great Indian peninsula railway

1870 mein great Indian peninsula railway ki seemaayein

great Indian peninsula railway (hindi anuvaad: vishaal bhaarateeya praayadveep rel), jise vartamaan mein bhaarateeya madhya rel ke naam se jaana jaata hai aur jiska mukhyaalaya Mumbai (ab Mumbai) ke bori bandar (baad mein, Victoria tarmins aur vartamaan mein chhatrapati shivaaji tarmins) mein tha. great Indian peninsula railway ka gathan 1 August 1849 ko british sansad ke ek adhiniyam dvaara, 50,000 pound ki share poonji ke saath kiya gaya tha. 17 August 1849 ko isne East India company ke saath ek 56 kimi lambi prayogaatmak line ke nirmaan aur sanchaalan ke liye ek aupachaarik anubandh kiya, jiske antargat Mumbai ko khaanadesh, beraar tatha anya preseedeinsiyon ke saath jodne ke liye ek trank line bichhaai jaani thi.[1] is kaam ke liye East India company ke nideshak nyaayaalaya ne James J barkali ko mukhya aavaaseeya abhiyanta tatha unke sahaayakon ke roop mein si bi car aur aar dablyoo Graham ko niyukt kiya.[2] 1 July 1925 ko iske prabandhan ko sarkaar ne apne haathon mein le liya.[3] 5 November 1951 ko ise madhya rel ke roop mein nigmit kiya gaya.

anukram

Mumbai se thaane

1855 mein Mumbai se thaane jaati ek yaatri gaadi. chitr mein gaadi dapoori pul ke oopar se gujar rahi hai, yahi vo pul hai jo 1854 mein ban kar taiyaar hua tha aur jisne Mumbai ko thaane se joda tha.

16 April 1853 ko 3:35 baje great Indian peninsula railway ki pehli relagaadi Mumbai (ab mumbai) ke bori bandar se thaane (ab thaane) jaane ke liye ravaana hui.[4] relagaadi ko is 21 meal (33.8 kimi) ke safar ko tay karne mein 57 minute ka samay laga.[5] 14 dibbon waali is relagaadi jinmein 400 yaatri savaar the ko, teen lokomotiv jinka naam sultaan, sindh aur saahib tha, kheench rahe the.[2] Bhaarat ka pehla rel pul jo thaane kol (thaane creek) par sthit hai san 1854 mein ban kar taiyaar hua tha.

sahyaadri paar hui

is rel line ke vistaar ke agale charan mein thaane se kalyaan (ab kalyaan) ke beech ka hissa 1 May 1854 ko yaataayaat ke liye khola gaya. is hisse ka nirmaan kaarya dushkar tha kyonki ismein kol ke oopar se ek dvimaargi pul aur do surangon ka nirmaan shaamil tha. 12 May 1856 ko line ka vistaar kar ise khopoli baraasta palasadhari tak badhaaya gaya aur 12 June 1858 ko iske khandaala-poona (ab Pune) khand ko yaataayaat ke liye khola gaya. palasadharee–khandaala khand mein bhor ghaat ka kathin mod shaamil tha aur iske nirmaan mein paaainch saal ka samay laga. is dauraan 21 kimi ke nirmaanaadheen khand ka safar khopoli gaanv se hokar paalakiyon, tattuon aur bailagaadiyon se poora kiya jaata tha. rel line ka kasaara khand 1 January 1861 ko aur thaal ghaat se lekar igatapuri ke dhalavaan khand ko 1 January 1865 ko khola gaya. is prakaar sahyaadri ko poori tarah paar karne mein safalta mili.

aage ka vistaar

dakshin poorv ki mukhya line ka vistaar bhor ghaat se aage poona, sholaapur aur raayachoor tak kiya gaya jahaan, ise Madras railway se joda gaya. 1868 mein relamaarg 888 kimi lamba tha jo 1870 mein badh kar 2388 kimi ho gaya.[6][7]

Mumbai se Calcutta

kalyaan se aage, uttar-poorv mukhya line ko thaal ghaat se naseeraabaad ke paas sthit bhusaaval tak badhaaya gaya. bhusaaval se aage line ko do maargon mein baanta gaya jinmein se ek kapaas ki kheti ke liye mashahoor amaraavati jile se gujar kar Nagpur tak jaati thi, jabki doosari line jabalapur tak jaati thi jahaaain ise 1867 mein khuli East Indian railway ki Allahabad-jabalapur shaakha line se joda gaya aur is prakaar Mumbai se seedhe Calcutta ki yaatra karna sambhav ho gaya. is maarg ko aadhikaarik taur par 7 March 1870 ko khola gaya tha aur yeh fraanseesi lekhak jools varn ki pustak araaund the world in eti dej ke liye preranaastrot bani.

udghaatan samaaroh mein vaayasaraaya Lord meyo ne kaha ki "yeh vaanchhaneeya hai, yadi sambhav ho to, jald se jald ek samaan pranaali ke antargat poore desh mein rel laainon ka jaal bichha diya jaana chaahiye".

sandarbh

  1. Rao, M.A. (1988). Indian Railways, New Delhi: National Book Trust, p.15
  2. a aa Khan, Shaheed (April 18, 2002). "The great Indian Railway bazaar". the hindu. http://www.hinduonnet.com/thehindu/mp/2002/04/18/stories/2002041800430100.htm.
  3. "Chapter 1 - Evolution of Indian Railways-Historical Background". Ministry of Railways website. http://www.indianrailways.gov.in/financecode/ADMIN_FINANCE/AdminFinanceCh1_Data.htm.
  4. Costa, Roana Maria (17 April 2010). "A sepia ride, from Boree Bunder to Tannah". Mumbai: the times of indiya . p. 6.
  5. Rao, M.A. (1988). Indian Railways, New Delhi: National Book Trust, p.17
  6. Rao, M.A. (1988). Indian Railways, New Delhi: National Book Trust, pp.17-8
  7. Mihill Slaughter (1861). Railway Intelligence. 11. The Railway Department, Stock Exchange, London. pa॰ 202. http://books.google.co.in/books?id=OmTXAAAAMAAJ&pg=PA194&dq=berar&lr=&as_brr=3&cd=17#v=onepage&q=berar&f=false.