govardhan parvat

govardhan parvat ka paas se kheencha gaya chitr
kusum sarovar

govardhan parvat uttar pradesh ke Mathura jile ke antargat ek nagar panchaayat hai. govardhan va iske aaspaas ke kshetr ko braj bhoomi bhi kaha jaata hai.

yeh Bhagwan shri Krishna ki leelaasthali hai. yaheen par Bhagwan shri Krishna ne dvaapar yug mein brajavaasiyon ko indr ke prakop se bachaane ke liye govardhan parvat apni tarjani anguli par uthaaya tha. govardhan parvat ko bhakktajan giriraaj ji bhi kehte hain.

sadiyon se yahaaain door-door se bhaktajan giriraaj ji ki parikrama karne aate rahe hain. yeh 7 kos ki parikrama lagbhag 21 kilometer ki hai. maarg mein padne vaale pramukh sthal aanyaur, raadhaakund, kusum sarovar, maanasi ganga, govind kund, poonchhari ka lota, daanaghaati ityaadi hain.

parikrama jahaaain se shuru hoti hai vaheen ek prasiddh mandir bhi hai jise daanaghaati mandir kaha jaata hai.

anukram

govardhan

raadhaakund se teen meal door govarddhan parvat hai. pehle yeh giriraaj 7 kos (21 ki·ami) mein faile hue the, par ab aap dharati mein sama gaye hain. yaheen kusum sarovar hai, jo bahut sundar bana hua hai. yahaaain vajranaabh ke padharaae haridevaji the par aurangajebi kaal mein vah yahaaain se chale gaye. peechhe se unke sthaan par doosari moorti pratishthit ki gayi.

yeh mandir bahut sundar hai. yahaaain shri vajranaabh ke hi padharaae hue ekachakreshvar mahaadev ka mandir hai. giriraaj ke oopar aur aaspaas govarddhanagaam basa hai tatha ek manasaadevi ka mandir hai. maanaseeganga par giriraaj ka mukhaaravind hai, jahaaain unka poojan hota hai tatha aashaadhi poornima tatha kaartik ki amaavasya ko mela lagta hai.

govarddhan mein surabhi gaaya, airaavat haathi tatha ek shila par bhagavaan‌ ka charanachihn hai. maanasi ganga par jise bhagavaan‌ ne apne man se utpann kiya tha, deevaali ke din jo deepamaalika hoti hai, usamein manon ghi kharch kiya jaata hai, shobha darshaneeya hoti hai. yahaaain log dandauti parikrama karte hain. dandauti parikrama is prakaar ki jaati hai ki aage haath failaakar jameen par let jaate hain aur jahaaain tak haath failate hain, vahaaain tak lakeer kheenchakar fir uske aage letate hain.

isi prakaar letate-letate ya saashtaang dandavat‌ karte-karte parikrama karte hain jo ek saptaah se lekar do saptaah mein poori ho paati hai. yahaaain gorochan, dharmarochan, paapamochan aur rinamochan- ye chaar kund hain tatha bharatapur naresh ki banvaai hui chhatiryaan tatha anya sundar imaaratein hain.

Mathura se deegh ko jaane waali sadak govarddhan paar karke jahaaain par niklati hai, vah sthaan daanaghaati kahalaata hai. yahaaain bhagavaan‌ daan liya karte the. yahaaain daanaraayaji ka mandir hai. isi govarddhan ke paas 20 kos ke beech mein saarasvatakalp mein vrundaavan tha tatha isi ke aaspaas yamuna bahti thi

kaise pahuainchein

jila mukhyaalaya Mathura se maatr 20 kilometer ki doori par hai aur har samay Mathura se jeep/bas/teksi upalabdh rahate hain. (kiraaya-20 Ru) Rajasthan ke alavar shahar se 120 kilometer ki doori par, alavar-Mathura maarg par sthit, alavar se kai basein upalabdh hain. niktatam bada railway station- Mathura jankashan hai.

kahaaain thaharein

govardhan evam jateepura mein kai dharmashaalaaen evam hotel hain jahaaain rukane evam bhojan ki uttam vyavastha ho jaati hai. yadyapi bhakton ka yahaaain hamesha hi aana jaana laga rahata hai parantu poornima ke aas paas yeh sankhya kaafi bad jaati hai. us samay par pradesh sarkaar suraksha evam safal parikrama aayojan ke liye bharsak prayaas karti hai.

aas paas anya sthal