govind chandr paande

janm: 30 July 1923
Allahabad, uttar pradesh, Bhaarat
mrutyu: 21 May 2011
Delhi , Bhaarat
kaaryakshetr: itihaasajnya, lekhak, sanskruti-purush, chintak, sampaadak, praadhyaapak, kulapati, hindi-kavi
raashtreeyata: bhaarateeya
bhaasha: hindi sanskrut angreji paali praakrut hibroo letin cheeni French aur anekaanek videshi bhaashaaeain
kaal: aadhunik kaal
vidha: gadya aur padya
vishay: darshan itihaas sanskruti saahitya bhaasha
pramukh kruti(yaaain): anekaanek moolyavaan krutiyon ke sarjak- vistrut soochi neeche
anekaanek sansthaaon se puraskrut padmashri sammaan, sarasvati puraskaar, maneesha-sammaan, madgalaaprasaad puraskaar, vigyaan-darshan puraskaar, naresh Mehta sammaan, moortidevi puraskaar, saahitya academy ka sarvochch sammaan,
adhyaapan, lekhan, chintan

dau॰ govind chandr paandeya (30 July 1923 - 21 May 2011) sanskrut, letin aur hibroo aadi anek bhaashaaoain ke asaadhaaran vidvaan, kai pustakon ke yashasvi lekhak, hindi kavi,[1] hindustaani academy ilaahabaad ke sadasya Rajasthan vishvavidyaalaya ke [[kulapati] aur san 2010 mein padmashri sammaan praapt[2], beesaveen sadi ke jaane-maane chintak, itihaasavetta, saundaryashaastri aur sanskrutajnya the.

anukram

janm

aachaarya govind chandr paandeya ka janm 30 July 1923 ko Allahabad mein hua.[3] uttar pradesh ke nagar kaasheepur mein aa kar base almoda ke ek gram pilkha se nikle supratishthit pahaadi braahman parivaar mein janme, shri peetaambar datt paandeya (Bhaarat sarkaar ki lekha seva ke uchch adhikaari) unke pita evam shreemati prabhaavati devi paandeya unki maata theen|

shiksha

kaasheepur se unhonne maadhyamik shiksha evam uchchatar maadhyamik shiksha pareekshaaen donon hi pratham shreni ke saath utteern keen aur usi dauraan panditpravar shri raghuveer datt shaastri aur pandit raamashankar Dwivedi jaise udbhat vidvaanon ke saannidhya mein vyaakaran, saahitya, evam shaastron ka paaramparik reeti se (sanskrut maadhyam se) aadyopaant gahan adhyayan kiya. pehli kaksha se Allahabad mein M. A. tak ki sabhi pareekshaaon mein sarvochchch ank le kar vikhyaat vidvaan aur subhaash chandr Bose ke mitr pro॰ kshetresh chandr chattopaadhyaaya profesar, praacheen itihaas, sanskruti aur puraatatv vibhaag, ke adheen tulanaatmak bhaashaashaastr, dharm, darshan aur itihaas ki gahanatar shiksha praapt ki |[4] pro॰ kshetresh chandr chattopaadhyaaya ke nirdeshan mein hi inhonne 1947 i0 mein di.fil. ki upaadhi praapt ki. inhonne apne is shodhakaal mein hi paali, praakrut. French, jarman aur bauddh cheeni bhaashaaon ka bhi adhyayan kiya aur baad mein di.lit ki upaadhi bhi ilaahabaad vishvavidyaalaya se hi praapt ki.

adhyaapan aur anya sevaaeain

aachaarya govind chandr paandeya ne 1947 isvi se 1957 tak Allahabad vishvavidyaalaya mein itihaas vibhaag mein sahaayak profesar (lekcharar) aur esosiyet profesar (reedar) ke roop mein pradhyaapan-kaarya kiya. 1957 E. mein praacheen itihaas evam sanskruti aur puraatatv vishay ke pratham profesar aachaarya hokar aap Gorakhpur vishvavidyaalaya chale gaye. 1962 se 1977 tak yeh Rajasthan vishvavidyaalaya mein itihaas vibhaag ke vibhaagaadhyaksh evam professor rahe aur baad mein 1974-'77 ke beech isi vishvavidyaalaya ke up kulapati pad par bhi rahe. 1978 mein paandeya ji pun: apni janmabhoomi Allahabad aaye aur 1985 se 1988 tak teen varsh tak ICHR (indiyn kaunsil of historikl research) (aai0 see0 echa0 aara0) ke pratham raashtreeya failo niyukt hue. tatkaal baad bhaarateeya daarshanik anusandhaan parishd ki vigyaan, darshan, sanskruti, itihaas ki sampaadakatv yojana mein pramukh sampaadak/ salaahakaar ke roop mein bhi aap kaaryarat rahe. dau॰ paandeya bhaarateeya uchch adhyayan sansthaan Shimla ke nideshak aur kendreeya tibbati adhyayan vishvavidyaalaya saaranaath ke adhyaksh evam Allahabad sangrahaalaya ke adhyaksh bhi rahe.

