gurukul kaangadi vishvavidyaalaya

chitr:Gurukul Kangri Vishwavidyalaya logo.jpg
gurukul kaangadi vishvavidyaalaya ka prateek

gurukul kaangadi vishvavidyaalaya Bhaarat ke uttaraakhand raajya ke haridvaar shahar mein sthit hai. iski sthaapana san 1902 mein svaami shraddhaanand ne ki thi. Bhaarat mein laard maikaale dvaara pratipaadit angreji maadhyam ki paashchaatya shiksha neeti ke sthaan par raashtreeya vikalp ke roop mein raashtrabhaasha hindi ke maadhyam se vaidik saahitya, bhaarateeya darshan, bhaarateeya sanskruti evam saahitya ke saath-saath aadhunik vishyon ki uchch shiksha ke adhyayan-adhyaapan tatha anusandhaan ke liye yeh vishvavidyaalaya sthaapit kiya gaya tha.

is vishvavidyaalaya ka pramukh uddeshya jaati aur chhuaa-chhoot ke bhedabhaav ke bina guru-shishya parampara ke antargat adhyaapakon evam vidyaarthiyon ke madhya nirntar ghanisht sambandh sthaapit kar chhaatr-chhaatraaon ko praacheen evam aadhunik vishyon ki shiksha dekar unka maanasik aur shaareerik vikaas kar charitravaan aadarsh naagrik banaana hai. vishvavidyaalaya haridvaar railway station se lagbhag 5 kilometer dakshin mein sthit hai.

June 1962 mein Bhaarat sarkaar ne is shikshan sanstha ke raashtreeya svaroop tatha shiksha ke kshetr mein iske apratim yogadaan ko drushti mein rakhate hue vishvavidyaalaya anudaan aayog ke act 1956 ki dhaara 3 ke antargat samavishvavidyaalaya (deemd university) ki maanyata pradaan ki aur vaidik saahitya, sanskrut saahitya, darshan, hindi saahitya, angreji, manovijnyaaan, ganit tatha praacheen bhaarateeya itihaas sanskruti evam puraatattv vishyon mein snaatakottar adhyayan ki vyavastha ki gayi. uparokt vishyon ke atirikt vartamaan mein vishvavidyaalaya mein bhautiki, rasaayan vigyaan, computer vigyaan, abhiyaantriki, aayurvigyaan va prabandhan ke adhyayan-adhyaapan ki vyavastha hai. vishvavidyaalaya anudaan aayog dvaara sthaapit svaayattashaasi sansthaan 'raashtreeya moolyaankan evam pratyaayan parishd' (NACC) dvaara May 2002 mein vishvavidyaalaya ko chaar sitaaron (****) se alankrut kiya gaya tha. parishd ke sadasyon ne vishvavidyaalaya ki sanstuti yahaan ke parivesh, shaikshik vaataavaran, shuddh paryaavaran, bruhat pustakaalaya tatha antararaashtreeya star ke sangrahaalaya aadi se prabhaavit hokar ki thi. vishvavidyaalaya ki sabhi upaadhiyaan Bhaarat sarkaar/vishvavidyaalaya anudaan aayog dvaara maanya hain. yeh vishvavidyaalaya bhaarateeya vishvavidyaalaya sangh (A.I.U.) tatha kaamanavailth vishvavidyaalaya sangh ka sadasya hai.

anukram

mahaatma Gandhi aur gurookul kaangadi vishvavidyaalaya

jab mai pahaad se deekhane vaale mahaatma munsheeraam ji ke darshan karne aur unka gurukul dekhne gaya, to mujhe vahaaain badi shaanti mili. haridvaar ke kolaahal aur gurukul ki shaanti ke beech ka bhed spasht dikhaayi deta tha. mahaatma ne mujhe apne prem se nahala diya. brahmachaari mere paas se hatate hi na the. raamadevaji se bhi usi samay mulaakaat hui aur unki shakti ka parichay mai turant pa gaya. yadyapi hame apne beech kuchh matabhed ka anubhav hua, fir bhi ham paraspar sneh ki gaaainth se baindh gaye. gurukul me audyogik shiksha shuru karne ki aavashyakta ke baare mai raamadev aur doosare shikshakon ke saath maine kaafi charcha ki. mujhe gurukul chhodte hue du:kh hua.

-- mahaatma Gandhi, satya ke prayog, aatmakatha

parichay

Bhaarat ki praacheen shiksha pranaali mein mukhya teen tatv maane ja sakte hain -

  1. guru aur shishya ka aadhyaatmik sambandh,
  2. satya, tap, dam aur sham aadi saadhanon dvaara drudh charitra ka nirmaan,
  3. svaadhyaaya arthaat apara vidya ki praapti.

yahi gurukul shiksha-pranaali ka mool roop hai.

