haridvaar

haridvaar
shahar
गंगाघाट हरिद्वार
gangaaghaat haridvaar
samay mandal: IST (UTC+5:30)
desh Flag of India.svg Bhaarat
raajya uttaraakhand
jila haridvaar
mahaapaur
nagar paalika adhyaksh
janasankhya
ghanatv
1147.19 hajaar (2001 tak )
kshetrafal
ooainchaai (AMSL)
2360 varg kimi ki.mee²
• 249.7 meter (819 fee॰)
aadhikaarik jaalasthal: www.haridwar.nic.in

Erioll world.svgnirdeshaank: 29°a58′aN 78°a10′aE / 29.96°aN 78.16°aE / 29.96; 78.16

haridvaar, haridvaar jila, uttaraakhand, Bhaarat mein ek pavitra nagar aur nagar nigam board hai. hindi mein, haridvaar ka arth hari "(ishvar)" ka dwaar hota hai. haridvaar hinduon ke saat pavitra sthalon mein se ek hai. 3139 meter ki oonchaai par sthit apne srot gaumukh (gangotri himnad) se 253 kimi ki yaatra karke ganga nadi haridvaar mein ganga ke maidaani kshetron mein pratham pravesh karti hai, isliye haridvaar ko gangaadvaar ke naam sa bhi jaana jaata hai, jiska arth hai vah sthaan jahaaain par gangaaji maidaanon mein pravesh karti hain.

hindu pauraanik kathaaon ke anusaar, haridvaar vah sthaan hai jahaaain amrut ki kuchh booaindein bhool se ghade se gir gayeen jab khagoleeya pakshi garud us ghade ko samudra manthan ke baad le ja rahe the. chaar sthaanon par amrut ki boondein gireen aur ye sthaan hain:- ujjain, haridvaar, Nasik aur prayaag| aaj ye vein sthaan hain jahaan kumbh mela chaaron sthaanon mein se kisi bhi ek sthaan par prati 3 varshon mein aur 12vein varsh Allahabad mein mahaakumbh aayojit kiya jaata hai. poori duniya se karodon teerthayaatri, bhaktajan aur paryatak yahaan is samaaroh ko manaane ke liye ekatrit hote hain aur ganga nadi ke tat par shaastr vidhi se snaan ityaadi karte hain.

vah sthaan jahaaain par amrut ki boondein giri thi use har-ki-paudi par brahm kund maana jaata hai jiska shaabdik arth hai 'ishvar ke pavitra pag'. har-ki-paudi, haridvaar ke sabse pavitra ghaat maana jaata hai aur poore Bhaarat se bhakton aur teerthayaatriyon ke jatthe tyohaaron ya pavitra divson ke avsar par snaan karne ke liye yahaaain aate hain. yahaaain snaan karna moksh praapt karne ke liye aavashyak maana jaata hai.

haridvaar jila, sahaaranapur diveejanal kamishnari ke bhaag ke roop mein 28 December 1988 ko astitv mein aaya. 24 September 1998 ke din uttar pradesh vidhaanasabha ne 'uttar pradesh punargathan vidheyak, 1998' paarit kiya, antat: bhaarateeya sansad ne bhi 'bhaarateeya sangheeya vidhaan - uttar pradesh punargathan adhiniyam 2000' paarit kiya aur is prakaar 9 November 2000, ke din haridvaar bhaarateeya ganaraajya ke 27vein navagathit raajya uttaraakhand (tab uttaraanchal), ka bhaag ban gaya.

aaj, yeh apne dhaarmik mahatva se pare, raajya ke ek pramukh audyogik gantavya ke roop mein, teji se viksit ho raha hai, jaise teji se viksit hota audyogik estate, raajya dhaanchaagat aur audyogik vikaas nigam, SIDCUL (sidkul), bhel (Bhaarat heavy ilektrikls limited) aur iske sambandhit sahaayak.

anukram

haridvaar: itihaas aur vartamaan

prakruti premiyon ke liye haridvaar svarg jaisa sundar hai. haridvaar bhaarateeya sanskruti aur sabhyata ka ek bahuroopradarshak prastut karta hai. iska ullekh pauraanik kathaaon mein kapilsthaan, gangaadvaar aur maayaapuri ke naam se bhi kiya gaya hai. yeh chaar dhaam yaatra ke liye pravesh dwaar bhi hai (uttaraakhand ke chaar dhaam hai:- badreenaath, kedaaranaath, gangotri aur yamunotri), isliye Bhagwan Shiv ke anuyaayi aur Bhagwan vishnu ke anuyaayi ise kramash: haradvaar aur haridvaar ke naam se pukaarate hai. har yaani Shiv aur hari yaani vishnu.

mahaabhaarat ke vanaparv mein dhaumya rishi, yudhishtar ko bhaaratavarsh ke teerth sthalon ke baare mein bataate hai jahaaain par gangaadvaar arthaat haridvaar aur kanakhal ke teerthon ka bhi ullekh kiya gaya hai.