samay samay par pro॰ paandeya Bhaarat sarkaar ki kai mahatvapoorn samitiyon ke sadasya bhi rahe evam desh-videsh ki anek mahatvapoorn bauddhik sangoshthiyon mein bhaageedaar hote rahe.

lekhan aur prakaashan

govind chandr paandeya dvaara likhe gaye sanskruti, darshan, saahitya, itihaas-vishyak anek aalochanaatmak shodhagranth, kaavya-granth aur vividh shodhapoorn aalekh, Bhaarat aur videshon mein sammaanapoorvak prakaashit hain. aap dvaara sanskrut bhaasha mein rachit maulik evam anoodit tatha prakaashit pramukh granth 'darshan vimarsh:' 1996 Varanasi, 'saundarya darshan vimarsh:' 1996 Varanasi, 'ekan sadvipraa: bahudha vadanti' 1997 Varanasi 'nyaayabindu' 1975 saaranaath/ Jaipur, iske atirikt sanskruti evam itihaas vishyak paaainch granth aur darshan vishay ke aath granthon mein 'shankaraachaarya: vichaar aur sandarbh' granth mahaneeya hain. vividh saahityik krutiyon mein aap dvaara virchit aath anya granth sanskrut vaadmaya ko vibhooshit kar rahe hain. inhonne rigved ki anek kavitaaon ka saras hindi kaavyaanuvaad bhi kiya tha|

inke krutitv par kalaanaath shaastri ne likha hai-{uddharan} [4] - " March 2003 mein Delhi mein bhaarateeya daarshanik anusandhaan parishd ne unke 80 varsh poore karne par abhinndanaarth, jo vishaal vidvat sangoshthi rakhi thi, usamein vishv bhar ke daarshanik, itihaasavid, sanskrut-maneeshi, lekhak, kavi aadi upasthit the. unke sarjanaatmak aur vimrshaatmak vaidushya ke aayaamon par teen din tak charcha hui thi. us sangoshthi mein padhe gaye shodh-lekh, granthaakaar mein bhi nikle. hindi mein bhi ek granth us sangoshthi ke nishkarshon ko shaamil kar nikaala gaya, jiska sheershak tha 'avyaya : aachaarya govind chandra paande ka sarjanaatmak avadaan' (sampaadak: satyaprakaash mishr)2005: (ISBN 8188216356 | 9788188216352), kintu usamein bhi un ke krutitv ka poora chitr naheen tha, kyonki usaka falak bahut vyaapak hai. unhonne praacheen itihaas, bauddh sanskruti, vaidik vaaङamaya, moolya meemaansa, itihaas darshan, bhaarateeya darshan, shankaraachaarya, tulanaatmak dharm, tulanaatmak saundaryashaastr aadi das pandrah vishyon par pachaas se bhi adhik jo pustakein likhi theen, ve angreji, hindi aur sanskrut teenon mein theen. anuvaad alag the."

"darshan, itihaas aur sanskrut ke gahan gyaan ne inse jo granth likhvaae, unamein goodhata, praudhata aur sankshep mein baat kehne ki pravanata hona svaabhaavik tha. Rajasthan hindi granth academy se chhape inke granthon mein 'moolya meemaansa' in sabhi lakshanon ko charitaarth karti hai."

"bauddh darshan aur buddhakaaleen Bhaarat par inke granth sarvotkrusht maane jaate hain. jyotish par bhi unka adhikaar tha. baad ke dinon mein ved vaaङamaya ka sarvaangeen vimarsh prastut karne hetu likha gaya inka granth 'vaidik sanskruti' bhi shikhar star ka granth hai. yeh granth jab likha ja raha tha, main inke nikat sampark mein tha, kyonki inka yeh shauk suprasiddh tha ki Allahabad mein rahate hue apne janmadin par Allahabad myoojiym mein desh ke shikhrasth maneeshiyon ki kisi na kisi vishay par ek raashtreeya sangoshthi avashya hi aayojit hoti thi. mujh jaise adhakachare ko bhi ye avashya bulaate the. mainne is granth ka sheershak sujhaaya tha 'vaidik vaaङamaya', par unhonne 'vaidik sanskruti' naam kyon rakha, iska auchitya unhonne yeh bataaya ki is mein upanishd vaaङamaya ka bhi poora vimarsh hai. yeh sheershak hi donon ko samaahit kar sakta hai. inhonne vaheen bataaya tha ki netaaji subhaash chandr Bose ke mitr kshetresh babu se ye sanskrut padhe the aur unke saamane bhi unki kakshaaeain, unke aadesh par ye sanskrut maadhyam mein hi padhaate the. isse aap andaaja laga sakte hain ki sanskrut par inka kis gaharaai tak adhikaar tha. aaj shaayad desh mein chaar-paaainch vidvaan hi us kad-kaathi ke bache hon."

