golakonda

Portrait of Abu'l Hasan, the Last Sultan of Golconda

golakunda ya golakonda dakshini Bhaarat mein, Hyderabad nagar se paaainch meal pashchim sthit ek durg tatha dhvast nagar hai. poorvakaal mein yeh kutabashaahi raajya mein milnevaale heere-javaaharaaton ke liye prasiddh tha.

is durg ka nirmaan Warangal ke raaja ne 14veen shataabdi mein karaaya tha. baad mein yeh bahamani raajaaon ke haath mein chala gaya aur muhammadanagar kahalaane laga. 1512 E. mein yeh kutabashaahi raajaaon ke adhikaar mein aaya aur vartamaan Hyderabad ke shilaanyaas ke samay tak unki rajdhani raha. fir 1687 E. mein ise aurangajeb ne jeet liya. yeh grainaait ki ek pahaadi par bana hai jismein kul aath darvaaje hain aur patthar ki teen meal lambi majaboot deevaar se ghira hai. yahaaain ke mahalon tatha masjidon ke khandahar apne praacheen gaurav garima ki kahaani sunaate hain. moosi nadi durg ke dakshin mein bahti hai. durg se lagbhag aadha meal uttar kutabashaahi raajaaon ke grainaait patthar ke makabare hain jo tooti footi avastha mein ab bhi vidyamaan hain.