Kapil rishi ka aashram bhi yahaaain sthit tha, jisse ise iska praacheen naam Kapil ya kapilsthaan mila. pauraanik kathaaon ke anusaar bhageerath, jo sooryavanshi raaja sagar ke prapautr (shreeraam ke ek poorvaj) the, gangaaji ko satayug mein varshon ki tapasya ke pashchaat apne 60,000 poorvajon ke uddhaar aur Kapil rishi ke shraap se mukt karne ke liye ke liye pruthvi par laaye. ye ek aisi parampara hai jise karodon hindu aaj bhi nibhaate hai, jo apne poorvajon ke uddhaar ki aasha mein unki chita ki raakh laate hain aur gangaaji mein visrjit kar dete hain. kaha jaata hai ki Bhagwan vishnu ne ek patthar par apne pag-chinh chhode hai jo har ki paudi mein ek upari deevaar par sthaapit hai, jahaan har samay pavitra gangaaji inhein chhooti rahateen hain.

prashaasanik prushthabhoomi

haridvaar jile ke pashchim mein sahaaranapur, uttar aur poorv mein deharaadoon, poorv mein paudhi gadhvaal aur dakshin mein rudki, mujffr nagar aur bijnaur hain. navanirmit raajya uttaraakhand ne sammilit kiye jaane se pehle yeh sahaaranapur divijnal kamishnari ka ek bhaag tha.

poore jile ko milaakar ek sansadeeya kshetr banta hai aur yahaaain uttaraakhand vidhaanasabha ki 9 seete hain jo hain - bhagavaanapur, rudki, ikabaalapur, mangalaur, laandhaur, laskar, bhadrabaad, haridvaar aur laaladaang.

jila prashaasanik roop se teen tahaseelon haridvaar, rudki aur laskar aur chh: vikaas khandon bhagavaanapur, rudki, narsaan, bhadrabaad, laskar aur khaanapur mein bainta hua hai. 'hareesh raavat' haridvaar Loksabha seat se vartamaan saansad aur 'madan kaushik' haridvaar nagar se uttaraakhand vidhaanasabha sadasya hain.

bhoogol

haridvaar un pehle shaharon mein se ek hai jahaaain ganga pahaadon se nikalkar maidaanon mein pravesh karti hai. ganga ka paani, adhiktar varsha ritu jab ki upari kshetron se mitti ismein ghulakar neeche aa jaati hai ke atirikt ekdam svachh va thanda hota hai. ganga nadi vichhinn pravaahon jinhein jajeera bhi kehte hain ki shrrunkhala mein bahti hai jinmein adhiktar jangalon se ghire hain. anya chhote pravaah hain: raaneepur Rao, pathari Rao, raavi Rao, harnoi Rao, begam nadi aadi. jile ka adhikaansh bhaag jangalon se ghira hai va raajaaji raashtreeya praani udyaan jile ki seema mein hi aata hai jo ise vanyajeevan va saahasik kaaryon ke premiyon ka aadarsh sthaan banaata hai. raajaaji in geton se pahuncha ja sakta hai: raamagadh gate va mohand gate jo deharaadoon se 25 kimi par sthit hai jabki moteechoor, raaneepur aur chilla gate haridvaar se keval 9 kimi ki doori par hain. kunaao gate rishikesh se 6 kimi par hai. laaladhang gate kotdvaara se 25 kimi par hai. 2360 varg kilometer kshetr se ghira haridvaar jila Bhaarat ke uttaraakhand raajya ke dakshin pashchimi bhaag mein sthit hai. iske akshaansh va deshaantar kramash: 29.96 degree uttar va 78.16 degree poorv hain. haridvaar samundr tal se 249.7 mi ki oonchaai par uttar va uttar- poorv mein shivaalik pahaadiyon tatha dakshin mein ganga nadi ke beech sthit hai.

