harasaunth

harasaunth

harasaunth (jipsam) (Ca SO4, 2H2o) ek tahadaar khanij hai jise 'sailainaait' bhi kehte hain. raasaayanik sanrachana ki drushti se yeh kailsiym ka salfet hai, jismein jal ke bhi do anu rahate hain. garam karne se jal ke anu nikal jaate hain aur yeh ajal ho jaata hai. aakruti mein yeh daanedaar sangamarmar sadrush hota hai. aise harasaunth ko selenaait ya selakhadi (alaabaastar) kehte hain. namak ki khaanon mein namak ke saatha harasaunth bhi mila rahata hai. samudra ke paani mein bhi harasaunth rahata hai. samudri paani ko sukhaane par jo lavan praapt hote hain unamein harasaunth ke manibh paae jaate hain.

anukram

praapti

harasaunth ki ek kism, selenaait, dakshin Australia ke andaamooka parvat shrunkhala se

yeh khanij visheshat: oosar bhoomi aur shushk bhaagon mein adhik paaya jaata hai. harasaunth sansaar ke anya deshon mein prachurata se paaya jaata hai. Bhaarat mein Rajasthan, Gujarat, Tamil Nadu aur Bihar mein iske nikshep mile hain.

upayog

  • urvarak ke nirmaan mein iska prayog hota hai. amoniym salfet urvarak ka salfet, jipsam se hi praapt hota hai.
  • iske svachh toote patton ka upayog selon ke vargeekaran mein tatha selon ke prakaasheeya niytaankon ke nirdhaaran mein hota hai.

gunadharm

harasaunth ke manibh prijm ke aakaar ke ya nalaakaar hote hain. anek sthalon mein selenaait ke sundar, sookshm manibh paae gaye hain.

harasaunth komal hota hai. nakhon se ispar kharoch pad jaati hai. iski kathorata 1.5 se 2 tak hoti hai tatha vishisht gurutv 2.3 ke lagbhag. yeh jal mein alp vileya hota hai. harasaunth se hokar bahate hue paani mein harasaunth ka kuchh ansh ghula hua rahata hai, jisse paani kathor ho jaata hai.

shuddh harasaunth safed ya varnarahit hota hai. par saadhaaran: apadravyon ke kaaran iska rang dhoosar, peela ya gulaabi dikhaai deta hai. yadi 75% jal nikaalkar harasaunth ko pees daala jaae to utpaad plaastar ov pairis ke naam se vyaapak roop se cement ke roop mein prayukt hota hai. harasaunth ko plaastar patthar ya saaaincha patthar bhi kehte hain kyonki is plaastar ov pairis badi maatra mein aur saaainche badi sankhya mein bante hain.

baahari kadiyaaain