ham aapke hain kaun

ham aapke hain kaun
Hum aapke hai kaun.jpg
nirdeshak sooraj Barjatya
abhineta maadhuri Dixit,
Salman Khan
sangeetakaar raamalakshman
pradarshan tithi(yaaain) 1994
desh Bhaarat
bhaasha hindi

ham aapke hain kaunsooraj Barjatya nirmit 1994 mein bani hindi bhaasha ki film hai. 5 August ko release hui ye film box office India par badi hit saabit hui thi. 5 August 2014 ke din is film ne 20 saal poore kar liye hain.[1]

anukram

sankshep

yeh prem naam ke yuvak aur nisha naam ki yuvati ki kahaani hai. donon chulabule, hansamukh aur sharaarati hain. prem ke maata pita ka uske bachapan mein dehaant ho chuka hai. prem aur uske jyeshth bhraata raajesh ko unke chaacha kailaashanaath ne paala hai. kailaashanaath bhateejon ke uchit paalanaposhan ke liye aajeevan avivaahit rahe hain. raajesh apne chaacha ke vyavasaaya ko kushalata se chala raha hai. kailaashanaath ko uske liye yogya vadhoo ki talaash hai. prem aur raajesh ke maama nisha ki deedi pooja ka naam sujhaate hain. raajesh aur pooja ka rishta tay ho jaata hai. pehli mulaakaat se hi prem aur nisha ke beech nok-jhonk, majaak aur sharaarat ka silsila chalne lagta hai. pooja dulhan ban kar sasuraal aa jaati hai. vah apne saral, nirmal va snehasheel svabhaav se sabka dil jeet leti hai. kuchh samay baad jab vah garbhavati hoti hai to usaki godabharaai ke liye ek bhavya samaaroh ka aayojan kiya jaata hai. nisha is kaaryakram mein bhaag lene ke liye apni deedi ke sasuraal aati hai aur bachche ke janm tak vaheen rahati hai. is beech prem aur nisha ek doosare ko chaahane lagte hain. pooja ek bete ko janm deti hai. donon parivaaron mein khushi chha jaati hai. apne ghar vaapis jaate samay nisha bhaari man ke saath prem se vida leti hai. prem use vishvaas dilaata hai ki vah jaldi apne parivaar se kehkar un donon ka rishta tay kara lega. kuchh dinon baad jab pooja apne bete ko lekar maayake jaana chaahati hai to prem use vahaan tak pahunchaane jaata hai. vahaan jaakar vah apni bhaabhi ko nisha aur apne sambandh mein batalaata hai. pooja bahut khush hoti hai aur un donon ko vivaah ke bandhan mein baandhane ka sankalp leti hai. prateek svaroop vah nisha ko apne sasuraal ka khaanadaani haar bheint karti hai. tabhi phone ki ghanti bajti hai. raajesh se baat karne ko utsuk pooja phone uthaane jaati hai, par tabhi usaka pair fisl jaata hai aur vah sir ke bal gir kar lahooluhaan ho jaati hai. aspataal mein Doctor upachaar ke bahut prayaas karte hain, kintu pooja ki jeevan leela samaapt ho jaati hai. is traasadi se sabhi hataprabh aur shokamagn rah jaate hain.

pooja ki mrutyu ke baad sabko raajesh aur uske nanhe putr ki chinta hoti hai. patni ke viyog aur bete ke bhavishya ki fikr ke kaaran raajesh ka svaasthya girne lagta hai. aise mein pooja ke pita yeh prastaav rakhate hain ki raajesh unki chhoti beti nisha se vivaah kar le. is baat se prem kuchh pal ke liye duvidha mein ghir jaata hai. kintu apne bhaai aur bhateeje ke liye vah apni bhaavanaaon ka balidaan de deta hai aur prastaav ka samarthan karta hai. sabke bahut samajhaane par bete ke hit mein raajesh is vivaah ke liye taiyaar ho jaata hai. nisha ke maata pita usase poochhte hain ki kya vah apni deedi ke sasuraal mein bahoo ban kar jaayegi. vah samajhti hai ki ve usaka vivaah prem se tay kar rahe hain aur sharmaate hue apni sveekruti de deti hai. vivaah ke kuchh din pehle hi nisha ko pata chalta hai ki bhramavash usane raajesh ki patni banane ke liye haan kar di hai. parantu use yeh bodh bhi hota hai ki usaka yeh nirnaya uske nanhein bhaanje aur raajesh ke jeevan mein khushiyaan la sakta hai. isaliye vah apni bhaavanaaon ki bali dene ko taiyaar ho jaati hai. vivaah ka din aa jaata hai. apne dukh ko bhool kar prem apne bhaiya ki baaraat ke saath nisha ke ghar pahunchata hai. dulhan bani nisha ko pooja ka bheint kiya hua khaanadaani haar yaad aata hai. vah prem ko haar lautaana chaahati hai. nisha haar ko lapet kar ek patra ke saath prem ke paas bhej deti hai. parantu vah patra aur haar prem ke sthaan par raajesh ke haath lag jaate hain. sab kuchh jaan kar raajesh prem aur nisha se poochhata hai ki unhonne use vishvaas mein kyon naheen liya. raajesh donon parivaaron ko prem aur nisha ke sambandh ki jaankaari deta hai aur unka vivaah karaane ka prastaav rakhata hai. antat: sabki sahamati aur aasheervaad ke saath prem aur nisha ka vivaah ho jaata hai.

charitra

mukhya kalaakaar

dal

sangeet

is film ka sangeet raamalakshman ne diya hai.

rochak tathya

parinaam

bauks office

sameekshaaeain

naamaankaran aur puraskaar

baahari kadiyaaain