haridvaar mein hindu vanshaavaliyon ki panjika

vah jo adhiktar bhaarateeyon va ve jo videsh mein bas gaye ko aaj bhi pata naheen, praacheen rivaajon ke anusaar hindu parivaaron ki pichhli kai peedhiyon ki vistrut vanshaavaliyaan hindu braahman panditon jinhein panda bhi kaha jaata hai dvaara hinduon ke pavitra nagar haridvaar mein hast likhit panjion mein jo unke poorvaj panditon ne aage saunpeen jo ek ke poorvajon ke asli jilon va gaanvon ke aadhaar par vargeekrut ki gayeen sahej kar rakhi gayeen hain. pratyek jile ki panjika ka vishisht pandit hota hai. yahaaain tak ki Bhaarat ke vibhaajan ke uparaant jo jile va gaaainv Pakistan mein rah gaye va hindu Bhaarat aa gaye unki bhi vanshaavaliyaan yahaaain hain. kai sthitiyon mein un hinduon ke vanshaj ab sikh hain, to kai ke muslim apitu isaai bhi hain. kisi ke liye kisi ki apitu saat vanshon ki jaankaari pandon ke paas rakhi in vanshaavali panjikaaon se lena asaamaanya naheen hai.

shataabdiyon poorv jab hindu poorvajon ne haridvaar ki paavan nagari ki yaatra ki joki adhiktar teerthayaatra ke liye ya/ va shav- daah ya svajanon ke asthi va raakh ka ganga jal mein visrjan joki shav- daah ke baad hindu dhaarmik reeti- rivaajon ke anusaar aavashyak hai ke liye ki hogi. apne parivaar ki vanshaavali ke dhaarak pandit ke paas jaakar panjiyon mein upasthit vansh- vruksh ko sanyukt parivaaron mein hue sabhi vivaahon, janmon va mrutyuon ke vivran sahit naveeneekrut karaane ki ek praacheen reeti hai.

vartamaan mein haridvaar jaane vaale bhaarateeya hakke- bakke rah jaate hain jab vahaan ke pandit unase unke nitaant apne vansh- vruksh ko naveeneekrut karaane ko kehte hain. yeh khabar unke niyat pandit tak jungle ki aag ki tarah failati hai. aajkal jab sanyukt hidoo parivaar ka chalan khtm ho gaya hai va log naabhikeeya parivaaron ko tarajeeh de rahe hain, pandit chaahate hain ki aagantuk apne faile parivaaron ke logon va apne puraane jilon- gaaainvon, daada- daadi ke naam va paradaada- paradaadi aur vivaahon, janmon aur mrutyuon jo ki vistrut parivaaron mein hui hon apitu un parivaaron jinse vivaah sampann hue aadi ki poori jaankaari ke saath vahaan aayein. aagantuk parivaar ke sadasya ko sabhi jaankaari naveeneekrut karne ke uparaant vanshaavali panji ko bhavishya ke paarivaarik sadasyon ke liye va pravishtiyon ko pramaanit karne ke liye hastaaksharit karna hota hai. saath aaye mitron va anya paarivaarik sadasyon se bhi saakshi ke taur par hastaakshar karne ki vinti ki ja sakti hai.

jalavaayu

taapamaan

greeshmakaal: 15 degree se- 42 degree se

sheetakaal: 6 degree se- 16.6 degree se

janasaankhyiki

2001 ki Bhaarat ki janaganana ke anusaar haridvaar jile ki janasainkhya 2,95,213 thi. purush 54% va mahilaaen 46% hain. haridvaar ki ausat saaksharata raashtreeya ausat 59.5% se adhik 70% hai: purush saaksharata 75% va mahila saaksharata 64% hai. haridvaar mein, 12% janasainkhya 6 varsh ki aayu se kam hai.

darshaneeya dhaarmik sthal

hindu paramparaaon ke anusaar, haridvaar mein paanch teerth gangaadvaar (har ki paudi), kushvart (ghaat), kanakhal, bilva teerth (manasa devi), neel parvat (chandi devi) hain.