19vi sadi ke andhakaaramaya Bhaarat mein jin mahaanubhaavon ne jaagrati ki jyoti jagaai unamein rishi dayaanand ka san desh bahut vyaapak tha. ve yug-pravartak rishi the, jinhonne shiksha, raajaneeti, samaaj-sangathan aadi sab kshetron mein nae vichaaron ka sandesh diya. rishi dayaanand ne apne samay mein prachalit shiksha-paddhati mein anek dosh anubhav kar praacheen aarya shiksha-pranaali ka pratipaadan kiya. rishi ne use 'gurukul shiksha-pranaali' ka naam diya.

unke samay Bhaarat mein shiksha ki mukhyataya do pranaaliyaaain prachalit theen - ek Bhaarat kebritish shaasakon dvaara praarambh ki gayi thi aur doosari puraani parampara ke anusaar pandit-mandali mein prachalit thi. sarkaar dvaara prachalit pranaali Bhaarat ke raashtreeya tatha dhaarmik aadarshon kepratikool thi. usamein Bhaarat ki bhaasha, dharm, sabhyata, saahitya tatha sanskruti ki sarvatha upeksha ki gayi thi. pandit mandali ki shiksha-paddhati samay ki aavashyakataaon ko poorn naheen karti thi usamein vartamaan yug ke gyaan-vijnyaaanon ko koi sthaan praapt naheen hi tha vah paakhandon ka poshan karti thi. charitra nirmaan ke liye brahmacharya, tyaag, tapasya aadi jin aadarshon ka paalan aavashyak hai, unka donon pranaaliyon mein mahatva na tha.

rishi dayaanand ne anubhav kiya ki Bhaarat mein praacheen gurukul pranaali ka punaruddhaar kar in doshon ko door kiya jaana chaahiye. unhonne shiksha ke aadarshon aur siddhaanton ka pratipaadan 'satyaarth prakaash' ke teesare samullaas mein kiya -ni:sandeh rishi dayaanand ke vichaar shiksha ke kshetr mein atyant kraantikaari vichaar the. rishi dayaanand ke ek pramukh shishya mahaatma munshi Ram ne (jo baad mein sanyaas lekar svaami shraddhaanand ke naam se prasiddh hue) san 1897 mein unhonne gurukul ko praarambh karne ki aavashyakta ke nimnalikhit kaaran bataae -

ved aarya jaati ke praan hai. vishaal sanskrut saahitya ka mool srot ved hi hain. sanskrut ka adhyayan tab tak poorn naheen ho sakta jab tak angon aur upaangon ke saath ved ka adhyayan na kiya jaae. at: aise shikshan sansthaanon ki aavashyakta hai, jahaaain sanskrut saahitya ke saath-saath vaidik saahitya ka bhi adhyayan ho. Bhaarat ki shiksha sachche arthon mein raashtreeya tabhi ho sakti hai jab yahaaain ke shikshan sansthaanon mein sanskrut ka adhyayan ho. at: aavashyakta is baat ki hai ki ham aarya -jaati ke liye shiksha ki ek aisi yojana taiyaar karein jo sachche arthon mein 'raashtreeya' ho, jo aarya jaati ki 'raashtreeya shiksha' ki aavashyakta ko poorn karein. arthaat hamein videshi gyaan-vijnyaaanon ko padhte hue apni raashtreeyata ki raksha karni chaahiye. yeh gurukul ki sthaapana ka anya kaaran tha. 'brahmacharya ' shiksha ka mukhya aadhaar hai. hamaari sansthaaeain aisi honi chaahiye jo nagaron ke dooshit prabhaavon se door ho aur jahaaain brahmacharya ke niyamon ka paalan hota ho. sarkaari vishvavidyaalayon mein pareeksha ki jo paddhati prachalit hai, vah vaastavik vidvata ke maarg mein baadhak hai. at: gurukul is pareeksha paddhati se door rahata. shikshan sansthaanon mein shikshak ko baalak ke maata-pita ka sthaan lena chaahiye. aaj Bhaarat ke vidyaalayon mein shikshak gan maata-pita ka sthaan naheen le pa rahe hai. at: gurukul mein is kami ko door kiya jaata hai. yeh ek aisa anaupachaarik vaataavaran hota hai jahaaain shiksha ke liye koi fees naheen hoti. gurukul jaise vidyaalayon ki aavashyakta ka anubhav kiya jaata hai.

