harasil

harasil
gaanv
गंगोत्री के नीचे गंगा, हरसिल में
gangotri ke neeche ganga, harasil mein
samay mandal: IST (UTC+5:30)
desh Flag of India.svg Bhaarat
raajya uttaraakhand
jila uttarakaashi
niktatam nagar uttarakaashi
kshetrafal
ooainchaai (AMSL)
1,556 km² (601 sq mi)
• 7,860 meter (25,787 fee॰)

Erioll world.svgnirdeshaank: 31°a1′a60″aN 78°a43′a60″aE / 31.03333°aN 78.73333°aE / 31.03333; 78.73333 lats>=60 (dms format) in {{Coord}} longs>=60 (dms format) in {{Coord}}{{#coordinates:}}: invalid latitude harasil, Bhaarat ke uttaraakhand raajya ke gadhvaal ke uttarakaashi jile mein uttarakaashi-gangotri maarg ke madhya sthit ek gram aur kaint kshetr hai. yeh sthaan gangotri ko jaane vaale maarg par bhaageerathi nadi ke kinaare sthit hai. harasil samudra tal se 7,860 foot ki oonchaai par sthit hai. yahaan se 30 kilometer ki doori par sthit hai gangotri raashtreeya udyaan jo 1,553 varg kimi ke kshetr mein faila hai.

anukram

praakrutik saindarya

harasil ghaati ka drushya.

harasil uttarakaashi se 73 kilometer aage aur gangotri se 25 kilometer peechhe tak saghan hariyaali se aachhaadit hai. gadhvaal ke adhikaansh saundarya sthal durgam parvaton mein sthit hain jahaan pahunchana bahut kathin hota hai. yahi kaaran hai ki prakruti premi paryatak in sthaanon par pahunch naheen paate hain. lekin aise bhi anek paryatak sthal hain jahaan sabhi praakrutik vishmata aur duruhata samaapt ho jaati hai. vahaan tak pahunchana sahaj aur sugam hota hai. yahi kaaran hai ki in suvidhaapoorn praakrutik sthalon par adhik paryatak pahunchate hain. prakruti ki ek aisi hi ek sundar upatyaka hai, harasil.

yahaan ka praakrutik saundarya dekhte hi banta hai. ghaati ke seene par bhaageerathi ka shaant aur avirl pravaah har kisi ko aanandit karta hai. poori ghaati mein nadi-naalon aur jal prapaaton ki bharamaar hai. har kaheen doodhiya jal dhaaraaen is ghaati ka maun todane mein dati hain. nadi jharanon ke saundarya ke saath-saath is ghaati ke saghan devadaar ke van manamohak hain. jahaan tak drushti jaati hai vruksh hi vruksh dikhaai dete hain. yahaan pahunchakar paryatak in vrukshon ki chhaanv tale apni thakaan ko mitaata hai. vanon se thoda oopar drushti padate hi aankhein khuli ki khuli rah jaati hai. himaachhaadit parvaton ka aakarshan to dekhte hi banta hai. dhalaanon par faile himnad bhi dekhne yogya hai.

bhoogol

Delhi-haridvaar-harasil rij, araavali parvat shrrunkhala ke uttari failaav ka bhoomigat rij hai, jiska failaav uttar uttarapoorv-dakshin dakshin pashchim tak hai aur jiska vistaar Ajmer aur Jaipur se hota hua aage anba maata-deri se Delhi tak hai.

janasaankhyiki

pichhle kuchh varshon mein bhot jaateeya samooh se sambandhit jadh log chhoti sankhya mein yahaan aakar bas gaye hain aur ye log tibbati bhaasha se milti julati ek bhaasha bolte hain.

paryatan

rishikesh se harasil ki lambi yaatra ke baad yaatri harasil mein ruk sakte hain. bhojapatr ke vruksh aur devadaar ke manamohak vanon ki talahati mein base harasil ki sundarata par bagal mein bahti bhaageerathi aur aaspaas ke jharane chaar chaand laga dete hain. gangotri jaane vaale adhiktar teerth yaatri harasil ki is sundarata ka aannand lene ke liye yahaan rukate hain. April se October tak harasil aana sugam hai, lekin barfabaari ke chalte November se March tak yahaan bahut kam hi paryatak pahunch paate hain. harasil ki ghaatiyon ka saundarya inheen maheenon mein khilta hai, jab yahaan ki pahaadiyaan aur ped barf se achhaadit rahate hain. gaumukh se nikalne waali bhaageerathi ka shaant svabhaav yahaan dekhne yogya hai. yahaan se kuchh hi doori par dodeetaal hai is taal mein rangeen machhaliyaan traada bhi paryatakon ke liye aakarshan ka kendra hain. in traada machhaliyon ko Wilson naamak ek angrej laaye the. bagori, gharaali, mukhaba, jhaala aur puraali gaanv is kshetr ki samruddh sanskruti aur itihaas ko samete hain. harasil desh ki suraksha ke naam par kheenchi gayi bheetari pankti mein rakha gaya hai jahaan videshi paryatakon ke thaharane par pratibandh hai. videshi paryatak harasil hokar gangotri, gaumukh aur tapovan sahit himaalaya ki chotiyo mein to ja sakte hain lekin harasil mein naheen thahar sakte hain. harasil se saat kilometer ki doori par saat taalon ka drushya vismayakaari hai. inhein saataal kaha jaata hai. himaalaya ki god me ek shrrukhanla par panktibddh faili in jheelon ke damakate darpan mein parvat, aasmaan aur baadalon ki parachhaaiyaan kanpakapaati si dikhti hain. ye jheel 9,000 feet ki oonchaai par faili hain. in jheelon tak pahunchane ke raaste me prakruti ka ek naya hi roop dikhaai deta hai. yahaan pahunchakar prakruti ka sangeet sunate hue jheel ke vistrut sunahare kinaaron par ghooma ja sakta hai.

