. yahaan bhi shraddhaalu maatha tekate hain.

parampara yeh hai ki yahaaain vaale shraddhaalujan sarovar mein snaan karne ke baad hi gurudvaare mein mattha tekane jaate hain. jahaan tak is vishaal sarovar ki saaf-safaai ki baat hai, to iske liye koi vishesh din nishchit naheen hai. lekin iska paani lagbhag roj hi badla jaata hai. iske liye vahaan filtaron ki vyavastha hai. iske alaava paanch se das saal ke antaraal mein sarovar ki poori tarah se safaai ki jaati hai. isi dauraan sarovar ki marammat bhi hoti hai. is kaam mein ek hafta ya usase bhi jyaada samay lag jaata hai. yeh kaam yaani kaaraseva (kaarya seva) mukhyat: sevaadaar karte hain, par unke alaava aam sangat bhi ismein badh-chadhkar hissa leti hai.

niktavarti gurudvaare evam anya darshaneeya sthal

shri harimandir saahi‍ab ke paas gurudvaara Baba atal aur gurudvaara maata kaulaaain hai. in donon gurudvaaron mein paidal pahuncha ja sakta hai. iske paas hi guru ka mahal naamak sthaan hai. yeh vahi sthaan hai jahaaain svarn mandir ke nirmaan ke samay guru rahate the. gurudvaara Baba atal nau manjila imaarat hai. yeh amrutasar shahar ki sabse ooainchi imaarat hai. yeh gurudvaara guru haragobind Singh ji ke putr ki yaad mein banavaaya gaya tha, jo keval nau varsh ki umr mein kaal ko praapt hue the. gurudvaare ki deevaaron par anek chitr banaae gaye hain. yeh chitr guru naanak Dave ji ki jeevani aur sikkh sanskruti ko pradarshit karte hain. iske paas maata kaulaaain ji gurudvaara hai. yeh gurudvaara Baba atal gurudvaare ki apeksha chhota hai. yeh harimandir ke bilkul paas waali jheel mein bana hua hai. yeh gurudvaara us dukhayaari mahila ko samarpit hai jisko guru haragobind Singh ji ne yahaaain rahane ki anumati di thi.

iske paas hi gurudvaara saaraagadhi saahib hai. yeh kesar baag mein sthit hai aur aakaar mein bahut hi chhota hai. is gurudvaare ko 1902 E.mein british sarkaar ne un sikkh sainikon ko shraddhaanjali dene ke liye banaaya tha jo englo-afgaan yuddh mein shaheed hue the.

gurudvaare ke aaspaas kai anya mahatvapoorn sthaan hain. thada saahib, ber Baba buddha ji, gurudvaara laachi baar, gurudvaara shaheed banga Baba deep Singh jaise chhote gurudvaare svarn mandir ke aaspaas sthit hain. unki bhi apni mahatta hai. najadeek hi aitihaasik jaliyaanvaala baag hai, jahaan general daayar ki kroorata ki nishaaniyaan maujood hain. vahaan jaakar shaheedon ki kurbaaniyon ki yaad taaja ho jaati hai.

gurudvaare se kuchh hi doori par Bhaarat-Pak seema par sthit vaagha seema ek anya mahatvapoorn jagah hai. yahaan Bhaarat aur Pakistan ki senaaen apne desh ka jhanda subah faharaane aur shaam ko utaarane ka aayojan karti hain. is mauke par parade bhi hoti hai.


prakaashotsav

prakaashotsav al subah dhaai baje se aarambh hota hai, jab gurugranth saahib ji ko unke kaksh se gurudvaare mein laaya jaata hai. sangaton ki toli bhajan-keertan karte hue guru granth saahib ko paalaki mein sajaakar gurudvaare mein laati hai. raat ke samay sukhaasan ke liye guru granth ko kaksh mein bhi vaapas bhi isi tarah laaya jaata hai. kadaah prasaad (halava) ki vyavastha bhi 24 ghante rahati hai.

vaise to gurudvaare mein roj hi shraddhaaluon ka taanta laga rahata hai, lekin garmiyon ki chhuttiyon mein jyaada bheed hoti hai. baisaakhi, lohadi, gurunaanak parv, shaheedi diwas, sangaraand (sankraanti‍) jaise tyohaaron par pair rakhane ki jagah naheen hoti hai. iske alaava sukhaasan aur prakaashotsav ka najaara dekhne laayak hota hai. maanyata hai ki yahaan sachche man se aradaas karne se saari ichhaaen poorn ho jaati hain.

aavaagaman

vaayu maarg

amrutasar mein antarraashtreeya star ka havaai adda hai. vahaan se taxi karke gurudvaare pahuncha ja sakta hai.

rel va sadak maarg

amrutasar Delhi se lagbhag 500 kilometer door, raashtreeya raajamaarg 1 par sthit hai. aaspaas ke sabhi raajyon ke sabhi pramukh nagaron se amrutasar tak ki bas seva (saadhaaran va deelaks) upalabdh hai. raashtreeya raajamaarg 1 par kisi bhi sthaan se 24 ghante basein chalti rahati hain.

amrutasar rel maarg dvaara Bhaarat ke sabhi pramukh nagaron se juda hai. puraani Delhi aur nai Delhi se amrutasar shaan-A-Punjab ya shataabdi train se paanch se saat ghante mein amrutasar pahuncha ja sakta hai. amrutasar station se riksha karke gurudvaare pahuncha ja sakta hai.

chitr deergha

inhein bhi dekhein

sandarbh

  1. Harban Singh; Punjabi david stinksUniversity (1998). Encyclopedia of Sikhism. Punjabi University. aai॰aऍsa॰abee॰aऍna॰ 817380530X.
  2. The Sikhism Home Page: Introduction to Sikhism

baahari kadiyaan