hanumaan

hanumaan
bhajan gaate hue hanumaan ji
bhakti
devanaagari	hanumaan
sahabaddhata	Ram ke bhakt
mantra	Om shri hanumate nam:.
shastr	gada
patni	brahmachaari
the va b

hanumaan (SA: hanumaan, aanyajaneya aur Maruti bhi) parameshvar ki bhakti (hindu dharm mein Bhagwan ki bhakti) ki sabse lokapriya avadhaaranaaon aur bhaarateeya mahaakaavya raamaayan mein sabse mahatvapoorn vyaktiyon mein pradhaan hain. vah kuchh vichaaron ke anusaar Bhagwan shivji ke 11vein rudraavataar, sabse balavaan aur buddhimaan maane jaate hain. unki sabse prasiddh upalabdhi thi, jaisa ki raamaayan mein varnit hai, bandaron ki sena ke agrani ke roop mein raakshas raaja raavan se ladaai. parantu kai vidvaanon ne hanumaan ji ki jaati vaanar bataai hai. isi ka jeeta jaagata udaaharan hai viraat nagar (Rajasthan) mein sthaapit panchakhandapeeth paavan dhaam sthit vajraang mandir. gobhakt mahaatma raamachandr veer ne pure Hindustan mein vishv ka sabse alag mandir sthaapit kiya jismein hanumaan ji ki bina bandar vaale mukh ki moorti sthaapit hai. mahaatma raamachandr veer ne hanumaan ji jaati vaanar bataai hai, shareer naheen| unhonne kaha hai ki seeta maata ki khoj karne vaale aur vedon paatho ke jnyaaata hanumaanaji bandar kaise ho sakte hai| unhonne lanka ko jalaane ke liye vaanar ka roop dhara tha| 2009 ke mahaatma ke svargavaas ke baad unke saputr aachaarya dharmendr (vishv hindu parishad ke keindreeya maargadarshak mandal mein shaamil sant)]] evam panchakhandapeeth viraatanagar ke peethaadishvar hai.

jyotisheeyon ke sateek ganana ke anusaar hanumaan ji ka janm 1 karod 85 lakh 58 hajaar 112 varsh pehle chaitr poornima ko mangalvaar ke din chitr nakshatr va mesh lagn ke yog mein subah 6.03 baje hua tha.^[1]

inhein bajarangabali ke roop mein jaana jaata hai kyonki inka shareer ek vajr ki tarah tha. hanumaan pavan-putr ke roop mein jaane jaate hain| vaayu athva pavan (hava ke devata) ne hanumaan ko paalne me mahatvapoorn bhoomika nibhaai thi.

maarut (sanskrut: marut) ka arth hava hai. nandan ka arth beta hai. hindu pauraanik kathaaon ke anusaar hanumaan "Maruti" arthaat "marut-nandan" (hava ka beta) hain.

raamaayan ke anusaar ve jaanki ke atyadhik priya hain. is dhara par jin saat maneeshiyon ko amaratv ka varadaan praapt hai, unamein bajarangabali bhi hain. hanumaanaji ka avataar Bhagwan Ram ki sahaayata ke liye hua. hanumaanaji ke paraakram ki asankhya gaathaaen prachalit hain. inhonne jis tarah se Ram ke saath sugreev ki maitri karaai aur fir vaanaron ki madad se raakshason ka mardan kiya, vah atyant prasiddh hai. [1]

hanumaan ke pita sumeroo parvat ke vaanararaaj raaja kesari the tatha maata anjana thi. hanumaan ji ko pavan putr ke naam se bhi jaana jaata hai aur unke pita vaayu Dave bhi maane jaate hai . saalaasar va mehandeepur dhaam mein inke vishaal evam bhavya mandir hai.

hanumaan sooraj ko fal maanate hue pakadne ke liye aage badhte hain.

inke janm ke pashchaat ek din inki maata fal laane ke liye inhein aashram mein chhodkar chali gain. jab shishu hanumaan ko bhookh lagi to ve ugate huye soorya ko fal samajhakar use pakadne aakaash mein udne lage. unki sahaayata ke liye pavan bhi bahut teji se chala. udhar Bhagwan soorya ne unhein abodh shishu samajhakar apne tej se naheen jalne diya. jis samay hanumaan soorya ko pakadne ke liye lapke, usi samay raahu soorya par grahan lagaana chaahata tha. hanumaanaji ne soorya ke oopari bhaag mein jab raahu ka sparsh kiya to vah bhayabheet hokar vahaaain se bhaag gaya. usane indr ke paas jaakar shikaayat ki "devaraaj! aapne mujhe apni kshudha shaant karne ke saadhan ke roop mein soorya aur chandr diye the. aaj amaavasya ke din jab main soorya ko grast karne gaya tab dekha ki doosra raahu soorya ko pakadne ja raha hai."

raahu ki baat sunakar indr ghabara gaye aur use saath lekar soorya ki or chal pade. raahu ko dekhkar hanumaanaji soorya ko chhod raahu par jhapate. raahu ne indr ko raksha ke liye pukaara to unhonne hanumaanaji par vajraayudh se prahaar kiya jisse ve ek parvat par gire aur unki baayeen thuddi toot gayi. hanumaan ki yeh dasha dekhkar vaayudev ko krodh aaya. unhonne usi kshan apni gati rok diya. isse sansaar ki koi bhi praani saaains na le saki aur sab peeda se tadpane lage. tab saare sur, asur, yaksh, kinnar aadi brahma ji ki sharan mein gaye. brahma un sabko lekar vaayudev ke paas gaye. ve moorhat hanumaan ko god mein liye udaas baithe the. jab brahmaaji ne unhein jeevit kiya to vaayudev ne apni gati ka sanchaar karke sabhi praaniyon ki peeda door ki. fir brahmaaji ne kaha ki koi bhi shastr iske ang ko haani naheen kar sakta. indr ne kaha ki iska shareer vajr se bhi kathor hoga. sooryadev ne kaha ki ve use apne tej ka shataansh pradaan kareinge tatha shaastr marmajnya hone ka bhi aasheervaad diya. varun ne kaha mere paash aur jal se yeh baalak sada surakshit rahega. yamadev ne avadhya aur neerog rahane ka aasheervaad diya. yaksharaaj kuber, vishvakarma aadi devon ne bhi amogh varadaan diye.

hanumaan trisirs ka vadh karte hain.

indr ke vajr se hanumaanaji ki thuddi (sanskrut me hanu) toot gayi thi| isaliye unako hanumaan ka naam diya gaya. iske alaava ye anek naamon se prasiddh hai jaise bajarang bali, Maruti, anjani sut, pavanaputr, sankatamochan, kesareenandan, mahaaveer, kapeesh, Balaji mahaaraaj aadi.

• hanumaan chaaleesa
• hanumaan jayanti

vikimeediya kaumans par hanumaan se sambandhit media hai.

• Dedicated Website On Hanuman
• About Lord Hanuman
• sankatamochan hanumaanaashtk ji ki aarti
• Lord Hanuman Information
• Lord Hanuman by Swami Sivananda
• The life of Hanuman
• Sri Viswaroopa Panchamukha Hanuman Ashram, Tiruvallur,India
• Hanuman World - The Online Home of Indian Culture for Young People