gvaaliyr

gvaaliyr
nagar
samay mandal: IST (UTC+5:30)
desh Flag of India.svg Bhaarat
raajya madhya pradesh
jila gvaaliyr jila
mahaapaur vivek narayan shajwalkar
nagar paalika adhyaksh
janasankhya
ghanatv
2,030,543 (2011 tak )
• 445 /kimi2 (1,153 /varg meal)
kshetrafal 5,214 ki.mee²
aadhikaarik jaalasthal: www.gwalior.nic.in/

Erioll world.svgnirdeshaank: 26°a08′aN 78°a06′aE / 26.14°aN 78.10°aE / 26.14; 78.10

gvaaliyr Bhaarat ke madhya pradesh praant ka ek pramukh shahar hai. bhaugolik drushti se gvaaliyr m.pr. raajya ke uttar mein sthit hai. yeh shahar aur iska kila uttar Bhaarat ke praacheen shaharoain ke kendra rahe haiain. yeh shahar gurjar pratihaar, tomar tatha kachhavaaha raajavansho ki rajdhani raha hai. is shahar mein inke dvaara chhode gaye praacheen chinh smaarakon, kilon, mahalon ke roop mein mil jaaenge. sahej kar rakhe gaye ateet ke bhavya smruti chinh is shahar ko paryatan ki drushti se mahatvapoorn banaate hain. gvaaliyr shahar ke is naam ke peechhe bhi ek itihaas chhipa hai; aathaveen shataabdi mein ek raaja hue soorajasen, ekabaar ve ek agyaat beemaari se grast ho mrutyushaiya par the, tab gvaalipa naamak sant ne unhein theek kar jeevanadaan diya. bas unheen ke sammaan mein is shahar ki neenv padi aur ise naam diya gvaaliyr.

iske baad aane waali shataabdiyon mein yeh shahar bade-bade raajavansho ki raajasthali bana. har sadi ke saath is shahar ke itihaas ko naye aayaam mile. mahaan yodhdaaon, raajaaon, kaviyon sangeetakaaron tatha santon ne is rajdhani ko deshavyaapi pehchaan dene mein apna-apna yogadaan diya. aaj gvaaliyr ek aadhunik shahar hai aur ek jaana-maana audyogik kendra hai.


anukram

paryatan sthal

gvaaliyr ke kile ka sinhadvaar

suraj Singh kila

send ston se bana yeh kila shahar ki har disha se dikhaai deta aur shahar ka pramukhatam smaarak hai. ek u/che pathaar par bane is kile tak pahunchane ke liye ek behad oonchi chadhaai waali patali sadak se hokar jaana hota hai. is sadak ke aarsapaas ki badi-badi chattaanon par jain teerthakanron ki vishaal moortiyaan behad khoobsoorti se aur baareeki se gadhi gi hain. kile ki teen sau feet unchaai is kile ke avijit hone ki gavaah hai. is kile ke bheetari hisson mein madhyakaaleen sthaapatya ke adbhut namoone sthit hain. pandrahaveen shataabdi mein nirmit goojari mahal unamein se ek hai jo raaja Mansingh aur goojari raani mruganayani ke gahan prem ka prateek hai. is mahal ke baahari bhaag ko uske mool svaroop mein raajya ke puraatatv vibhaag ne saprayaas surakshit rakha hai kintu aantarik hisse ko sangrahaalaya mein parivrtit kar diya hai jahaan durlabh praacheen moortiyaan rakhi gayi hain jo kaarban deting ke anusaar pratham shati A di ki hain. ye durlabh moortiyaan gvaaliyr ke aarsapaas ke ilaakon se praapt hui hain. yeh kila avashya dekhe | gvaaliar ka kila Agra ke paas hai

