govardhanaraam maadhavaraam tripaathi

govardhanaraam maadhavaraam tripaathi

govardhanaraam maadhavaraam tripaathi (1855-1907 E.) ka vyaktitv aadhunik gujaraati saahitya mein kathaakaar, kavi, chintak, vivechak, charitralekhak tatha itihaasakaar ityaadi anek roopon mein maanya hai; kintu unako sarvaadhik pratishtha dviteeya utthaan ke sarvashreshth kathaakaar ke roop mein hi praapt hui hai. jis prakaar aadhunik gujaraati saahitya ki puraani peedhi ke agrani narmad maane jaate hain usi prakaar unke baad ki peedhi ka netrutv govardhanaraam ke dvaara hua. sanskrut saahitya ke gambhir anusheelan tatha raamakrushn paramahans aur vivekaanand aadi vibhootiyon ke vichaaron ke prabhaav se unke hrudaya mein praacheen bhaarateeya aarya sanskruti ke punarutthaan ki teevr bhaavana jaagrat hui. unka adhikaansh rachanaatmak saahitya moolat: isi bhaavana se sambaddh evam udbhoot hai.

jeevani

govardhanaraam ki praarambhik shiksha deeksha Mumbai tatha nadiyaad mein sampann hui. 1805 E. mein unhonne elfinstan college se bi.A. ki upaadhi praapt ki. shiksha samaapt hote hi unki pravruti tatvachintan aur saamaajik kalyaan ki or unmukh hui.

saahityik krutitv

"sarasvateechandr" unki sarvapramukh saahityik kruti hai. katha ke kshetr mein ise "gujaraati saahitya ka sarvochch keertishikhr" kaha gaya hai. aachaarya aanandashankar baapoobhaai dhruv ne iski garima aur bhaavasamruddhi ko lakshit karte hue ise "sarasvateechandr puraan" ki sanjnyaa pradaan ki thi jo iski lokapriyta tatha kalpanaabahulata ko dekhte hue sarvatha upayukt prateet hoti hai.

"sarasvateechandr" ki katha chaar bhaagon mein samaapt hoti hai. pratham bhaag mein ratnanagari ke pradhaan vidyaachatur ki sundari kanya kumud aur vidyaanuraagi evam tatvachintak sarasvateechandr ke paarasparik aakarshan ki praaranbhig manodasha ka chitran hai. naayak ki yeh maanyata ki "stri maan purushana purushaarthani samaapti thati nathi" vastut: lekhak ke udaatt drushtikon ki parichaayak hai aur aagaami bhaagon ki katha ka vikaas praaya: isi sootravaakya se prati falit hota hai. dviteeya bhaag mein vyakti aur parivaar ke sambandhon ka chitran bhaarateeya drushtikon se kiya gaya hai tatha truteeya mein karmakshetr ke vistaar ke saath praachya aur paashchaaty sanskaaron ka sangharsh pradarshit hai. chaturth bhaag mein lokakalyaan ki bhaavana se udbhoot "kalyaanagraam" ki sthaapana ki ek aadarsh yojana ke saath katha samaapt hoti hai. beech-beech mein saadhu saton ke prasangon ko samaavisht karke tatha naayak ki pravatti ko aadyopaant vairaagya evam paaramaarthik kalyaan ki or anmukh chitrit karke lekhak ne apne saanskrutik drushtikon ko safalataapoorvak saahityik abhivyakti pradaan ki hai.

"snehaamudra" govardhanaraam ki oormipradhaan bhaavageetiyon ka, sanskrutanishth shaili mein likhit, ek vishishth kavitaasangrah hai jo san 18889 mein prakaashit hua tha. ismein sameekshakon ne maanaveeya, aadhyaatmik eve prakrutiprak prem ki anek pratibha ek samarth kaavyavivechak ke roop mein prakat hui hai. "Wilson college, saahitya sabha" ke samaksh prastut apne gaveshanapoorn angareji vyaakhyaanon ke maadhyam se unhonne praacheen gujaraati saahitya ke itihaas ko vyavasthit roop se prastut karne ka pratham prayaas kiya. inka prakaashan klaisikl poets ov Gujarat aind deyar inafluens aan soyaayati aind maurals" naam se hua hai. 1905 mein gujaraati saahitya parishd ke "pramukh" roop se diye gaye apne bhaashan mein inhonne aachaarya aanandashankar baapoobhaai dhruv se praapt sootr ko pakadkar narasi Mehta ke kaalanirnaya ki jo samasya uthaai us par itna vaadavivaad hua ki vah swayam aitihaasik mahatva ki vastu ban gayi. jeevanacharitlekhak ke roop mein unki kshamata "leelaavati jeevanakala" (E. 1906) tatha "navalagranthaavali (E. 1891) ke upodaghaat se ankit ki jaati hai. leelaavati unki divganta putri thi aur uske charitlekhan mein tatvachintan evam dharmadarshan ko pradhaanata dete hue unhonne sookshm deh ki gatividhi ko prastut kiya hai. navalaraam ki jeevanakatha ki upeksha ismein aatmeeyata ka tatv adhik hai. navalaraam ki jeevanakatha ki apeksha ismein aatmeeyata ka tatv adhik hai. govardhanaraam ne apni jeevani ke sambandh mein bhi kuchh "nots likh chhode the jo ab "skech book" ke naam se prakaashit ho chuke hain.

baahari kadiyaaain