itihaas

19veen shataabdi mein Bhaarat mein do prakaar ki shikshaapaddhatiyaaain prachalit theen. pehli paddhati british sarkaar dvaara apne shaasan ki aavashyakataaon ko poora karne ke liye viksit ki gayi sarkaari schoolon aur vishvavidyaalayon ki pranaali thi aur doosari sanskrut, vyaakaran, darshan aadi bhaarateeya vaaङa‌aamaya ki vibhinn vidyaaon ko praacheen paramparaagat vidhi se adhyayan karne ki paathashaala paddhati. donon paddhatiyon mein kuchh gambhir dosh the. pehli paddhati mein paurastya (poorvi) jnyaaanavijnyaaan ki ghor apeksha thi aur yeh sarvatha araashtreeya thi. iske prabal samarthak tatha 1835 E. mein apne suprasiddh smaranapatr dvaara iska pravartan karaanevaale laard mekaale (1800-1859 E.) ke mataanusaar 'kisi achhe Europeeya pustakaalaya ki aalmaari ke ek khaane mein padi pustakon ka mahatva Bhaarat aur arab ke samooche saahitya ke baraabar' tha. at: sarkaari shiksha paddhati mein bhaarateeya vaaङa‌aamaya ki ghor upeksha karte hue angreji tatha paashchaatya saahitya aur gyaan vigyaan ke adhyayan par bal diya gaya. is shiksha paddhati ka pradhaan uddeshya mekaale ke shabdon mein 'bhaarateeyon ka ek aisa samooh paida karna tha, jo rang tatha rakt ki drushti se to bhaarateeya ho, parantu ruchi, mati aur achaar-vichaar ki drushti se angrej ho'. isliye yeh shikshaapaddhati Bhaarat ke raashtreeya aur dhaarmik aadarshon ke pratikool thi. doosari shiksha pranaali, panditmandali mein prachalit paathashaala paddhati thi. ismein yadyapi bhaarateeya vaaङa‌aamaya ka adhyayan karaaya jaata tha, tathaapi usamein naveen tatha vartamaan samay ke liye aavashyak gyaan vigyaan ki ghor upeksha thi. us samay desh ki badi aavashyakta paurastya evam paashchaatya gyaan vigyaan ka samanvayaya karte hue donon shiksha paddhatiyon ke utkrushth tatvon ke saamanjasya dvaara ek raashtreeya shiksha pranaali ka vikaas karna tha. is mahatvapoorn kaarya ka sampann karne mein gurukul kaaaingadi ne bada sahayog diya.

gurukul ke sansthaapak mahaatma munsheeraam pichhli shataabdi ke bhaarateeya saanskrutik punarjaagaran mein asaadhaaran mahatva rakhanevaale aaryasamaaj ke pravartak maharshi dayaanand (1824-1883 E.) ke suprasiddh granth 'satyaarth prakaash' mein pratipaadit shiksha sambandhi vichaaron se bade prabhaavit hue. unhonne 1897 mein apne patra 'saddharm prachaarak' dvaara gurukul shiksha pranaali ke punarudvaar ka prabal aandolan aarambh kiya. 30 October 1898 ko unhonne iski vistrut yojana rakhi. November, 1898 E. mein Punjab ke aaryasamaajon ke keindreeya sangathan aarya pratinidhi sabha ne gurukul kholne ka prastaav sveekaar kiya aur mahaatma munsheeraam ne yeh pratijnyaa ki ki ve is kaarya ke liye, jab tak 30,000 rupaya ekatr naheen kar leinge, tab tak apne ghar mein pair naheen rakheinge. tatkaaleen paristhitiyon mein is dussaadhya kaarya ko apne anvarat udyog aur avichl nishtha se unhonne aath maas mein poora kar liya. 16 May 1900 ko Punjab ke gujaraaainvaala sthaan par ek vaidik paathashaala ke saath gurukul ki sthaapana kar di gayi.

kintu mahaatma munsheeraam ko yeh sthaan upayukt prateet naheen hua. ve shukl yajurved ke ek mantra (26.15) 'upahvare gireenaan sangame ch nadeenaan. dhiya Wipro ajaayat' ke anusaar nadi aur parvat ke nikat koi sthaan chaahate the. isi samay najeebaabaad ke dharmanishth rais munshi amanasinh ji ne is kaarya ke liye mahaatma munsheeraam ji ko 1,200 beeghe ka apna kaangadi gram daan diya. himaalaya ki upatyaka mein ganga ke tat par saghan ramaneek vanon se ghiri kaangadi ki bhoomi gurukul ke liye aadarsh thi. at: yahaaain ghane jungle saaf kar kuchh chhappar banaae gaye aur holi ke din somvaar, 4 March 1902 ko gurukul gujaraaainvaala se kaangadi laaya gaya.