"prasiddh angreji kaviyon ki kavitaaon ka sanskrut mein anuvaad 'astaachaleeyam' aur praakrut gaatha saptashati ka hindi ke dohon mein anuvaad 'mahilaaeain' sheershak se unhonne nikaala."

"tulanaatmak dharm par sampoornaanand sanskrut vishvavidyaalaya kaashi mein diye inke sanskrut smaarak bhaashan ka granthaakaar prakaashan hua hai 'ek sad vipra bahudha vadanti' sheershak se. usamein inhonne dharm ka jo vivechan kiya hai, vah maanav ke itihaas mein dharm ki avadhaarana se lekar dharm ko sampradaaya bana dene vaale panthon ki vivechana tak samaahit kiye hue hai. koi sanskrut-pandit bhi aisa granth likh paae, yeh kam hi sambhav hai. isse adhik ajooba- hai inka tulanaatmak saundaryashaastr jiska sheershak hai, 'saundaryadarshan vimrsh:'. ismein yoonaani saundaryashaastr se lekar baum gaartan ki jarman kala paribhaashaaon se hote hue sanskrut kaavyashaastr ko lapet kar fraanseesi kroche aur astitvavaad tak ye apne vimarsh ko le aae hain. sanskrut mein yeh sab likhna kathin hota hai, yadyapi sanskrut hi vishv mein aisi ek bhaasha hai jismein vishv bhar ki avadhaaranaaon ke liye shabd ban sakte hain. aise shabd banaate-banaate inhonne, (shaayad vinod mein) Germany ke ek saundaryashaastri baum gaartan (jo lalit kalaaon ke vargeekaran ka janak maana jaata hai) ka naam bhi sanskrut mein utaar daala 'vrukshodyaan'! (jarman mein baum, vruksh hota hai, gaartan udyaan yaane garden)!!" {uddharan-ant}

kuchh pramukh granth

1.'bhaarateeyata ke mool svar'

2.'darshan vimarsh' 1996 Varanasi,

3.'saundarya darshan vimarsh' 1996 raaka prakaashan, Jaipur / Varanasi, [1]

4.'ekan sadvipraa: bahudha vadanti' 1997 Varanasi [2]

5.'nyaayabindu' 1975 saaranaath, Jaipur [3]

6.'bhaktidrshanavimrsh:'[4]

7. 'Social and Economic Life of Early Medieval Bihar': forwarded G. C. Pande Publisher: Allahabad : Raka Prakashan, 2005. ISBN: 8188216275

8. 'bhaageerathi' Bhagirathi (Poetry in Hindi and Sanskrit, awarded the Saraswati Samman (an annual award for outstanding prose or poetry literary works in any Indian language.)[5]

9. 'Kalidas and His Age' (1999)[6]

10. 'Timeless River' (kavita-sangrah) (selected poems from Bhagirathi)

11. 'mahilaaen' Mahilayen gaatha saptashati ka anuvaad [7]

12. 'jaya' ('Jaya') (kavita sangrah) (poems)[8]

13. 'hansika' 'Hansika (kavita-sangrah) (poems)[9]

14. 'moolya-meemaansa' Mulya Mimansa [10]

15. 'The Meaning and Process of Culture'

16. 'kshan aur lakshan' (kavita-sangrah) "Kshan aur Lakshan" (poems)[11]

14. 'agnibeej' (Agni Beej)(poems)[12] : bhaarateeya jnyaaanapeeth, nai Delhi

15. dharmakeerti virchit 'nyaayabindu' (anuvaad, vyaakhya), 1972 Nyaya Bindu[13]

16.ratnakeerti virchit 'apohasiddhi'(anuvaad evam vyaakhya), 1971 Apohh Siddhi[14]

17. 'Consciousness Values and Culture' [15]

18. 'Life and Thought of Shankarachary'a [16]

19. 'Foundations of Indian Culture' [17]

20. 'Studies in the origin of Buddhism' [18]

21. 'buddh dharm ke vikaas ka itihaas' [19]

22. 'Jain thought and culture' [20]

23. 'bhaarateeya samaaj' [21]

24. 'rigved : chautha evam saptam mandal' [22]

