haimalet

haimalet (Hamlet) sheksapiyr ka ek du:khaant naatak hai, jiska abhinay sarvapratham san 1603 E. tatha prakaashan san 1604 E. ke lagbhag hua tha.

kathaanak

Denmark ka raaja klaadiys apne bhaai ki hatya karke sinhaasanaaroodh hua. mrut raaja ki patni garatrood, jiski sahaayata se hatya sampann hui thi, ab klaadiys ki patni tatha Denmark ki mahaaraani ban gayi. is prakaar apne pita ki mrutyu ke baad mrut raaja ka putr haimalet uttaraadhikaar se vanchit rah jaata hai. haimalet tab vitenabarg se, jahaaain vah vidyaarthi tha, vaapas lautata hai tab uske pita ki pretaatma use kyaadiys aur garatroot ke aparaadh se avagat karaati hai tatha klaadiys ke prati pratihinsa ke liye prerit karti hai. haimalet svabhaav se vishaadagrast tatha deerghasootri hai, at: vah pratihinsa ka kaarya taalata jaata hai. apni pratihinsa ki bhaavana chhipaane ke liye haimalet ek vikshipt vyakti ke samaan vyavahaar karta hai jisse logon ke man mein yeh dhaaran hoti hai ki vah laard cheinbaralen poloniys ki putri ofeeliya ke prem mein paagal ho gaya hai. ofeeliya ko usane pyaar kiya tha kintu baad mein uske prati haimalet ka vyavahaar anishchit evam vyangapoorn ho gaya. apne pita ki pretaatma dvaara bataae hue jaghanya tathyon ki pushti haimalet ek aise naatya abhinay ke maadhyam se karta hai jismein uske pita ke vadh ki katha duharaai gayi hai. klaadiys ki teevr pratikriya se haimalet ke man mein yeh nishchit ho jaata hai ki pretaatma dvaara bataai hui baatein satya hain. naatya abhinay ke uparaant vah apni maata ki bhartsana karta hai tatha klaadiys ke dhokhe mein parade ke peechhe chhipe hue poloniys ko maar daalata hai. ab klaadiys haimalet ki hatya ke liye vyavastha karta hai aur is abhipraaya se use England bhejata hai. raaste mein samudri daakoo use bandi banaate hain aur vah Denmark laut aata hai. ofeeliya ki mrutyu hoti hai tatha poloniys ka putr evam ofeeliya ka bhaai leyarateej haimalet ko dvand yuddh ke liye chunauti deta hai. leyarateej ko klaadiys ka samarthan praapt hai. vah vish se bujhi hui talavaar dekar haimalet se ladta hai. donon ghaayal hote hain aur marate hain. apni mrutyu ke poorv haimalet klaadiys ko maar daalata hai aur garatrood bhi anajaane mein vish mili hui madira peekar mar jaati hai.

is naatak mein anek mahatvapoorn naitik aur manovaigyaanik prashnon ka samaavesh hua hai tatha sameekshakon ne ismein nibddh samasyaaon par gambhir vichaar prakat kiye hain.