haarmon

okseetosin haarmon ka chitr
aadrenaalin (Adrenaline) naamak haarmon ki raasaayanik sanrachana

haarmon ya granthirs ya ant:sraav jatil kaarbanik padaarth hain jo sajeevon mein hone waali vibhinn jaiv-rasaayanik kriyaaon, vruddhi evam vikaas, prajanan aadi ka niyman tatha niyantran karta hai. ye koshikaaon tatha granthiyon se sraavit hote hain. haarmon saadhaaranat: apne utpatti sthal se door ki koshikaaon ya ootakon mein kaarya karte hain isliye inhein 'raasaayanik doot' bhi kehte hain. inki sookshm maatra bhi adhik prabhaavashaali hoti hai. inhein shareer mein adhik samay tak sanchit naheen rakha ja sakta hai at: kaarya samaapti ke baad ye nasht ho jaate hain evam utsarjan ke dvaara shareer se baahar nikaal diye jaate hain. haarmon ki kami ya adhikta donon hi sajeev mein vyavadhaan utpann karti hain.

parichay

paudhon evam jantuon dono ke apne apne haarmon hote hain. paudhon mein paae jaane vaale haarmon ko vanaspati haarmon ya paadap haarmon kehte hain. ye jatil kaarbanik yaugik paudhon ke ek bhaag mein nirmit hokar anya bhaagon mein sthaanaantarit ho jaate hain tatha un angon ki vruddhi, jaivik kriyaaon par niyntran evam unke beech samanvaya sthaapit karte hain. vanaspit haarmon vruddhi, vikaas, koshika-vibhaajan, beejon ke ankuran, kalika nirmaan, apasthaanik jadon ki vruddhi, falon ke nirmaan, aparipkv falon evam pattiyon ko girne se rokane, kaimbiym ki sakriyta evam paudhon mein hone waali vibhinn jaivik kriyaaon ke niyntran mein sahaayata karte hain. jantuon mein haarmon ka straav aamtaur par ant:straavi granthiyon dvaara hota hai. ye granthiyaaain meroodandi praaniyon mein viksit hoti hain. inmein haarmon rakt ke maadhyam se apne kaarya sthalon tak pahuainch jaate hain. ye praay: proteen, steraayad, poli peptaaid prakruti ke hote hain.

haarmon apne kaarya sthal ki koshikaaon ke kaaryon prabhaavit karte hain. inke kaarya karne ke tareeke inki raasaayanik prakruti ke anusaar bhinn-bhinn hote hain. proteen haarmon evam poli peptaaid haarmon koshikaaon ki satah par upasthit sanyojako se judkar koshika ke koshika drav mein raasaayanik parivartan kar dete hain jiske parinaam svaroop apekshit kaarya sampann ho jaata hai. steraayad haarmon koshika jhilli ko paarakar koshika mein pravesh karte hain evam koshika drav me kisi sanyojak se sanyog karne ke baad kendrak mein pahuainch jaate hain. kendrak mein ye seedhe DNA se sanyog karke proteen sanshleshan ko prabhaavit karte hain.[1] sabhi steraayad haarmonon ke sanyojak koshika ke koshika drav mein naheen hote hain, kuchh ke sanyojak koshika jhilli mein bhi sthit rahate hain.[2]

sandarbh

  1. Beato M, Chavez S and Truss M (1996). "Transcriptional regulation by steroid hormones". Steroids 61 (4): 240–251. doi:10.1016/0039-128X(96)00030-X. PMID 8733009.
  2. Hammes SR (2003). "The further redefining of steroid-mediated signaling". Proc Natl Acad Sci USA 100 (5): 21680–2170. doi:10.1073/pnas.0530224100. PMID 12606724.