maanamandir mahal

ise 1486 se 1517 ke beech gvaaliyr ke prataapi raaja Mansingh tomar dvaara banavaaya gaya tha. sundar rangeen taailon se saje is kile ki samay ne bhavyata chheeni jaroor hai kintu iske kuchh aantarik va baahya hisson mein in neeli, peeli, hari, safed taails dvaara banaai utkrusht kalaakrutiyon ke avashesh ab bhi is kile ke bhavya ateet ka pata dete hain.raaja Mansingh tomar paraakrami yoddha hone ke saath hi lalit kala premi va sthaapatya shaili ke jaankaar bhi the.unke shaasanakaal ko gvaaliyr ka svarn yug kaha jaata hai.is kile ke vishaal kakshon mein ateet aaj bhi spandit hai. yahaan jaaleedaar deevaaron se bana sangeet kaksh hai, jinke peechhe bane janaana kakshon mein raaj parivaar ki striyaan sangeet sabhaaon ka aanand leteen aur sangeet seekhateen theen. is mahal ke tahakhaanon mein ek kaidakhaana hai, itihaas kehta hai ki orangajeb ne yahaan apne bhaai muraad ko kaid rakhavaaya tha aur baad mein use samaapt karva diya. jauhar kund bhi yahaan sthit hai. iske atirikt kile mein is shahar ke pratham shaasak ke naam se ek kund hai ' sooraj kund. naveen shati mein gurjar pratihaar vansh dvaara nirmit ek adviteeya sthaapatyakala ka namoona vishnu ji ka teli ka mandir hai, jo ki 100 feet ki oonchaai ka hai. yeh dravid sthaapatya aur aarya sthaapatya ka bejod sangam hai. Bhagwan vishnu ka hi ek aur mandir hai 'sahasrabaahu ka mandir' jise ab saas-bahoo ka mandir naam se bhi jaante hain. iske alaava yahaan ek sundar guroodvaara hai jo sikhon ke chhathe guroo guroo haragobind ji ki smruti mein nirmit hua, jinhein jahaangeer ne do varshon tak yahaan bandi bana kar rakha tha.

jayavilaas mahal aur sangrahaalaya

gvaaliyr ka kila

yeh sindhiya raajaparivaar ka vartamaan nivaas sthal hi naheen ek bhavya sangrahaalaya bhi hai. is mahal ke 35 kamron ko sangrahaalaya bana diya gaya hai. is mahal ka jyaadaatar hissa iteliyn sthaapatya se prabhaavit hai. is mahal ka prasidhd darbaar hall is mahal ke bhavya ateet ka gavaah hai, yahaan laga hue do faanooson ka bhaar do-do tan ka hai, kehte hain inhein tab taanga gaya jab das haathiyon ko chhat par chadha kar chhat ki majabooti maapi gayi. is sangrahaalaya ki ek aur prasidhd cheej hai, chaandi ki rel jiski patariyaan daaining table par lagi hain aur vishisht daavaton mein yeh rel peya parosati chalti hai. aur Italy, fraans, cheen tatha anya kai deshon ki durlabh kalaakrutiyaan yahaan hain.

taanasen smaarak

hindustaani shaastreeya sangeet ke stambh mahaan sangeetakaar taanasen jo ki Akbar ke navaratnon mein se ek the, unka smaarak yahaan sthit hai, yeh mugal sthaapatya ka ek namoona hai. taanasen ki smruti mein gvaaliyr mein har varsh November mein taanasen samaaroh aayojit hota hai.

vivsvaan soorya mandir

yeh Birla dvaara nirmit karavaaya mandir hai jiski prerana kornaak ke sooryamandir se li gayi hai.

gopaachal parvat

gopaachal parvat gvaaliyr ke kile ke anchal mein, praacheen kalaatmak jain moorti samooh ka adviteeya sthaan hai. yahaaain par hajaaron vishaal di. jain moortiyaaain san. 1398 se san. 1536 ke madhya parvat ko taraashakar banaai gayi hain. in vishaal moortiyon ka nirmaan tomaravanshi raaja veeramadev, dooaingarasinh va keertisinh ke kaal mein hua. apabhransh ke mahaakavi pan॰ raidhoo ke saannidhya mein inki pratishtha hui.