gurukul ka aarambh 34 vidyaarthiyon ke saath kuchh foos ki jhopadiyon mein kiya gaya. Punjab ki aarya janta ke udaar daan aur sahayog se iska vikaas teevr gati se hone laga. 1907 E. mein iska mahaavidyaalaya vibhaag aarambh hua. 1912 E. mein gurukul kaangadi se shiksha samaapt kar nikalne vaale snaatakon ka pehla deekshaant samaaroh hua. is samay sarkaar ke prabhaav se sarvatha svatantr hone ke kaaran ise chirkaal tak british sarkaar raajadrohi sanstha samajhti rahi. 1917 E. mein vaayasaraaya laard chemjford ke gurukul aagaman ke baad is sandeh ka nivaaran hua. 1921 E. mein aarya pratinidhi sabha ne iska vistaar karne ke liye ved, aayurved, krushi aur saadhaaran (aart‌aas) mahaavidyaalayon ko banaane ka nishchaya kiya. 1923 E. mein mahaavidyaalaya ki shiksha aur pareeksha vishyak vyavastha ke liye ek shikshaapatal banaaya gaya. desh ke vibhinn bhaagon mein isse prarena grahan karke, iske aadarshon aur paathavidhi ka anusaran karanevaale anek gurukul sthaapit hue.

24 September 1924 E. ko gurukul par bheeshan daivi viptti I. ganga ki asaadhaaran baadh ne gangaatat par bani imaaraton ko bhayankar kshati pahuainchaai. bhavishya mein baadh ke prakop se suraksha ke liye 1 May 1930 E. ko gurukul ganga ke poorvi tat se hataakar pashchimi tat par ganga ki nahar par haridvaar ke sameep vartamaan sthaan mein laaya gaya. 1935 E. mein iska prabandh karne ke liye aarya pratinidhi sabha, Punjab ke antargat ek pruthak vidyaasabha ka sangathan hua.

gurukul shiksha ke uddeshya

  • 1. guru-shishya ke madhya pita-putr ke sambandhon ke praacheen aadarsh ko (brahmacharya ke aadarsh ko) pun: sthaapit karna aur use baalak ke vikaas ka aadhaar banaana.
  • 2. baalak ka shaareerik, maanasik aur aadhyaatmik vikaas karna.
  • 3. vidyaarthiyon ke charitra ka vikaas karna tatha unke man mein praacheen bhaarateeya sanskruti keprati aastha utpann karna.
  • 4. vaidik saahitya tatha sanskrut saahitya ko unke upayukt sthaan dilaana.
  • 5. praacheen bhaarateeya gyaan-vigyaan ke saath aadhunik gyaan-vigyaan ka adhyayan karavaana.
  • 6. pratyek prakaar ki shiksha ke har star par maatrubhaasha ko maadhyam banaana.
  • 7. prachalit doshapoorn pareeksha-paddhati ka vikalp prastut karna.
  • 8. bhaarateeya darshan, vigyaan aur itihaas mein shodh karna.
  • 9. praacheen sanskrut saahitya se sambandhit saahitya tatha aadhunik vigyaan ka maatrubhaasha mein parivartan.

gurukul kaangadi shiksha ki visheshataaeain

gurukul shiksha paddhati ki pramukh visheshataaeain hain- vidyaarthiyon ka guruon ke sampark mein, unke kul ya parivaar ka ang bankar rahana, bahmacharyapoorvak saral evam tapasyaamaya jeevan bitaana, charitranirmaan aur shaareerik vikaas par bauddhik evam maanasik vikaas ki bhaaainti poora dhyaan dena, shiksha mein sanskrut ko anivaarya banaana, vaidik vaaङa‌aamaya ke adhyayan par bal dena, shiksha ka maadhyak maatrubhaasha hindi ko banaana, sanskrut, darshan, ved aadi praacheen vishyon ke adhyayan ke saath aadhunik paashchaatya gyaan vigyaan aur angreji ki padhaai tatha raashtreeyata ki bhaavana. aajkal ye visheshataaeain sarvamaanya ho gayi hain, kintu is shataabdi ke aarambh mein ye sabhi vichaar sarvatha kraantikaari, naveen aur maulik the.

gurukul shiksha ki katipya visheshataaeain nimnalikhit hai:

  • (1) pro॰ indr vidyaavaachaspati ne gurukul shiksha ki visheshata bataate hue likha hai ki gurukul shiksha-pranaali ki sabse badi visheshata jo use anya pranaaliyon se bhinn karti hai, yeh hai ki jahaaain anya shiksha-paddhatiyon mein adhyayan par adhik bal diya jaata hai vahaaain gurukul shiksha-pranaali mein adhyayan ko keval saadhan maankar charitra nirmaan ko pramukhata di jaati hai. ni:sandeh yeh pramukh visheshata hai.
  • (2) pratyek prakaar ki aur har star ki shiksha ka maadhyam hindi hai.
  • (3) baalak guru ke kul ka ang bankar rahata hai. baalak apne ghar ya parivaar se keval hatkar doosare parivaar mein pahuainchata hai. janm dene vaale apne pita ke chhote parivaar se hatkar aachaar ki shiksha dene vaale aachaarya ke bade parivaar ka sadasya ban jaata hai.
  • (4) baalak ko ni:shulk shiksha di jaati hai.
  • (5) baalak ke pita ka saamaajik-aarthik star kya hai - iska koi lihaaj gurukul mein naheen rakha jaata hai. at: dhani-nirdhan, ooainch-neech ka koi bhed-bhaav gurukul mein naheen barata jaata.
  • (6) baalakon mein tapasyaapoorn jeevan ka abhyaas karaaya jaata hai.
  • (7) aashram ka jeevan vidyaarthiyon ko asvasthakaari prabhaavon se bachaata hai. vrataabhyaas dvaara unka shatak prashikshan bhi hota hai.
  • (8) kathor pariveekshan tatha nishchit dainik kaaryakram dvaara vidyaarthiyon mein samay ka sadupayog karne ki pravruti viksit ki jaati hai.
  • (9) vidyaarthiyon ko vibhinn vishyon par praacheen bhaarateeya tatha aadhunik pashchimi vichaaron ka tulanaatmak gyaan milta hai.
  • (10) pareekshaaon ka aatank naheen rahata.
  • (11) kaksha utteern karne ke liye keval pareeksha bhavan mein sampann hui pareeksha mein utteern hona aavashyak naheen, dainik jeevan ke kaaryakramon ko niyamit roop se karna bhi aavashyak hai.
  • (12) shiksha ka star atyant uchch hai.
  • (13) pustakaalaya ke prayog par bal diya jaata hai. pustakaalaya mein vibhinn vishyon ke achhestar ki lagbhag ek lakh pustakein hain. bhaasha ki drushti se hindi, angreji, san skrut, urdoo tatha anya bhaarateeya bhaashaaon ke atirikt roosi bhaasha ki bhi pustakein vahaaain hai.
  • (14) samanvit vikaas par dhyaan diya jaata hai. isi ka parinaam hai ki gurukul ke har teen snaatakon mein se ek pratishthit lekhak hai. gurukul ke chhaatr 7 chhaatraaon ne shaareerik vyaayaam ke nae pratimaan sthaapit kiye hain. chhaati par patthar todna bahut se aadamiyon se bhari gaadi chhaati par se nikaalna, chalti motor ko kamar mein rassa baandh kar rok dena aadi vyaayaam ek or hai to doosari or hai hockey, vaaleebaul aadi ki unki team jinhonne Calcutta, Meerut, Delhi aadi mein puraskaar praapt kiye hai.

shiksha ka maadhyam

praarambh se hi gurukul mein sab vishyon ki shiksha raashtrabhaasha hindi ke maadhyam dvaara di jaati thi. vigyaan, ganit, paashchaatya darshan aadi vishay bhi hindi mein hi padhaae jaate the. jab san 1907 mein mahaavidyaalaya vibhaag khula to usamein bhi hindi ko hi maadhyam rakha gaya. us samay hindi mein uchch shiksha dena ek asambhav baat samajhi jaati thi. gurukul ne ise kaaryaroop mein parint karke dikha diya. us samay aadhunik vidvaanon ki pustakein hindi mein naheen thi. gurukul ke upaadhyaayon ne pehle-pahal is kshetr mein kaam kiya aur gurukul ke anek uchchakoti ke granth prakaashit hue. pro॰ maheshacharan Singh ki 'hindi kaimistri', pro॰ saathe ka 'vikaasavaad', shreeyut govardhan ki 'bhautiki' aur 'rasaayan' pro॰ raamasharanadaas Saxena ka 'gunaatmak vishleshan', pro॰ sinha ka 'vanaspatishaastr' pro॰ praananaath ka 'arthashaastr', 'raashtreeya aay-vyaya shaastr' aur 'raajaneetishaastr', pro॰ baalakrushn ka 'arthashaastr' aur 'raajaneetishaastr', aur pro॰ sudhaakar ka 'manovijnyaaan' hindi mein apne-apne vishay ke pehle granth hain. hindi mein vaigyaanik granthon ki rachana hi gurukul dvaara praarambh hui. in vaigyaanik granthon ke atirikt anya bhi bahut se uchchakoti ke granth gurukul dvaara prakaashit hue. pro॰ raamadev ne bhaarateeya itihaas ke sambandh mein maulik anusandhaan kar apna prasiddh 'bhaaratavarsh ka itihaas' prakaashit kiya. mahaatma munshi raamaji ne bhi vividh dharmon ke tulanaatmak adhyayan kar maulik granth likhe.

