gopaaladaas neeraj

gopaal das 'neeraj'
Poet Gopaldas Neeraj.jpg
kaavya paath karte hue neeraj
upanaam: 'neeraj'
janm: (1925-01-04) 4 January 1925 (aayu 91 varsh)
gram puraavali, jila itaava, uttar pradesh, Bhaarat
kaaryakshetr: kavi sammelan,
50 varshon se nirntar manch par kaavya paath
raashtreeyata: bhaarateeya
bhaasha: hindi
kaal: beesaveen shataabdi
vidha: gadya, padya, geet
vishay: geetkaar, film
saahityik
aandolan
:
kaavya manchon par saahityik rachana ki prastuti
pramukh kruti(yaaain): dard diya hai (puraskrut), aasaavari (sachitr),
muktaki (sachitr), likh-likh bhejat paati (patra sankalan)
pant-kala, kaavya aur darshan (aalochna)


gopaaladaas neeraj (janm: 4 January 1925, gram: puraavali, jila itaava, uttar pradesh, Bhaarat), hindi saahitya ke liye college mein adhyaapan se lekar kavi sammelan ke manchon par ek alag hi andaaj mein kaavya vaachan aur filmon mein geet lekhan ke liye jaane jaate hain. ve pehle vyakti hain jinhein shiksha aur saahitya ke kshetr mein Bhaarat sarkaar ne do-do baar sammaanit kiya, pehle padm shri se, uske baad padm bhooshan se. yahi naheen, filmon mein sarvashreshth geet lekhan ke liye unhein lagaataar teen baar film fair puraskaar bhi mila.

anukram

sankshipt jeevani

gopaaladaas Saxena 'neeraj' ka janm 4 January 1925 ko british Bhaarat ke sanyukt praant Agra va avadh, jise ab uttar pradesh ke naam se jaana jaata hai, mein itaava jile ke puraavali gaaainv mein babu brajakishor Saxena[1] ke yahaaain hua tha. maatr 6 varsh ki aayu mein pita gujar gaye. 1942 mein eta se haai school pareeksha pratham shreni mein utteern ki. shuruaat mein itaava ki kachahari mein kuchh samay taaipist ka kaam kiya uske baad cinemaghar ki ek dukaan par naukri ki. lambi bekaari ke baad Delhi jaakar safaai vibhaag mein taaipist ki naukri ki. vahaaain se naukri chhoot jaane par Kanpur ke dee0e0vi college mein klarki ki. fir baalkat brothers naam ki ek private company mein paaainch varsh tak taaipist ka kaam kiya. naukri karne ke saath private pareekshaaeain dekar 1949 mein intarameediyet, 1951 mein bee0e0 aur 1953 mein pratham shreni mein hindi saahitya se ema0e0 kiya.

Meerut college Meerut mein hindi pravakta ke pad par kuchh samay tak adhyaapan kaarya bhi kiya kintu college prashaasan dvaara un par kakshaaeain na lene va romance[2] karne ke aarop lagaaye gaye jisse kupit hokar neeraj ne swayam hi naukri se tyaagapatr de diya. uske baad ve Aligadh ke dharm samaaj college mein hindi vibhaag ke praadhyaapak niyukt ho gaye aur mairis road janakapuri Aligadh mein sthaayi aavaas banaakar rahane lage.

kavi sammelanon mein apaar lokapriyta ke chalte neeraj ko Mumbai ke film jagat ne geetkaar ke roop mein nai umar ki nai fasal ke geet likhne ka nimntran diya jise unhonne saharsh sveekaar kar liya. pehli hi film mein unke likhe kuchh geet jaise kaaravaaain gujar gaya gubaar dekhte rahe aur dekhti hi raho aaj darpan na tum, pyaar ka yeh muhoorat nikal jaayega behad lokapriya hue jiska parinaam yeh hua ki ve Mumbai mein rahakar filmon ke liye geet likhne lage. filmon mein geet lekhan ka silsila mera naam jokar, sharmeeli aur prem pujaari jaisi anek charchit filmon mein kai varshon tak jaari raha.