har ki paudi:

yeh pavitra ghaat raaja vikramaaditya ne pehli shataabdi isa poorv mein apne bhaai bhrithaari ki yaad mein banavaaya tha. maanyata hai ki bhrithaari haridvaar aaya tha aur usane paavan ganga ke taton par tapasya ki thi. jab vah mare, unke bhaai ne unke naam par yeh ghaat banavaaya, jo baad mein hari- ki- paudi kahalaaya jaane laga. har ki paudi ka sabse pavitra ghaat brahmakund hai. sandhya samay ganga devi ki hari ki paudi par ki jaane waali aarti kisi bhi aagantuk ke liye mahatvapoorn anubhav hai. svaron va rangon ka ek kautuk samaaroh ke baad dekhne ko milta hai jab teerthayaatri jalate deeyon ko nadi par apne poorvajon ki aatma ki shaanti ke liye bahaate hain. vishv bhar se hajaaron log apni haridvaar yaatra ke samay is praarthana mein upasthit hone ka dhyaan rakhate hain. vartamaan ke adhikaansh ghaat 1800 ke samay viksit kiye gaye the.

chandi devi mandir - 6 kimi

yeh mandir chandi devi jo ki ganga nadi ke poorvi kinaare par "neel parvat" ke shikhar par viraajamaan hain, ko samarpit hai. yeh Kashmir ke raaja suchat Singh dvaara 1929 E mein banavaaya gaya. skand puraan ki ek katha ke anusaar, chand- mund joki sthaaneeya raakshas raajaaon shumbh- nishumbh ke senaanaayak the ko devi chandi ne yaheen maara tha jiske baad is sthaan ka naam chandi devi pad gaya. maanyata hai ki mukhya pratima ki sthaapana aathaveen sadi mein aadi shankaraachaarya ne ki thi. mandir chandeeghaat se 3 kimi doori par sthit hai va ek ropave dvaara bhi pahuncha ja sakta hai. phone: 01334- 220324, samay- praat: 8.30 se saaainya 6.00 baje tak.

manasa devi mandir - 0.5 kimi

bilva parvat ke shikhar par sthit, manasa devi ka mandir, shaabdik arthon mein vah devi jo man ki ichha (manasa) poorn karateen hain, ek paryatakon ka lokapriya sthaan, visheshakar kebal kaaron ke liye, jinse nagar ka manohar drushya dikhta hai. mukhya mandir mein do pratimaaen hain, pehli teen mukhon va paanch bhujaaon ke saath jabki doosari aath bhujaaon ke saath. phone: 01334- 227745.

maaya devi mandir - 0.5 kimi

11veen shataabdi ka maaya devi, haridvaar ki adhishthaatri ishvar ka yeh praacheen mandir ek siddhapeeth maana jaata hai va ise devi sati ki naabhi va hradaya ke girne ka sthaan kaha jaata hai. yeh un kuchh praacheen mandiron mein se ek hai jo ab bhi naaraayani shila va bhairav mandir ke saath khade hain.

patanyajali yogapeeth

shaikshanik sansthaan

haridvaar aur aaspaas ke kshetron mein mein nimnalikhit shiksha sansthaan hai:-

bhaarateeya praudyogiki sansthaan rudki - 30 kimi bhootapoorv rudki injeeniyri college, jo ab ek aai॰aaaai॰aati ban chuka hai, yeh Bhaarat mein praudyogiki ke kshetr mein uchch shiksha ka ek mahatvapoorn sansthaan hai jo haridvaar se 30 minute ki doori par rudki mein sthit hai.

college of engineering (koer) - 14 kimi ek niji abhiyaantiki sansthaan jo haridvaar aur rudki ke beech raashtreeya mahaamaarg 58 par sthit hai.

gurukul kaangadi vishvavidyaalaya - 4 kimi kanakhal mein ganga nadi ke tat par haridvaar-jvaalaapur baaipaas sadak par sthit.

chinmaya degree college haridvaar se 10 kimi door sthit shivaalik nagar mein basa yeh haridvaar ke vigyaan kolejon mein se ek hai.

vishv sanskrut vidyaalaya sanskrut vishvidyaalaya, haridvaar jiski sthaapan uttaraakhand sarkaar dvaara ki gayi thi vishv ka ekamaatr vishvavidyaalaya hai jo poornat: praacheen sanskrut granthon, pustakon ki shiksha ko samarpit hai. iske paathyakram ke antargat hindu reetiyon, sanskruti aur paranparaaon ki shiksha di jaati hai aur iska bhavya bhavan praacheen hindu vaastushilp par aadhaarit hai.