san 1918 mein Calcutta vishvavidyaalaya aayog ke adhyaksh dau॰ saidalar (jinkenaam se is commission ko saidalar commission bhi kehte hai) sar aashutosh mukharji ke saath gurukul padhaare. gurukul ka avlokan karke ve bahut prabhaavit hue. unhonne apne ek patra mein gurukul ke sambandh mein vichaar prakat kiye -

main samajhta hooain ki jis shiksha vidhi mein maatrubhaasha ko pratham aur sabse pramukh sthaan diya jaae, vaheen yeh sambhav hai ki man ka svatantr vikaas hokar maanasik vruttiyon tatha bhaavon par prabhutv praapt ho sake. meri haardik ichha hai ki gurukul ka vikaas raajya dvaara sveekrut ek svatantr vishvavidyaalaya ke roop mein ho sake.

us yug ke ek prasiddh vidvaan shri nivaas shaastri uchch shiksha ke maadhyam ke roop mein angreji ke ka͠aar samarthak the, par gurukul ka kaarya santoshaprad paane par unhonne kaha - 'mera apna vichaar yeh raha hai ki vidyaalaya vibhaag mein shiksha ka maadhyam bhaarateeya bhaashaaeain hi rahani chaahiye, parantu mahaavidyaalaya vibhaag ki padhaai angreji ke maadhyam dvaara honi chaahiye. parantu ab gurukul ko dekhkar main apne is vichaar se pare hat raha hooain.

maikaale ke baad Bhaarat mein shiksha ke kshetr mein jo sabse mahatvapoorn aur maulik prayatn hua, vah gurukul hai - remje maikdanauld (Britain ke bhootapoorv pradhaan mantri)

yogadaan

gurukul kaangadi ka sabasein bada kartrutv apne kriyaatmak pareekshan dvaara in vichaaron ko sarvamaanya banaana tha. pehle yeh asambhav samjha jaata tha ki hindi uchch shiksha evam vaigyaanik vishyon ke adhyayan adhyaapan ka maadhyam ban sakti hai. gurukul ne sarvapratham aadhunik Bhaarat mein is vichaar ko apne pareekshan dvaara sambhav banaaya. yahaaain adhyaapakon tatha praadhyaapakon ne rasaayan, bhautik vigyaan, vanaspati shaastr, manovijnyaaan, vikaasavaad aadi vishyon par hindi mein pehli pustakein likheen. hindi ke vaigyaanik lekhan ko is baat se bada bal mila ki gurukul kaangadi (1900) ne vigyaan sahit sabhi vishyon ki shiksha ke liye hindi ko maadhyam banaaya aur tadanuroop 17 pustakon ka pranayan bhi kiya.

maatrubhaasha dvaara shiksha ke is pareekshan ko dekhne ke liye 1918 E. mein Calcutta vishvavidyaalaya aayog ne pradhaan dau॰ saidalar, sar aashutosh mukharji, shreenivaas shaastri aadi mahaanubhaav yahaaain par padhaare aur mahaavidyaalaya vibhaag ki shiksha ke liye angreji ka maadhyam anivaarya roop se banaae rakhane ke sambandh mein unke evam desh ke anya shikshaashaastriyon ke vichaaron mein maulik parivartan hua. gurukul ne sabhi raashtreeya aur samaaj sudhaar ke aandolanon mein pramukh bhaag liya. hindi saahitya ko anek yashasvi patrakaar, lekhak aur saahityik pradaan kiye. sanskrut evam vaidik vaaङa‌aamaya ke anusheelan, adhyayan adhyaapan ko vilkshan protsaahan diya.

is gurukul se nikle hue snaatak hindi ke pratham shreni ke lekhak siddh hue aur unhone hindi ko mahaamoolyavaan saahitya diya. inmein pramukh rahe, indr vidyaavaachaspati, praananaath vidyaalankaar, satyaketu vidyaalankaar, jayadev sharma vidyaalankaar, jayachand vidyaalankaar, chandragupt vedaalankaar tatha aachaarya raamadev.

