guru granth saahib

ek granth

aadigranth sikh dharm ka pramukh dharmagranth hai. ise 'guru granth saahib' bhi kehte hain. iska sanpaadan sikh dharm ke paanchavein guru shri guru arjun Dave ji ne kiya. guru granth saahib ji ka pehla prakaash 16 August 1604 ko harimandir saahib amrutasar mein hua. 1705 mein damadama saahib mein dashamesh pita guru govind Singh ji ne guru tegabahaadur ji ke 116 shabd jodkar isko poorn kiya, isame kul 1430 prushth hai.

gurugranth saahib mein maatr sikh guruon ke hi upadesh naheen hai, varan 30 anya hindu aur muslim bhakton ki vaani bhi sammilit hai. isame jahaan jayadevaji aur paramaanandaji jaise braahman bhakton ki vaani hai, vaheen jaati-paanti ke aatmahanta bhedabhaav se grast tatkaaleen samaaj mein heya samajhe jaane waali jaatiyon ke pratinidhi divya aatmaaon jaise kabeer, ravidaas, naamadev, sain ji, saghana ji, chheevaaji, dhanna ki vaani bhi sammilit hai. paanchon vakt namaaj padhne mein vishvaas rakhane vaale shekh fareed ke shlok bhi guru granth saahib mein darj hain. apni bhaashaayi abhivyakti, daarshanikta, sandesh ki drushti se guru granth saahib adviteeya hai. iski bhaasha ki saralata, subodhata, sateekata jahaan janamaanas ko aakarshit karti hai. vaheen sangeet ke suron va 31 raagon ke prayog ne aatmavishyak goodh aadhyaatmik upadeshon ko bhi madhur va saaragraahi bana diya hai.

guru granth saahib mein ullekhit daarshanikta karmavaad ko maanyata deti hai. guruvaani ke anusaar vyakti apne karmo ke anusaar hi mahatva paata hai. samaaj ki mukhya dhaara se katakar sannyaas mein ishvar praapti ka saadhan dhoondh rahe saadhakon ko gurugranth saahib sabak deta hai. haalaanki guru granth saahib mein aatmanireekshan, dhyaan ka mahatva sveekaara gaya hai, magar saadhana ke naam par parityaag, akarmanyata, nishcheshtata ka guruvaani virodh karti hai. guruvaani ke anusaar ishvar ko praapt karne ke liye saamaajik uttaradaayitv se vimukh hokar jangalon mein bhatakne ki aavashyakta naheen hai. ishvar hamaare hrudaya mein hi hai, use apne aantarik hrudaya mein hi khojane va anubhav karne ki aavashyakta hai. guruvaani brahmajnyaaan se upaji aatmik shakti ko lokakalyaan ke liye prayog karne ki prerana deti hai. madhur vyavahaar aur vinmr shabdon ke prayog dvaara har hrudaya ko jeetne ki seekh di gayi hai.

sikh dharm
par ek shreni ka bhaag

Om
sikh sataguru evam bhakt
sataguru naanak Dave · sataguru angad Dave
sataguru amar das · sataguru Ram das ·
sataguru arjan Dave ·sataguru hari gobind ·
sataguru hari rai · sataguru hari Krishna
sataguru teg bahaadur · sataguru gobind Singh
bhakt kabeer ji · shekh fareed
bhakt naamadev
dharm granth
aadi granth saahib · dasam granth
sambandhit vishay
guramat ·vikaar ·guroo
guradvaara · chandi ·amrut
nitnem · shabdakosh
langar · khande baate ki paahul


anukram

parichay

sikhon ka pavitra dharmagranth jise unke paaainchavein guru arjunadev ne san‌ 1604 E. mein sangruheet karaaya tha aur jise sikh dharmaanuyaayi 'guroogranth saahib ji' bhi kehte evam guruvat‌ maankar sammaanit kiya karte hain.

nakshe mein guroo granth saahib ke vibhinn baaneekaaron ke janm sthaan darshaae gaye hain.

