ham saath saath hain

ham saath saath hain
हम साथ साथ हैं.jpg
ham saath saath hain ka poster
nirdeshak sooraj Barjatya
abhineta Salman Khan,
karishma Kapoor,
saif Ali Khan,
tabu,
sonaali Bendre,
mohaneesh bahal,
mahesh thaakur,
neelam,
aalok naath,
sateesh shaah,
sadaashiv amaraapurakar,
Rajiv varma,
shakti Kapoor,
ajeet vaachhaani,
dileep dhavan,
sangeetakaar raamalakshman
pradarshan tithi(yaaain) 1999
desh Bhaarat
bhaasha hindi

ham saath saath hain 1999 mein bani hindi bhaasha ki film hai.

sankshep

raamakishn ek sammaanit aur dhani udyogapati hain. unka parivaar aadhunik hote hue bhi paramparaagat ekta tatha paraspar prem ka anootha udaaharan hai. unke teen bete-- vivek, prem, vinod-- aur ek beti-- sangeeta-- hai. raamakishn teenon beton aur patni mamata ke saath ek bhavya nivaas mein rahate hain. vivek unki divङagat pehli patni ka putr hai. use usaki sauteli maata mamata (raamakishn ki doosari patni) ne paala hai. mamata prem, sangeeta aur vinod ki sagi maata hai kintu vah vivek ko bhi utana hi pyaar deti hai jitna apni santaanon ko. vivek raamakishn ka vyaapaar chalaane mein mahatva poorn bhoomika nibhaata hai. bachapan ki ek durghatana mein vah apne bhaaiyon ko bachaate hue ek haath se viklaang ho gaya tha. is kaaran uske liye yogya vadhoo milne mein kathinaai hoti hai. sangeeta vivaahita hai aur sasuraal mein rahati hai. uske pati ka naam aanand aur nanheen beti ka naam raadhika hai. sangeeta ke sasuraal mein aanand ke jyeshth bhraata anuraag, bhaabhi jyoti aur do bhateeje raajoo-babaloo bhi hain.

raamakishn aur mamata ke vivaah ki rajat jayanti par ek bhavya samaaroh ka aayojan hota hai jismein parivaar ke sabhi sadasya, bandhu-baandhav aur parichit log sammilit hote hain. ismein aadarsh babu naam ke ek udyogapati apni ikalauti beti saadhana ke saath aate hain. videsh mein pali hui maatruheena saadhana raamakishn ke sanyukt parivaar ki ekta aur sanskaarayukt jeevan shaili se prabhaavit ho jaati hai. agale hi din aadarsh babu raamakishn aur mamata ke aage saadhana aur vivek ke paraspar vivaah ka prastaav rakhate hain jise saharsh sveekaar kar liya jaata hai. vivek ko chinta hoti hai ki saadhana usaki viklaangata ke saath poora jeevan samjhauta naheen kar paayegi. kintu saadhana ka adig nishchaya vivek ka sanshaya mita deta hai. dhoomadhaam se donon ka vivaah sampann ho jaata hai. navavadhoo ke svaagat mein ek manoranjak kaaryakram ka aayojan hota hai. ismein chulabula vinod aur paarivaarik mitr dharmaraaj ki beti sapana milkar ghar ke sabhi sadasyon ki nakal utaarate hain. haas-parihaas mein vinod aur sapana is baat ka ishaara karte hain ki sharmeela prem aur paarivaarik mitr preetam ki beti Doctor preeti man hi man ek doosare ko chaahate hain. agale din gurujanon ki sahamati se prem aur preeti ki sagaai ho jaati hai.

iske kuchh dinon baad vivek, saadhana, prem, preeti, sangeeta, aanand, vinod, raajoo, babaloo aur raadhika raamakishn ke Patrick gaanv Rampur mein chhutti manaane jaate hain. sapana, jo apne pita aur daadi ke saath vaheen rahati hai, un sab ka svaagat-satkaar karti hai. hansi thitholi aur mauj masti ke beech vinod aur sapana ka paraspar aakarshan sabke saamane aa jaata hai. bahut ullaas ke saath un donon ki sagaai bhi kar di jaati hai. ab raamakishn yeh nirnaya karte hain ki vyaapaar ki baagdor beton ko saunp kar vah kaam se avakaash grahan kar leinge. vah jyeshth putr vivek ko 'prabandh nideshak' (mainejing director) banaane ki anaupachaarik ghoshana kar dete hain. is baat se sabhi khush hote hain par sapana ke pita dharmaraaj ko yeh achha naheen lagta. vah naheen chaahate ki unka bhaavi daamaad vinod apne jyeshth bhraata vivek ke aadheen rahe. vah mamata ko apne paksh mein karne ke uddeshya se raamakishn ke shahari nivaas pahunch jaate hain.