25. 'arddhashati ka bhaarateeya kaavya chintan :paksh aur vipaksh' [23]

26. 'paali saahitya ka itihaas' [24]

27. itihaas: svarup evam siddhaant [25]

28. 'manjunaath granthaavali' sameeksha [26]

29. 'shankaraachaarya : vichaar aur sandarbh' [27]

sammaan aur puraskaar

padm shri ke alaava inhein anekaanek puraskaar aur sammaan mile jinmein Bhaarat sarkaar dvaara vishisht dhanaraashi roop puraskaar, bidla trast ka sarasvati sammaan 2003-2004, maneesha-sammaan, mangalaaprasaad puraskaar, vigyaan darshan puraskaar, naresh Mehta sammaan, bhaarateeya jnyaaanapeeth ka moortidevi puraskaar, saahitya academy ka sarvochch sammaan (mahattar sadasyata roop mein),uttar pradesh sanskrut sansthaan ka vishv bhaarati puraskaar [28] kaashi hindu vishvavidyaalaya ki maanad di.lit upaadhi, va shri laal bahaadur shaastri raashtreeya sanskrut vidyaapeeth se mahaamahopaadhyaaya ki upaadhi pramukh hain.

nidhan

inka dehaavasaan 88 varsh ki paripakva avastha mein kuchh samay asvasth rahane ke baad Delhi mein 21 May 2011 ko hua| [29], [30]

shrruddhaanjali

imake nidhan par suvikhyaat vidvaan kalaanaath shaastri ne apni shrruddhaanjali lekh mein likha- " "antim dinon mein paandeya ji Allahabad chhod kar Bhopal aa gaye the. vahaan inki putri Madhya Pradesh shaasan mein bhaarateeya prashaasanik seva mein ek varishth prashaasak theen, fir yeh Delhi bhi rahe, jahaaain netr-jyoti ksheen hone par bhi rigved ka chaar khandon mein santulit bhaashya taiyaar kar rahe the, kyonki unka maanana tha ki vishv mein maanav ke pustakaalaya ki is sarvapratham pustak ke saath isliye nyaaya naheen ho paaya ki maheedhar, saayan, dayaanand sarasvati aur maharshi aravind tak jis jis ne iska bhaashya kiya, apne poorvaagrahon ke chashme se dekh kar apne man ki gavaahi se apna 2 arth lagaaya. kaal ki yahi to kroorata hai ki usane inhein vah bhaashya poora naheen karne diya. un jaisa gahan vidvaan jo bhi saarasvat-kaarya haath mein leta hai, usaki parinti atyant marmasparshi, kaalajayi granth ke roop mein hoti hai, yeh ham dekh chuke the. sanskruti, darshan aur praacheen itihaas se sambaddh unke granthon mein, visheshakar sanskrut mein likhe tulanaatmak dharm aur tulanaatmak saundaryashaastr ke unke dvaara rachit granthon mein. vaidushya ke kitne aayaam ho sakte hain iske jeevant pramaan, Bhaarat ke shikhar maneeshi, bahubhaashavid padmashri dau॰ govindachandr paandeya ka mahaaprayaan jo rikti chhod gaya hai, uske bhi anek aayaam hain. paandeya ji varshon tak Allahabad aur Rajasthan vishvavidyaalaya aadi ke kulapati rahe the, Shimla sthit bhaarateeya uchch adhyayan sansthaan aur prayaag sthit Allahabad myoojiym ke adhyaksh rahe the, itihaas, darshan, praachya vidyaaon aur praachya bhaashaaon ke praudh vidvaan hone ke saath hindi aur sanskrut mein sarjanaatmak lekhan karke unhonne jo keertimaan banaae, ve aur bhi aashcharyajanak hain. sanskrut mein unke muktak sankalan 'bhaageerathi' ko Bhaarat ki samast bhaashaaon ke saahitya se chhaaaintakar diya jaane wala bidla trast ka sarasvati puraskaar 2004 mein mila tha jo sanskrut ke jhandaabaradaar kaviyon mein se kisi ko ab tak naheen mila tha. tabhi to haal hi mein unhein mila padmashri alankaran unke kad se chhota laga tha- anek prekshakon ko. aise moordhanya vidvaan ka 88 varsh ki umr mein gat 21 May ko sada ke liye chala jaana maaain bhaarati ke hrudaya par laga ek dhakka sa lagta hai jab ham yeh dekhte hain ki aise bahuaayaami praudh vidvaan ek ek kar chale ja rahe hain aur unki jagah lene wala nai peedhi mein koi naheen dikhta|"[31]


sandarbh

baahari kadiyaaain

saaaincha:padm shri