harihr

daayein vishnu tatha baayein shankar . inhein 'shivkeshav' bhi kehte hain.

hindu dharm mein, vishnu (=hari) tatha Shiv (=har) ka sammilit roop harihr kahalaata hai. inko 'shankaranaaraayan' tatha 'shivkeshav' bhi kehte hain. vishnu tatha Shiv donon ka sammilit roop hone ke kaaran harihr vaishnav tatha shaiv donon ke liye poojya hain.

kai vidvaan Shiv aur vishnu ko alag maanate hain. dhaai hajaar saal pehle Shiv ko maanane vaalon ne apna alag panth 'shaiv' bana liya tha, to vishnu mein aastha rakhane vaalon ne 'vaishnav' panth. kintu Shiv aur vishnu alag hokar bhi ek hi hain.

vishnupuraan mein vishnu ko hi Shiv kaha gaya hai, to shivpuraan ke anusaar Shiv ke hi hajaar naamon mein se ek hai vishnu. Shiv vishnu ki leelaaon se mugdh rahate hain aur hanumaan ke roop mein unki aaraadhana karte hain. vishnu apne roopon se shivling ki sthaapanaaen aur pooja karte hain. donon mein paraspar maitri aur aastha bhaav hai.

swayam vishnu Shiv ko apna Bhagwan kehte hain, haalaanki donon ke kaam bante hue hain. Shiv pratyaksh roop mein kisi ki aaraadhana naheen karte, balki sabse maitreebhaav rakhate hain. haan, vah shakti ki aaraadhana zaroor karte hain, jo ki unheen ke bheetar samaai hui hai. Shiv aur vishnu ne apni ekaroopata darshaane ke liye hi 'harihr' roop dhara tha, jismein shareer ka ek hissa vishnu yaani hari aur doosra hissa Shiv yaani har ka hai.

anukram

sandarbh

Harihara sculpture, British Museum. The right half represents Shiva (with the Trishula) and the left half represents Vishnu (with the Chakra and Conch)

dekhein

baahari sootr