'aadigranth' ke antargat sikhon ke pratham paaainch guruon ke atirikt unke navein guru aur 14 'bhagaton' ki baaniyaaain aati hain. aisa koi sangrah sambhavat: guru naanakadev ke samay se hi taiyaar kiya jaane laga tha aur guru amaradaas ke putr mohan ke yahaaain pratham chaar guruon ke patraadi surakshit bhi rahe, jinhein paaainchavein guru ne unase lekar pun: kramabaddh kiya tatha unamein apni or kuchh 'bhagaton' ki bhi baaniyaaain sammilit karke sabko bhaai gurudaas dvaara gurumukhi mein lipibddh kara diya. bhaai bannon ne fir usi ki pratilipi kar usamein katipya anya logon ki bhi rachanaaeain mila deni chaaheen jo peechhe sveekrut na katipya anya logon ki bhi rachanaaeain govindasinh ne usaka ek teesara 'beed' (sanskaran) taiyaar karaaya jismein, navam guru ki krutiyon ke saath-saath, swayam unke bhi ek 'salok' ko sthaan diya gaya. usaka yahi roop aaj bhi vartamaan samjha jaata hai. iski keval ekaadh antim rachanaaon ke vishay mein hi yeh kehna kathin hai ki ve kab aur kis prakaar jod di gayi.

'granth' ki pratham paaainch rachanaaeain kramash: (1) 'japuneesaanu' (japuji), (2) 'sodaroo' mahalaa1, (3) 'sunibda' mahalaa1, (4) 'so purakhu', mahala 4 tatha (5) sohila mahala ke naamon se prasiddh hain aur inke anantar 'sireeraag' aadi 31 raagon mein vibhkt pad aate hain jinmein pehle sikhgurooon ki rachanaaeain unke (mahalaa1, mahalaa2 aadi ke) anusaar sangruheet hain. inke anantar bhagaton ke pad rakhe gaye hain, kintu beech-beech mein kaheen-kaheen 'baarahamaasa', 'thinti', 'dinraini', 'ghodeeaan', 'siddh goshthi', 'karahale', 'birhade', 'sukhamani' aadi jaisi katipya chhoti badi vishisht rachanaaeain bhi jod di gayi hain jo saadhaaran lokageeton ke kaavyaprakaar udaahat karti hain. un raagaanusaar kramabaddh padon ke anantar salok sahas kruti, 'gaatha' mahala 5, 'funahe' mahala 5, chaubolein mahala 5, savaie seemukh vaak‌ mahala 5 aur mudaavani mahala 5 ko sthaan mila hai aur sabhi ke ant mein ek raagamaala bhi de di gayi hai. in krutiyon ke beech-beech mein bhi yadi kaheen kabeer evam shekh fareed ke 'salok' sangruheet hain to anyatr kinheen 11 padon dvaara nirmit ve stutiyaaain di gayi hain jo sikh guruon ki prashansa mein kahi gayi hain or jinki sankhya bhi kam naheen hai. 'granth' mein sangruheet rachanaaeain bhaashaavaividhya ke kaaran kuchh vibhinn lagti hui bhi, adhiktar saamanjasya evam ekaroopata ke hi udaaharan prastut karti hain.

aadigranth ko kabhi-kabhi 'gurubaani' maatr bhi kah dete hain, kintu apne bhakton ki drushti mein vah sada shareeri guroosvaroop hai. at: guroo ke samaan use svachh reshami vastron mein veshtit karke chaandani ke neeche kisi ooainchi gaddi par 'padharaaya' jaata hai, usapar chanvar dhalte hain, pushpaadi chadhaate hain, usaki aarti utaarate hain tatha uske saamane naha dhokar jaate aur shraddhaapoorvak pranaam karte hain. kabhi-kabhi usaki shobhaayaatra bhi nikaali jaati hai tatha sada uske anusaar chalne ka prayatn kiya jaata hai. granth ka kabhi saaptaahik tatha kabhi akhand paath karte hain aur usaki panktiyon ka kuchh uchchaaran us samay bhi kiya karte hain jab kabhi baalakon ka naamakaran kiya jaata hai, use deeksha di jaati hai tatha vivaahadi ke mangalotsav aate hain athva shavasanskaar kiye jaate hain. vishisht chhoti badi rachanaaon ke paath ke liye praat: kaal, saayankaal, shayanavela jaise upayukt samay nishchit hain or yadyapi pramukh sangruheet rachanaaon ke vishay pradhaanat: daarshanik siddhaant, aadhyaatmik saadhana evam stutigaan se hi sambandh rakhate jaan padte hain, ismein sandeh naheen ki 'aadi granth' dvaara sikhon ka poora dhaarmik jeevan prabhaavit hai. guru govindasinh ka ek sangrahagranth 'dasam granth' naam se prasiddh hai jo 'aadigranth' se pruthak evam sarvatha bhinn hai.

srot

yeh bhi dekhe

bahaari kadiyaaain