kintu Mumbai ki jindagi se bhi unka ji bahut jald uchat gaya aur ve film nagari ko alvida kehkar fir Aligadh vaapas laut aaye. tab se aaj tak vaheen rahakar svatantr roop se muktaakaashi jeevan vyateet kar rahe hain. aaj atthaasi varsh ki aayu mein bhi ve desh videsh ke kavi-sammelanon mein usi thasak ke saath shareek hote hain. beedi, sharaab aur shaayari unke jeevan ki abhinn sahachari ban chuki hain.

apne vaare mein unka yeh sher aaj bhi mushaayaron mein faramaaish ke saath suna jaata hai:

itne badnaam hue ham to is jmaane mein, lageingi aapko sadiyaaain hamein bhulaane mein.
na peene ka saleeka na pilaane ka shaoor, aise bhi log chale aaye hain mayakhaane mein.

pramukh kavita sangrah

neeraj ji ko sammaan

hindi saahityakaar sandarbh kosh[3] ke anusaar neeraj ki kaalakramaanusaar prakaashit krutiyaaain is prakaar hain:

  • sangharsh (1944)
  • antardhvani (1946)
  • vibhaavari (1948)
  • praanageet (1951)
  • dard diya hai (1956)
  • baadar baras gayo (1957)
  • muktaki (1958)
  • do geet (1958)
  • neeraj ki paati (1958)
  • geet bhi ageet bhi (1959)
  • aasaavari (1963)
  • nadi kinaare (1963)
  • lahar pukaare (1963)
  • kaaravaaain gujar gaya (1964)
  • fir deep jalega (1970)
  • tumhaare liye (1972)
  • neeraj ki geetikaaeain (1987)

puraskaar evam sammaan

neeraj ji ko ab tak kai puraskaar va sammaan[4] praapt ho chuke hain, jinka vivran is prakaar hai:

film fair puraskaar

neeraj ji ko film jagat mein sarvashreshth geet lekhan ke liye unnees sau sattar ke dashak mein lagaataar teen baar yeh puraskaar diya gaya. unke dvaara likhe gaye purarakrut geet hain-

  • 1970: kaal ka pahiya ghoome re bhaiya! (film: chanda aur bijli)
  • 1971: bas yahi aparaadh main har baar karta hooain (film: pehchaan)
  • 1972: A bhaai! jra dekh ke chalo (film: mera naam jokar)

mantreepad ka vishesh darja

uttar pradesh ki vartamaan sarkaar ne abhi haal sitmbar mein hi neerajaji ko bhaasha sansthaan ka adhyaksh naamit kar cabinet mantri[6] ka darja diya hai.

sandarbh

  1. hamaare lokapriya geetkaar gopaaladaas neeraj sampaadak:sherajang garg 2006 prushth 131 vaani prakaashan dariya ganj nai Delhi 110002 ISBN 81-7055-904-0
  2. hamaare lokapriya geetkaar gopaaladaas neeraj sampaadak:sherajang garg 2006 prushth 6 vaani prakaashan dariya ganj nai Delhi 110002 ISBN 81-7055-904-0
  3. dau॰ giriraajasharan Agrawal evam dau॰ meena Agrawal hindi saahityakaar sandarbh kosh (doosra bhaag) 2006 prushth 110 hindi saahitya niketan, bijnaur (u0pra0) ISBN 81-85139-29-6
  4. dau॰ giriraajasharan Agrawal evam dau॰ meena Agrawal hindi saahityakaar sandarbh kosh (doosra bhaag) 2006 prushth 110 hindi saahitya niketan, bijnaur (u0pra0) ISBN 81-85139-29-6
  5. "Padma Vibhushan for Bhagwati, V. Krishnamurthy [bhagavati, vi krushnamoorti ke liye padm vibhooshan]" (angreji mein). the hindu. 27 January 2007. http://www.thehindu.com/todays-paper/padma-vibhushan-for-bhagwati-v-krishnamurthy/article1788256.ece. abhigman tithi: 8 December 2013.
  6. upr mein kavi neeraj samet paanch ko mantri ka darja

baahari kadiyaaain