gopaal Krishna gokhale
gopaal Krishna gokhale (9 May 1866 - February 19, 1916) Bhaarat ek svatantrata senaani, samaajasevi, vichaarak evam sudhaarak the. mahaadev govind raanaade ke shishya gopaal Krishna gokhale ko vitteeya maamalon ki adviteeya samajh aur us par adhikaarapoorvak bahas karne ki kshamata se unhein Bhaarat ka 'gledaston' kaha jaata hai. ve bhaarateeya raashtreeya Congress mein sabse prasiddh naramapanthi the. charitra nirmaan ki aavashyakta se poornat: sahamat hokar unhonne 1905 mein sarvents of India society ki sthaapana ki taaki naujavaanon ko saarvajanik jeevan ke liye prashikshit kiya ja sake. unka maanana tha ki vaigyaanik aur takaneeki shiksha Bhaarat ki mahatvapoorn aavashyakta hai. sv-sarkaar vyakti ki ausat chaaritrik drudhta aur vyaktiyon ki kshamata par nirbhar karti hai. mahaatma Gandhi unhein apna raajaneetik guru maanate the.
parichay
gopaalakrushn gokhale ka janm rataaaanaagiri kotaluk gram mein ek saamaanya parivaar mein krushnaraav ke ghar 9 May 1866 ko hua. pita ke asaamayik nidhan ne gopaalakrushn ko bachapan se hi sahishnu aur karmath bana diya tha. desh ki paraadheenata gopaalakrushn ko kachotati rahati. raashtrabhakti ki ajastr dhaara ka pravaah unke antarman mein sadaiv bahata rahata. isi kaaran ve sachchi lagan, nishtha aur kartavyaparaayanata ki tridhaara ke vasheebhoot hokar kaarya karte aur desh ki paraadheenata se mukti ke prayatn mein lage rahate. new english school Pune mein adhyaapan karte hue gokhale ji baalagangaadhar tilk ke sampark mein aae.
1886 mein vah fargyoosan kaalej mein angreji ke praadhyaapak ke roop mein Deccan education society mein sammilit hue. vah shri M.ji. raanaade ke prabhaav mein aae. saarvajanik sabha poona ke sachiv bane. 1890 mein Congress mein upasthit hue. 1896 mein velbi commission ke samajnyaa gavaahi dene ke liye vah inglaind gaye. vah 1899 mein Mumbai vidhaan sabha ke liye aur 1902 mein impeeriyl vidhaan parishad ke nirvaachit kiye gaye. vah Africa gaye aur vahaan Gandhi ji se mile. unhonne dakshin Africa ki bhaarateeya samasya mein vishesh dilchaspi li. apne charitra ki saralata, bauddhik kshamata aur desh ke prati deerghakaaleen svaarthaheen seva ke liye unhein sada sada smaran kiya jaaega. vah Bhaarat lok seva samaaj ke sansthaapak aur adhyaksh the. udaaravaadi vichaaradhaara ke vah agrani pravakta the. 1915 mein unka svargavaas ho gaya.
Africa se lautane par mahaatma Gandhi bhi sakriya raajaneeti mein aa gaye aur gopaalakrushn gokhale ke nirdeshan mein 'sarvets of India society' ki sthaapana ki, jismein sammilit hokar log desh-seva kar sakein, par is society ki sadasyata ke liye gokhale ji ek-ek sadasya ki kadi pareeksha lekar sadasyata pradaan karte the. isi sadasyata se sambandhit ek ghatna hai - Mumbai myunispailiti mein ek engineer the amrut laal vi. thakkar. ve chaahate the ki gokhale ji ki society mein sammilit hokar raashtra-seva se urin ho sakein. unhonne swayam gokhale ji se na milkar Dave ji se praarthana-patra society mein sammilit hone ke liye likhvaaya. amrutalaal ji chaahate the ki gokhale ji society mein sammilit karne ki sveekruti dein to Mumbai myunispailiti se isteefa de diya jaae, par gokhale ji ne do ghodon par savaar hona sveekaar na kar spasht kaha ki yadi society ki sadasyata chaahiye to pehle Mumbai myunispailiti se isteefa dein. gokhale ki spasht aur drudh bhaavana ke aage engineer amrutalaal vi. thakkar ko tyaag-patra dene ke uparaant hi society ki sadasyata pradaan ki gayi. yahi engineer mahodaya gokhale ji ki drudh neeti-nirdhaaran ke kaaran raashtreeya bhaavanaaon se ot-prot seva-kshetr mein Bhaarat vishrut 'thakkar baapa' ke naam se jaane jaate hai.
gokhale ji 1905 mein aajaadi ke paksh mein angrejon ke samaksh laala laajapataraaya ke saath England gaye aur atyant prabhaavi dhang se desh ki svatantrata ki vahaan baat rakhi. 19 fravari 1915 ko gopaalakrushn gokhale is sansaar se sada-sada ke liye vida ho gaye.