teerthaatan

har varsh divaali ke baad gangaaji ki moorti ko upari himaalaya mein sthit gangotri dhaam se neeche base mukhaba gram mein laaya jaata hai aur poori sardi bhar murti yaheen rahati hai, kyonki in maheeno ke dauran gangotri mein bahut barf girti hai aur upari bhaag tak pahunchana durgam ho jaata hai.

harasil ki lokapriyta

harasil ki sundarata ko apne jamaane ke lokapriya chalachitr Ram teri ganga maili mein bhi dikhaaya ja chuka hai. Bollywood ke sabse bade shomain rahe raaj Kapoor ek baar jab gangotri ghoomane aae the to harasil ki sundarata se mantramugdh hokar yahaan ki ghaatiyon par ek chalachitr hi bana daala - Ram teri ganga maili. is chalachitr mein harasil ki ghaatiyon ko jis sajeevata se dikhaaya gaya hai vo dekhte hi banta hai. yaheen ke ek jharane mein chalachitr ki naayika mandaakini ko nahaate hue dikhaaya gaya hai. tab se is jharane ka naam mandaakini jharana pad gaya.

is ghaati se itihaas ke rochak pahaloo bhi jude hain. ek angrej the, fedarik Wilson jo East India company mein karmachaari the. vah the to England vaasi lekin ek baar jab vah masoori ghoomane aae to harasil ki ghaatiyon mein pahunch gaye. unhein yeh sthaan itna bhaaya ki unhonne sarkaari naukri tak chhod di aur yaheen basane ka man bana liya. sthaaneeya logon ke saath vah sheegra hi ghul-mil gaye aur gadhvaali boli bhi seekh li. unhonne apne rahane ke liye yahaan ek bangala bhi banaaya. nikat ke mukhaba gram ki ek ladki se unhonne vivaah bhi kiya. Wilson ne yahaan par England se seb ke paudhe mangaavaakar lagaae jo khoob fale-foole. aaj bhi yahaan seb ki ek prajaati Wilson ke naam se prasiddh hai.

kaise pahunche

harasil ki sundar ghaatiyon tak pahunchane ke liye paryatakon ko sabse pehle rishikesh pahunchana hota hai. rishikesh desh ke har kone se rel aur bas maarg se judaa hai. rishikesh pahunchane ke bas ya taxi dvaara 218 kilometer ki doori tay karne ke baad yahaan pahunch sakte hain. yahaan ka sabse sameepi havaaiadda hai jauleegraant jo deharaadoon mein hai. jauleegraant se bas ya taxi dvaara 235 kilometer ka yaatra karne ke baad yahaan pahuncha ja sakta hai.

samay aur mausam

November-December ke maheene mein jab yahaan barf ki chaadar jami hoti hai to yahaan ka saundarya aur bhi khil uthata hai. barfabaari ke shaukeen in dinon yahaan pahunch sakte hain. paryatakon ko yaatra ke dauraan is baat ka dhyaan rakhana chaahiye ki varsh ke kisi bhi maheene aaen lekin har samay garam kapade saath hone chaahiye. yahaan par khaane-peene ke liye saaf aur saste hotel saralata se upalabdh ho jaate hain jo bajat ke anuroop hote hain. harasil mein thaharane ke liye lokanirmaan vibhaag ka ek bangala, paryatak aavaas gruh aur sthaaneeya niji hotel hain. yahaan khaane-peene ki paryaapt suvidhaaen hain. gangotri jaane vaale yaatri kuchh der yahaan rukakar apni thakaan mitaate hain aur harasil ke saundarya ka lutf lete hain.

raksha krushi anusandhaan prayogashaala

raksha krushi anusandhaan prayogashaala ki ek tukadi jo raksha anusandhaan evam vikaas sangathan (DRDO) dvaara chalaai jaati hai, yahaaain May 1973 mein sthaapit ki gayi thi.

baahari kadiyaaain