grefaait

grefaait

grefaait kaarban ka ek bahuroop hai. kaale bhoore rang ka yeh adhaatu sinhal, saaiberiya, America ke keliforniya, Korea, nyoojeelaind tatha Italy mein paaya jaata hai. ismein ek vishesh prakaar ki chamak paayi jaati hai evam yeh vidyut tatha taap ka suchaalak hota hai. iska aapekshik ghanatv 2.25 hai. yeh 7000C par jalakar kaarban daai-aaksaaid banaata hai.

anukram

naamakaran

grefaait shabd greek shabd grefo se liya gaya hai jiska arth hai main likhta hooain arthaat iske dvaara kaagaj par nishaan banaaya ja sakta hai.

raasaayanik sanrachana

graifaait adhaatu hokar bhi mulaayam aur vidyut chaalak hai. uske apavaadaatmak gun usaki vishisht sanrachana ke kaaran hote hain. ismein kaarban parmaanu vibhinn paraton mein vyavasthit hote hain aur pratyek parmaanu usi parat ke teen niktavarti paramaanuon se sahasanyojak bandhan mein hota hai. pratyek paramaagu ka chautha sanyoji ilektraun alag paraton ke madhya upasthit hota hai aur yeh gaman ke liye mukt hota hai. yahi mukt ilektraun graifaait ko vidyut ka uttam chaalak banaate hain. vibhin paratein ek-doosare par sarak sakti hain. yeh graifaait ko mulaayam thos aur uttam thos snehak banaate hain.[1]

upayog

grefaait ka upayog pensil ki leed tatha ghadiyon ki kamaani banaane mein hota hai. uchch taap par chalne waali masheenon mein isko tel ya paani ke saath milaakar snehak ke roop mein prayog kiya jaata hai. iska paaudar paalish karne ke kaam mein aata hai. nyookliyr riyektar mein moderetar ke roop mein iska upayog kiya jaata hai. dhaatuon ko pighlaane ke liye krusibl banaane mein iska upayog kiya jaata hai.[2]

sandarbh

  1. rasaayanashaastr, bhaag 1, kaksha 12, nai Delhi, prushth 5
  2. gupt, taarakanaath (November 2004). bhautiki evam rasaayan shaastr. Kolkata: bhaarati pustak mandir,. pa॰ 252-253.