haafoos (aam)

puaal ke beech haafoos aam
haapus aam ka vruksh jismein fool lage hue hain

haafoos (angreji mein Alphanso alafaanso, maraathi mein haapus, gujaraati mein haafus (હaaાaaફaaુaaસ) aur kannad mein aapoos (ಆaaಪaaೂaaಸaa್), aam ki ek kism hai jise mithaas, sugandh aur svaad ke maamale mein aksar aamon ki sabse achhi kismon mein se ek maana jaata hai. Europeeya bhaashaaon mein iska naam alafaanso, afonso di albookark (purtagaali: Afonso de Albuquerque) ke sammaan mein rakha gaya hai.

pakane ke baad ise lagbhag ek saptaah tak rakha ja sakta hai aur iska yeh gun iska niryaat sugam banaata hai. keemat ke maamale mein yeh aam Bhaarat ke sabse mahange aamon mein se ek hai aur ise mukhyat: pashchim Bhaarat mein hi ugaaya jaata hai. iska mausam April se May ke madhya hota hai aur pratyek aam ka vajan 150 gram se 300 gram ke madhya hota hai.

Bhaarat mein ilaake

haafoos aamon ki sabse behatareen kism Maharashtra ke konkan ilaake mein sthit sindhudurg jile ki tahaseel devagadh mein ugaayi jaati hai, saath hi sabse achhe aam saagar tat se 20 kilometer andar ki or sthit jameen par hi ugate hain. iske alaava Maharashtra ka ratnaagiri jila, Gujarat ke dakshini jile valasaad aur navasaari bhi haafoos ki paidaavaar ke liye prasiddh hain.

sandarbh