vartamaan sthiti

sanprati gurukul kaangadi mein vedavedaang, sanskrut, darshanashaastr, itihaas, raajaneeti, aayurved, krushi tatha vaigyaanik vishyon ki uchch shiksha ka prabandh hai. iske liye ved mahaavidyaalaya, aart‌aas mahaavidyaalaya, aayurved mahaavidyaalaya, krushi vidyaalaya aur vigyaan mahaavidyaalaya vyavasthit hain. vidyaalaya ka paathyakram 10 varsh ka hai, ismein aath se 10 varsh tak ke baalak liye jaate hain. jinhein vidyaalaya aashram mein rahana padta hai, unhein sanskrut vyaakaran aadi granth, praacheen vishyon ke saath ganit, vigyaan, angreji aadi aadhunik vishyon ka adhyayan karna padta hai. 10 varsh ki shiksha aur pareeksha ke uparaant adhikaari ki upaadhi di jaati hai. ise baad mahaavidyaalayon mein snaatak pareeksha ka chaar varsh ka paathyakram hai. ved tatha aart‌aas mahaavidyaalayon mein ved, vedaang aur darshan ke adhyayan ke saath itihaas, raajaneeti, manovijnyaaan aur arvaacheen vishyon ka adhyayan karaaya jaata hai aur snaatak banane par vedaalankaar, vidyaalankaar, aayurvedaalankaar ki upaadhiyaaain di jaati hain. iske baad vibhinn vishyon mein do varsh ka snaatakottar paathyakram hai jise utteern karne par vaachaspati ki upaadhi di jaati hai. vishisht vishyon ka anusandhaan tatha vidvaanon ko sammaanit karne ki upaadhi vidyaamaartand hai.

gurukul ki prabandh vyavastha mein sarvochch sthaan mukhyaadhishthaata ya up kulapati ka hai. yeh vidyaasabha dvaara paaainch varsh ke liye niyat kiya jaata hai. iski dekh-rekh mein vibhinn mahaavidyaalayon ke pradhaanaachaarya ya principle apna kaarya karte hain. up kulapati ki sahaayata ke liye sahaayak mukhyaadhishthaata ya prastota hota hai. iske atirikt gurukul kaangadi ke udyog vibhaag ke niyantran ke liye ek vyavasaaya patal hai. gurukul kaangadi ka sabse bada udyog gurukul faarmesi hai, jismein aayurved ki davaaiyaaain shaastrokt evam praamaanik roop se taiyaar ki jaati hain. gurukul ki arthavyavastha ke niyantran ke liye ek vittasamiti hai.

svatantrataapraapti ke baad gurukul kaangadi dvaara pradaan ki jaanevaali vidyaalankaar, vedaalankaar, aayurvedaalankaar aadi upaadhiyon ko keindreeya tatha praanteeya sarkaaron ne tatha vibhinn vishvavidyaalayon ne maanyata pradaan ki. 1961 E. mein aarya pratinidhi sabha Punjab se pruthak svatantr sanstha ke roop mein gurukul kaangadi ka sangathan bana aur vishvavidyaalaya anudaan aayog ne ise 'maanit vishvavidyaalaya' sveekaar kiya.

adhyayanopayogi suvidhaayein

pustakaalaya

vishvavidyaalaya-pustakaalaya ka itihaas bhi gurukul ki sthaapana ke saath hi praarambh hota hai. nirntar 112 varshon se bhi adhik poshit yeh pustakaalaya aaj ved, vedaang, aarya saahitya, tulanaatmak dharm evam maanaveeya gyaan, vigyaan, prabandhan, evam praudyogiki ki vividh shaakhaaon par prakaash daalne vaale ek lakh se adhik granthon se alankrut hai. sahastron durlabh granthon evam anek apraapya patrikaaon se samruddh yeh pustakaalaya aarya sanskruti ki dharohar ke roop mein vishvavikhyaat hai. vishvavidyaalaya pustakaalaya vaidik evam sanskrut saahitya, bhaarateeya darshan, aarya saahitya, praacheen bhaarateeya itihaas evam sanskruti tatha aadhunik vishyon mein bhi apne samruddh sangrah ke kaaran deshavyaapi khyaati praapt pustakaalayon mein se ek hai. iske atirikt sabhi vibhaagon mein snaatakottar kakshaaon hetu vibhaageeya pustakaalaya ki samuchit vyavastha hai. kanya gurukul parisar, haridvaar va kanya gurukul parisar, deharaadoon mein alag pustakaalaya ki vyavastha hai jinmein vibhinn vishyon ki pustakein prachur maatra mein upalabdh hain. vishvavidyaalaya anudaan aayog ke infonet program ke antargat pustakaalaya mein vibhinn vishyon ki 400 se adhik antarraashtriya shodh patrikaayein computer network ke maadhyam se upalabdh hain. abhiyaantriki evam praudyogiki sankaaya tatha aayurved evam aayurvigyaan sankaaya ke bhi apne-apne samruddh pustakaalaya hain.

puraatattv sangrahaalaya

vishvavidyaalaya ka sangrahaalaya atyant praacheen kaal ke kala avasheshon, shastron va sikkon aadi se susajjit hai. N.si.si. anushaasan evam raashtreeya suraksha ke liye chhaatron ko shikshit karne ke uddeshya se N. si. si. ki suvidha upalabdh hai.