tabhi ek apratyaashit ghatna se sab hataprabh rah jaate hain. aanand ke jyeshth bhraata anuraag use apne vyaapaar aur ghar se bedakhal kar dete hain. sangeeta, aanand aur raadhika raamakishn ke ghar aa jaate hain. vivek unhein punarsthaapit karne ke liye Bangalore le jaata hai. isi beech dharmaraaj ko mamata se apni baat kehne ka avsar mil jaata hai. ismein mamata ki teen saheliyaan unka saath deti hain. ve sab milkar mamata ko samajhaate hain ki use ऱaaamakishn se kehkar ghar aur vyaapaar ka teenon beton mein baraabar bantavaara karva dena chaahiye. yadi aisa na hua to baad mein beton aur bahuon mein tanaav aur matabhed panapane lageinge. ve mamata se yeh bhi kehte hain ki sautela hone ke naate vivek apne chhote bhaaiyon ke saath anyaaya karega. beti-daamaad ki vipda se dukhi mamata apni saheliyon aur dharmadaas ki baaton mein aa jaati hai. vah raamakishn se maang karti hai ki vivek ko sarvochch pad na dekar vah jaayadaad ka teenon beton mein baraabar bantavaara kar dein.

raamakishn bantavaare ki maang ko thukara dete hain aur apni patni ko samajhaane ka prayaas karte hain. kintu saadhana ye baatein sun leti hai aur Bangalore se lautane par vivek ko sab bata deti hai. vivek tatkaal nirnaya karta hai ki vah 'prabandh nideshak' ka pad prem ko dilva dega aur swayam saadhana ke saath Rampur mein rahega, jisse mamata ki aashanka nirmool ho jaaye. yeh sunakar vinod bhi vivek aur saadhana ke saath jaane ka nishchaya kar leta hai. teenon ghar se ravaana ho jaate hain. prem us samay videsh mein hone ke kaaran in baaton se anabhijnya rahata hai. Rampur pahunchane ke kuchh samay baad hi yeh gyaat hota hai ki saadhana garbhavati hai. is beech prem videsh se laut aata hai aur vivek ko vaapas le jaane ka prayaas karta hai. vivek ke mana kar dene par prem anichha se 'prabandh nideshak' ban jaata hai. parantu vah us pad ko jyeshth bhraata vivek ki dharohar aur apne ko unka pratinidhi maan kar chalta hai. vah mamata ke aage sankalp leta hai ki vivek aur saadhana ka mahatva yathaasthaan bana rahega aur unke ghar lautane tak vah vivaah bhi naheen karega. vah kehta hai ki sautelaapan vivek ke man mein na ho kar swayam mamata ke man mein hai. mamata yeh sab sun kar avaak rah jaati hai.

samay beetata jaata hai. sapana aur preeti saadhana ki garbhaavastha mein usaka dhyaan rakhati hain. is beech anuraag ko vyaapaar mein haani hone lagti hai. kaaran poochhane par uske karmachaari bataate hain ki aanand ki anupasthiti se aisa ho raha hai. ghar mein sangeeta aur raadhika ke na hone se jyoti, raajoo aur babaloo udaas rahate hain. isi kaaran se raajoo aur babaloo beemaar ho jaate hain. tab anuraag ko apni bhool ka pachhataava hone lagta hai. sangeeta aur aanand raadhika ko lekar laut aate hain. anuraag unase kshama maangata hai aur unka bikhra parivaar fir se ek ho jaata hai. yeh jaanakar mamata ko bhi apni galati par bahut pachhataava hota hai. vah apne pati se kshamaapraarthana karti hai aur vivek-saadhana ko ghar laane ke liye Rampur chal deti hai. Rampur mein saadhana ko ek putr ratn ki praapti hoti hai. raamakishn ka parivaar fir se saath-saath aa jaata hai. iske baad prem-preeti aur vinod-sapana vivaah bandhan mein bandh jaate hain. dharmaraaj apni bhool sveekaar karte hain. sabki shubhakaamanaaon ke saath vivek 'prabandh nideshak' ka pad grahan karta hai. ant mein yeh sanket milta hai ki vivek ka viklaangata-grast haath bhi theek hone laga hai.

mukhya kalaakaar

baahari kadiyaaain