gorakha

yeh lekh gorakha ya gorakhaali logon ke baare mein hai, anya prayog ke liye dekhein gorakha (bahuviklp)
inglaind ke raksha mantraalaya ke baahar sthaapit ek gorakha ki moorti,haurs gaardas avenyu, vestaminsatar shahar, landan.

gorakha ya gorakhaali (nepaali: gorkha) Nepal ke log hain.[1] jinhone ye naam 8 veen shataabdi ke hindu yoddha sant shri guru gorakhanaath se praapt kiya tha.[2] unke shishya bappa raaval ne Rajkumar kalabhoj/Rajkumar shailaadhish ko janmaaya tha, jinka ghar mevaad, Rajasthan (rajputana) mein paaya gaya tha. baad mein bappa raaval ke vansh sudoor purab ke taraf badhein aur gorakha mein apna ghar sthaapit kiya aur baad mein unhone Nepal adhiraajya ko sthaapit kiya. gorakha jila aadhunik Nepal ke 75 jilon mein se ek hai.

gorakhaali log apne saahas aur himmat ke liye vikhyaat hain aur ve nepaali army aur bhaarateeya army ke gorakha rejiment aur british army ke gorakha brigej ke liye bhi khub jaane jaate hain. gorakhaaleeyon ko british Bhaarat ke adhikaariyon ne maarshal race ki upaadhi di thi. unke anusaar gorakhaali praakrutik rup se hi yoddha hote hain aur yuddh mein aakraamak hote hain, vafaadaari aur saahas ka gun rakhate hain, aatm nirbhar hote hain, bhautik rup se majaboot aur furteele, suvyavasthit hote hain, lambe samay tak kadi mehnat karne vaale, hathi ladaakoo, miletri rananeetike hote hain.

british bhaarateeya army mein in "maarshal resej" ko bhaari maatra mein bharti kiya gaya tha. bhaarateeya army ke bhootapoorv cheef of staaf general saim maanekashau ne ek baar prakhyaat roop se kaha tha:-

If a man says he is not afraid of dying, he is either lying or is a Gurkha.


arthaat: "yadi koi kehta hai ki mujhe maut se dar nahi lagta, vah ya to jhooth bol raha hai ya gorakha hai."[2]

4th Gurkha Rifles. Rearguard Action, 1909

angrejon ne apni fauj mein 1857 se pehle hi gorakha sainikon ko rakhana aarambh kar diya tha. 1857 ke Bhaarat ke pratham svatantrata sangraam mein inhonne british sena ka saath diya tha kyonki us samay ve East India company ke liye anubandh par kaam karte the. mahaaraaja ranajeet Singh ne bhi inhein apni sena mein sthaan diya. angrejon ke liye gorakhon ne donon vishvayuddhon mein apne apratim saahas aur yuddh kaushal ka parichay diya. pehle vishv yuddh mein do lakh gorakha sainikon ne hissa liya tha, jinmein se lagbhag 20 hajaar ne ranabhoomi mein veeragati praapt ki. doosare vishvayuddh mein lagbhag dhaai lakh gorakha javaan Syria, uttar Africa, Italy, grees va barma bhi bheje gaye the. us vishvayuddh mein 32 hajaar se adhik gorakhon ne shahaadat di thi. Bhaarat ke liye bhi gorakha javaanon ne Pakistan aur cheen ke khilaaf hui sabhi ladaaiyon mein shatru ke saamane apni bahaaduri ka loha manavaaya tha. gorakha rejimeint ko in yuddhon mein anek padako va sammaanon se alankrut kiya gaya, jinmein mahaaveer chakr aur param veer chakr bhi shaamil hain.[2]

vartamaan mein har varsh lagbhag 1200-1300 nepaali gorakhe bhaarateeya sena mein shaamil hote hai. gorakha rifles mein lagbhag 25 hajaar nepaali gorakha sainik hain, jo kul sankhya ka lagbhag 70 pratishat hai. shesh 30 pratishat mein deharaadoon, Darjiling aur dharmashaala aadi ke sthaaneeya bhaarateeya gorakhe shaamil hain. iske atirikt retired gorakha javaanon aur asam rifles mein gorakhon ki sankhya kareeb ek lakh hai.[2]

sandarbh

  1. "Gurkhas form the major population group in Nepal." Debnath, Monojit; Tapas K. Chaudhuri
  2. a aa i E "gorakhon ke bina kaisi lagegi fauj?". navabhaarat taaims. 1 March 2014. http://hindi.economictimes.indiatimes.com/thoughts-platform/viewpoint/How-Army-will-look-without-the-Gorkhas/articleshow/31181611.cms. abhigman tithi: 1 March 2014.