glookoj

glookoj (Glucose) ya draaksh sharkara (draakshadhu) sabse saral carbohydrate hai. yeh jal mein ghulanasheel hota hai tatha iska raasaayanik sootr C6H12O6 hai. yeh svaad mein meetha hota hai tatha sajeevon ki koshikaaon ke liye urja ka sarv pramukh srot hai. yeh paudhon ke falon jaise kaajoo, angoor va anya falon mein, jadon jaise chukundar ki jadon mein, tanon mein jaise ikh ke roop mein saamaanya rup se sangrahit bhojya padaarthon ke rup mein paayi jaati hai.

glookoj pramukh aahaar aushadh hai. isse deh mein ushnata aur shakti utpann hoti hai. mithaaiyon aur suraaon ke nirmaan mein bhi yeh vyavahrut hota hai. glaaikojan ke roop mein yeh yakrut aur peshiyon mein sanchit rahata hai. iska anusootr (C6 H12 O6) aur aakrutisootr hai:

(CH2 OH. CHOH. CHOH. CHOH. CHOH. CHO)

glookoj (Glucose) ko draaksha, sharkara aur deksatroj bhi kehte hain. yeh angoor aur anjeer sadrush meethe falon, kuchh vanaspatiyon aur madhu mein paaya jaata hai. alp maatra mein yeh rakt aur mootr (visheshat: madhumeh-rogi ke mootr) sadrush jaantav utpaadon, laseeka (lymph) aur pramastishk merutaral (cerebrospinal fluid) mein bhi paaya jaata hai. staarch, seluloj, selobaayos aur maaltoj sadrush carbohydrate glookoj se hi bane hain. cheeni aur dugdhasharkara jaisi kuchh sharkaraaon mein anya sharkaraaon ke saath yeh sanyukt paaya jaata hai. praakrutik glookosaaidon ka yeh aavashyak avayav hai.

tanu salafyoorik aml dvaara staarch ke jalavishleshan se badi maatra mein glookoj taiyaar kiya jaata hai. alp maatra mein prayogashaalaaon mein cheeni se yeh taiyaar ho sakta hai. krutrim reeti se bhi iska sanshleshan hua hai.

gunadharm

glookoj ailfa aur beeta roopon mein paaya jaata hai. saamaanya glookoj aml dasha mein 146.5 degree sein. par aur jalayojit roop mein 86 degree sein. par pighlata hai. yeh dakshinvarti hota hai. turant ke taiyaar vilyan ka vishisht ghoornan (a) k u a 109.6 degree het hai, par dheere-dheere ghoornan kam hokar a 52.5 par sthaayi ho jaata hai. ailfa-glookoj ka vishisht ghoornan a 109.6 degree aur beeta ka a 17.5 degree hai. saamaanya taap par aiseetik aml ke manibheekaran se ailfa roop aur piridin ke viliyn ke manibheekaran se beeta roop praapt hota hai. vaamavarti glookoj bhi praapt hua hai. yeest se glookoj ka kinvan saralata se hota hai.