raani lakshmeebaai smaarak

raani lakshmeebaai smaarak shahar ke padaav kshaitr mein hai. kehte hain yahaan Jhansi ki raani lakshmi baai ki sena ne angrejon se ladate hue padaav daala aur yahaan ke tatkaaleen shaasak se sahaayata maangi kintu sadaiv se mugalon aur angrejon ke prabhutv mein rahe yahaan ke shaasak unki madad na kar sake aur ve yahaan veeragati ko praapt huin. yahaan ke raajavansh ka gaurav tab sandehaaspad ho gaya. isi prakaar yahaan taatya tope ka bhi smaarak hai.

khel

lakshmeebaai raashtreeya shaareerik shiksha vishvavidyaalaya, Bhaarat ke bade shaareerik shiksha vishvavidyaalayon mein se ek hai. gvaaliyr mein krutrim tarf ka railway hockey stadium bhi hai. roop Singh stadium 45,000 ki kshamata wala antarrashtreeya cricket stadium hai, jahaaain 10 ek divsiya antarrashtreeya maichon k aayojan ho chuka hai. yeh stadium dudhiya roshani se susajjit hai, tatha 1996 ke cricket vishv cup ka Bhaarat - vest indeej mech ka aayojan kar chuka hai. is maidaan par sachin Tendulkar, ek divsiya mech mein dohara shatak jamaane vaale vishv ke pehle khilaadi bane the.

sangeet

gvaaliyr sangeet ke shahar ke roop mein bhi jaana jaata hai.raaja Mansingh tomar (1486 E.)ke shaasanakaal mein sangeet mahaavidyaalaya ki neenv rakhi gayi .baijoo baavara, haridaas ,taanasen aadi ne yaheen sangeet saadhana ki. sangeet samraat taanasen gvaaliyr ke behat mein paida hue.m. pr. sarkaar dvaara taanasen samaaroh gvaaliyr mein har saal aayojit kiya jaata hai. sarod ustaad amajad Ali Khan bhi gvaaliyr ke shaahi shahar se hai. unke daada gulaam Ali Khan bangash gvaaliyr ke darbaar mein sangeetakaar bane. baijanaath prasaad (baijoo baavara) dhrupad ke gaayak the jinhone gvaaliyr ko apni karm bhoomi banaai.

gvaaliyr gharaana, khayaal gharaano me ek aisa sab se puraana gharaana hai, jisse kai mahaan sangeetajnya nikle hai. gvaaliyr gharaane ka udaya mahaan mugal baadshah Akbar ke shaasanakaal (1542-1605) ke saath shuroo hua. miyaan taanasen jaise is kala ke sanrakshak gvaaliyr se aaye.

aavaagaman

vaayu maarg

gvaaliyr ka raajamaata vijaya raaje sindhiya vimaanatal, shahar ko dil‍aali, Mumbai, Indore, Bhopal va jabalapur se jodata hai. yahaaain bhaarateeya vaayu sena ka miraaj vimaanon ka vimaan kendra hai.


rel maarg

gvaaliyr ka railway sthaanak desh ke vividh railway sthaanakon se juda hua hai. yeh railway sthaanak bhaarateeya rel ke dil‍aali-chain‍aanai mukhya maarg par padata hai. saath hi yeh shahar mum‍aabai, Delhi, Kolkata, chennai, bangalooroo, Hyderabad aadi shaharon se anek relagaadiyon ke maadh‍aayam se juda hua hai.


sadak maarg

gvaaliyr shahar raajya va desh ke anya bhaagon se kaafi achhe se juda hua hai. Agra-mumbai raashtreeya raajamaarg NH-3, gvaaliyr se gujarata hai. gvaaliyr jhaaainsi se NH-75 se juda hai. North-south kaureedor bhi gvaaliyr se gujarata hai.

gvaaliyr ke kumhaar

gvaaliyr mrunashilpon ki dvashti se aaj utana samrudv bhale hi na deekhata ho kintu lagbhag pachchees varsh pehle tak yahaan anek sundar khilaune banaaye jaate the. deevaali dashahare ke samay yahaan ka jivaaji chauk jise baada bhi kaha jaata hai, mein khilaunon ki dukaane badi sankhaya mein lagti thi. mitti ke thos evam jal rangon se alankrut ve khilaune adhikaanshat: banana band ho gaye hain. goojari, panihaarin, sipaahi, haathi savaar, ghoda savaar, goras, gullak aadi aaj bhi bikte hai. ab yahaan mitti ke sthaan par kaagaj ki lugadi ke khilaune adhik banane lage hain jin par spregan ki sahaayata se rang or vaarnish kiya jaata hai.