raashtreeya seva yojana

snaatak star par Bhaarat sarkaar evam raajya sarkaar dvaara pradatt anudaan se vishvavidyaalaya mein raashtreeya seva yojana ki chaar unit hain jo graameen anchal ke vikaas mein satat kaaryarat hain.

shaareerik shiksha

vishvavidyaalaya mein chhaatron ke shaareerik evam maanasik vikaas ke liye shaareerik shiksha vibhaag sthaapit hai. vishvavidyaalaya mein aantarik evam baahya khelon ke liye vistrut maidaan tatha sabhi prakaar ki suvidhaayein upalabdh hain. iske atirikt vibhaag mein aadhuniktam masheenon se yukt vyaayaamashaala, computer prayogashaala, khel manovijnyaaan prayogashaala, kinsayolauji prayogashaala evam vibhaageeya pustakaalaya ki suvidhaayein bhi upalabdh hain. kanya gurukul parisaron mein shaareerik shiksha ki suvidha chhaatraaon ke liye alag se upalabdh hai.

aajeevan shiksha

aajeevan shiksha ke antargat vishvavidyaalaya dvaara vibhinn vyaavasaayik prashikshan, laghu prashikshan evam punashcharya kaaryakram graameen evam shahari kshetron mein sanchaalit kiye jaate hain.

computer kendra

vishvavidyaalaya anudaan aayog dvaara pradatt anudaan se vishvavidyaalaya mein computer kendra ki sthaapana satr 1987-88 mein ki gayi thi. yeh kendra vyaavasaayik shiksha ke saath-saath chhaatron ke pathan-paathan va vishvavidyaalaya ke kaaryon ke kampyootareekaran mein nirntar kaaryarat hai. computer kendra mein intaranet ki suvidha bhi upalabdh hai. iske atirikt sabhi vibhaagon evam kanya gurukul parisar deharaadoon va haridvaar mein chhaatr-chhaatraaon ki aavashyakataanusaar computer prayogashaalaaon ki sthaapana ki gayi hai jinmein aadhuniktam takaneek par aadhaarit computer system upalabdh hain.

vi set

vishvavidyaalaya anudaan aayog dvaara you.ji.si.-infonet program ke arntagat sveekrut vi set ki sthaapana computer kendra mein ki gayi hai. vi set ke maadhyam se intaranet ki suvidha upalabdh karaai jaati hai.

chhaatraavaas

vishvavidyaalaya ke mukhya parisar va kanya gurukul parisar, deharaadoon mein chhaatraavaas ki seemit suvidha upalabdh hai.

plesament sel

vishvavidyaalaya mein plesament sel sthaapit hai. is sel dvaara vibhinn paathyakramon ke chhaatr/chhaatraaon ke liye pratishthit companyon se sampark kar kaimpas saakshaatkaar ki vyavastha ki jaati hai.

anusoochit jaati/anusoochit janajaati prakoshth

vishvavidyaalaya mein dasveen panchavarsheeya yojana ke antargat anusoochit jaati evam anusoochit janajaati prakoshth ki sthaapana ki gayi hai. is prakoshth ka mukhya uddeshya vishvavidyaalaya ke vibhinn paathyakramon mein pravesh hetu Bhaarat sarkaar ki aarakshan neetiyon ko prabhaavi roop se kriyaanvayan karaana evam anusoochit jaati evam anusoochit janajaati varg ke chhaatr-chhaatraaon ki vibhinn shaikshanik evam prashaasanik samasyaaon ke samaadhaan mein aavashyak sahayog pradaan karna hai.

seva yojana evam mantrana kendra

chhaatron ko pathan-paathan, vibhinn paathyakramon, pratiyogi pareekshaaon, chhaatravrutti aadi ki samagr jaankaari dene hetu soochana evam mantrana kendra pradesh sarkaar ke seva yojana evam prashikshan nideshaalaya dvaara vishvavidyaalaya parisar mein sthaapit hai. yeh kendra sambandhit vibhaagon ke prashikshan evam rojagaar prakoshthon ki sahaayata se evam kanya gurukul parisar, haridvaar va deharaadoon ke vibhaageeya upakendron ke sahayog se chhaatr/chhaatraaon ko prashikshan va rojagaar ke avsar bhi upalabdh karaata hai.

parisar

is vishvavidyaalaya ke teen parisar hain-

  1. mukhya parisar (haridvaar) - keval ladkon ke liye
  2. kanya gurukul mahaavidyaalaya haridvaar - keval kanyaaon ke liye
  3. kanya gurukul mahaavidyaalaya, deharaadoon - keval kanyaaon ke liye

vibhaag

inhein bhi dekhein

baahari kadiyaaain