Delhi pablik school, raaneepur kshetr ke pramukh shaikshanik sansthaanon mein se yeh ek hai jo vishvavyaapi Delhi pablik school parivaar ka bhaag hai. yeh apni utkrusht shaikshanik upalabdhiyon, khelon, paathyakrametar kriyaakalaapon ke saath-saath sarvottam suvidhaaon, prayogashaalaaon aur shaikshanik vaataavaran ke liye jaana jaata hai.

dee॰aae॰aavi saintenari pablik school jagajeetpur mein sthit yeh vidyaalaya shiksha ke saath-saath apne vidyaarthiyon kon naitikta ka paath bhi sikhaata hai taaki yahaaain se nikla har vidyaarthi sansaar ke har kone ko prakaashit kar sake.

kendreeya vidyaalaya, bee॰aaecha॰aai॰aael kendriya vidyaalaya, bee॰aaecha॰aai॰aael, haridvaar ke pramukh shaikshanik sansthaanon mein se ek hai, jiski sthaapana 7 July, 1975 ko ki gayi thi. kendreeya maadhyamik shiksha board se sanbaddheekrut, is vidyaalaya mein pre-primary se 12veen tak 2,000 se adhik vidyaarthi padhte hai.

nagar ke mahatvapoorn kshetr

bhel, raaneepur taaunaship: bhel ka parisar, jo ki ek navaratn pooesayoo hai. yeh 12 kimee² mein faila hua hai.

parv

gahan dhaarmik mahatva ke kaaran haridvaar mein varsh bhar mein kai dhaarmik tyauhaar aayojit hote hain jinmein pramukh hain :- kavad mela, somavati amaavasya mela, ganga dashahara, gughal mela jismein lagbhag 20-25 lakh log bhaag lete hain.

is ke atirikt yahaaain Kumbh mela bhi aayojit hota hai baar har baarah varshon mein manaaya jaata hai jab bruhaspati grah kumbh raashi: mein pravesh karta hai. Kumbh mele ke pehle likhit saakshya cheeni yaatri, huaan tsaing (602 - 664 E.) ke lekhon mein milte hain jo 629 E. mein Bhaarat ki yaatra par aaya tha.

bhaarateeya shaahi raajapatr (impeeriyl gajtar India), ke anusaar 1892 ke mahaakumbh mein haije ka prakop hua tha jiske baad mela vyavastha mein teji se sudhaar kiye gaye aur, 'haridvaar sudhaar society' ka gathan kiya gaya aur 1903 mein lagbhag 4,00,000 logon ne mele mein bhaag liya. 1980 ke dashak mein hue ek kumbh mein har-ki-paudi ke nikat hui ek bhagadad mein 600 log maare gaye aur beesiyon ghaayal hue. 1998 ke maha Kumbh mele mein to 8 karod se bhi adhik teerthayaatri pavitra ganga nadi mein snaan karne ke liye yahaaain aaye. vhxhvl ljs d

parivhan

haridvaar achhi tarah sadak maarg se raashtreeya raajamaarg 58 se juda hai jo Delhi aur maanaapas ko aapas mein jodta hai. niktatam train station haridvaar mein hi sthit hai jo Bhaarat ke sabhi pramukh nagaron ko haridvaar se jodta hai. niktatam havaai adda jauli graant, deharaadoon mein hai lekin nai Delhi sthit indira Gandhi antararaashtreeya havaai adde ko praathamikta di jaati hai.

udyog

jabase raajya sarkaar ki sarkaari sanstha, sidkul (uttaraakhand raajya dhaanchaagat aur audyogik vikaas nigam limited) dvaara ekeekrut audyogik estate ki sthaapana is jile mein ki gayi hai, tabase haridvaar bahut teji se uttaraakhand ke mahatvapoorn audyogik kendra ke roop mein viksit ho raha hai, jo deshbhar ke kai mahatvapoorn audyogik gharaanon ko aakarshit kar raha hai, jo yahaaain vinirmaan suvidhaaon ki sthaapana kar rahe hain.

haridvaar pehle se hi ek sampann audyogik kshetr mein sthit hai jo baaipaas road ke kinaare basa hai jahaaain par saarvajanik kshetr ke upakram, bhel ki mukhya sahaayak ikaaiyaan sthaapit hai jo yahaaain 1964 mein sthaapit ki gayi thi aur aaj yahaaain 8,000 se adhik log prayukt hain.

sandarbh

baahari kadiyaaain