yahaan banaaye jaane vaale mrun shilpon mein anushthaanik rup se mahatvapoorn hai, mahaalakshmi ka haathi, haradaul ka dhoda, gaanagaur, vivaah ke kalash, tesoo, gaune ke samay vadhoo ko di jaane waali chitrit mataki aadi.

gvaaliyr, kumhaar samudaaya ki saamaajik sanrachana ke adhyayan ki dvashti se bhi atyanat mahatvapoorn hai, kayonki yahaan hatheriya evam chakaretiya daunon hi prakaar ke kumhaar paaye jaate hai. hatharetiya kumhaar, chakaretiya kumhaaron ki bhaanti bartan banaane hetu chaak ka prayog naheen karte, ve haathon se hi, ek koondhe ki sahaayata se mitti ko bartanon ko aakaar dete hain. unke banaaye bartanon ki deevaarein moti hoti hain. ye log khilaunein banaane mein daksh hote hai.

gvaaliyr se prakaashit hone waali hindi ki laghu-patrikaayein

  • aachaarya kul
  • chaitanya prakaash
  • sunahara sansaar

shiksha evam shikshan sansthaan

gvaaliyr mein jeevaaji vishvavidyaalaya (1964) aur isse sanbanddh kala, vigyaan, vaanijya, chikitsa tatha krushi mahaavidyaalaya hain aur nagar mein saaksharata ki dar kaafi oonchi hai. gvaaliyr mein sangeet ki yashasvi parampara rahi hai aur usaki apni khaas shaili rahi hai. jo gvaaliyr 'gharaana' naam se prasiddh hai.

  1. bi I pi S group aafai kaalej
  2. miss hil vidyaalaya, gvaaliyr
  3. gajara raaja chikitsa mahaavidyaalaya, gvaaliyr
  4. kamala raaja mahila mahaavidyaalaya, gvaaliyr
  5. sindhiya school, gvaaliyr
  6. sindhiya kanya vidyaalaya, gvaaliyr
  7. maadhav praudyogiki evam vigyaan sansthaan, gvaaliyr
  8. padma raaje kanya vidyaalaya, gvaaliyr
  9. rustamaji praudyogiki sansthaan, tekanapur
  10. I I I ti M, gvaaliyr
  11. lakshmeebaai national Institute of fijikl education
  12. raashtreeya paryatan sansthaan, gvaaliyr
  13. praudyogiki evam prabandhan sansthaan, gvaaliyr
  14. mahaaraana prataap college of technology, gvaaliyr
  15. I pi S college of technology end menejament, gvaaliyr
  16. vasundhara raaje homyopaithik chikitsa mahaavidyaalaya, gvaaliyr
  17. raaja Mansingh tomar sangeet evam kala vishvavidyaalaya,gvaaliyr

janasankhya

2011 ki janaganana ke mutaabik gvaaliyr ki kul janasankhya 20,30,543 hai, jisme purush 10,90,647 va mahila 9,39,896 hai. saaksharata 57.47% hai (purush 70.81%, mahila 41.72%).

gvaaliyr se prasiddh hastiyaaain

  • atal bihaari vaajapaai - Bhaarat ke purv pradhaanamantri
  • ganesh shankar vidyaarthi - prasiddh hindi lekhak
  • roop Singh - bhaarateeya hockey khilaadi
  • maadhav Rao sindhiya - bhaarateeya raajaneta va kendreeya mantri
  • amajad Ali Khan - sarod vaadak va sangeetajnya
  • taanasen - akbar ke darbaar mein sangeetajnya
  • jyotiraaditya sindhiya - vaanijya aur udyog mantri
  • shivendr Singh - bhaarateeya hockey khilaadi
  • nida faajli - prasiddh urdoo lekhak va shaayar
  • Narendra Singh tomar- saansad evam kendreeya mantri

baahari kadiyaaain