govardhan pooja

govardhan pooja
aadhikaarik naam govardhan pooja vrat
anuyaayi hindu, bhaarateeya, bhaarateeya pravaasi
tithi kaartik shukl pratipda

govardhan pooja hinduon ka ek pramukh tyohaar hai.

anukram

katha

deepaavali ki agali subah govardhan pooja ki jaati hai. log ise annakoot ke naam se bhi jaante hain. is tyauhaar ka bhaarateeya lokajeevan mein kaafi mahatva hai. is parv mein prakruti ke saath maanav ka seedha sambandh dikhaai deta hai. is parv ki apni maanyata aur lokakatha hai. govardhan pooja mein godhan yaani gaayon ki pooja ki jaati hai. shaastron mein bataaya gaya hai ki gaaya usi prakaar pavitra hoti jaise nadiyon mein ganga. gaaya ko devi lakshmi ka svaroop bhi kaha gaya hai. devi lakshmi jis prakaar sukh samruddhi pradaan karti hain usi prakaar gau maata bhi apne doodh se svaasthya roopi dhan pradaan karti hain. inka bachhada kheton mein anaaj ugaata hai. is tarah gau sampoorn maanav jaati ke liye poojaneeya aur aadaraneeya hai. gau ke prati shraddha prakat karne ke liye hi kaartik shukl paksh pratipda ke din gorvadhan ki pooja ki jaati hai aur iske prateek ke roop mein gaaya ki.

jab Krishna ne brajavaasiyon ko moosaladhaar varsha se bachane ke liye saat din tak govardhan parvat ko apni sabse chhoti uaingali par uthaakar rakha aur gop-gopikaaeain usaki chhaaya mein sukhapoorvak rahe. saatavein din Bhagwan ne govardhan ko neeche rakha aur har varsh govardhan pooja karke annakoot utsav manaane ki aajnyaa di. tabhi se yeh utsav annakoot ke naam se manaaya jaane laga.

katha

govardhan pooja ke sambandh mein ek lokagaatha prachalit hai. katha yeh hai ki devaraaj indr ko abhimaan ho gaya tha. indr ka abhimaan choor karne hetu Bhagwan shri Krishna jo swayam leelaadhaari shri hari vishnu ke avataar hain ne ek leela rachi. prabhu ki is leela mein yoon hua ki ek din unhonne dekha ke sabhi brujavaasi uttam pakavaan bana rahe hain aur kisi pooja ki taiyaari mein jute. shri Krishna ne bade bholepan se maiya yashoda se prashn kiya " maiya ye aap log kinki pooja ki taiyaari kar rahe hain" Krishna ki baatein sunakar maiya boli lalla ham devaraaj indr ki pooja ke liye annakoot ki taiyaari kar rahe hain. maiya ke aisa kehne par shri Krishna bole maiya ham indr ki pooja kyon karte hain? maiiya ne kaha vah varsha karte hain jisse ann ki paidaavaar hoti hai unase hamaari gaayon ko chaara milta hai. Bhagwan shri Krishna bole hamein to gorvadhan parvat ki pooja karni chaahiye kyonki hamaari gaaye vaheen charati hain, is drushti se gorvadhan parvat hi poojaneeya hai aur indr to kabhi darshan bhi naheen dete va pooja na karne par krodhit bhi hote hain at: aise ahankaari ki pooja naheen karni chaahiye.

leelaadhaari ki leela aur maaya se sabhi ne indr ke badle govarghan parvat ki pooja ki. devaraaj indr ne ise apna apamaan samjha aur moosalaadhaar varsha shuroo kar di. pralaya ke samaan varsha dekhkar sabhi brujavaasi Bhagwan Krishna ko kosane lage ki, sab inka kaha maanane se hua hai. tab muraleedhar ne murali kamar mein daali aur apni kanishtha ungali par poora govarghan parvat utha liya aur sabhi brujavaasiyon ko usamein apne gaaya aur bachhade samet sharan lene ke liye bulaaya. indr Krishna ki yeh leela dekhkar aur krodhit hue falat: varsha aur tej ho gayi. indr ka maan mardan ke liye tab shri Krishna ne sudarshan chakr se kaha ki aap parvat ke oopar rahakar varsha ki gati ko niytrit karein aur sheshanaag se kaha aap med banaakar paani ko parvat ki or aane se rokein.

indr lagaataar saat din tak moosalaadhaar varsha karte rahe tab unhe ehsaas hua ki unka mukaabala karne wala koi aam manushya naheen ho sakta at: ve brahma ji ke paas pahunche aur sab vrutaant kah sunaaya. brahma ji ne indr se kaha ki aap jis Krishna ki baat kar rahe hain vah Bhagwan vishnu ke saakshaat ansh hain aur poorn purooshottam Narayan hain. brahma ji ke munkh se yeh sunakar indr atyant lajjit hue aur shri Krishna se kaha ki prabhu main aapko pehchaan na saka isliye ahankaaravash bhool kar baitha. aap dayaalu hain aur krupaalu bhi isliye meri bhool kshama karein. iske pashchaat devaraaj indr ne muraleedhar ki pooja kar unhein bhog lagaaya.

is pauraanik ghatna ke baad se hi govarghan pooja ki jaane lagi. brujavaasi is din govarghan parvat ki pooja karte hain. gaaya bail ko is din snaan karaakar unhein rang lagaaya jaata hai va unke gale mein nai rassi daali jaati hai. gaaya aur bailon ko gud aur chaaval milaakar khilaaya jaata hai.

baahari kadiyaaain

sandarbh