global pojeeshaning pranaali

ji.pi.S. khand dviteeya-ef upagrah ki kaksha mein sthiti ka chitran
ji.pi.S upagrah samudaaya ka pruthvi ki kaksha mein ghoornan karte hue ek chalit aarekh. dekhein, pruthvi ki satah par kisi ek bindu se dikhaai dene vaale upagrahon ki sankhya kaise samay ke saath badalti rahati hai. yahaan yeh 45°aau. par hai.

global paujishning pranaali (angreji:global pojeeshaning system), ek vaishvik nauvahan upagrah pranaali hoti hai. iska vikaas sanyukt raajya America ke raksha vibhaag ne kiya hai. 27 April, 1995 se is pranaali ne poori tarah se kaam karna shuroo kar diya tha. vartamaan samay mein ji.pi.S ka prayog bade paimaane par hone laga hai.[1] is pranaali ke pramukh prayog naksha banaane, jameen ka sarvekshan karne, vaanijyik kaarya, vaigyaanik prayog, sarvilains aur treking karne tatha jiyokaiching ke liye bhi hote hain. pehle pahal upagrah nauvahan pranaali traanjit ka prayog ameriki nausena ne 1960 mein kiya tha. aaranbhik charan mein jeepeees pranaali ka prayog sena ke liye kiya jaata tha, lekin baad mein iska prayog naagrik kaaryo mein bhi hone laga.

jeepeees riseevar apni sthiti ka aakalan, pruthvi se oopar sthit kiye gaye jeepeees upagrahon ke samooh dvaara bheje jaane vaale sanketon ke aadhaar par karta hai. pratyek upagrah lagaataar sandesh roopi sanket prasaarit karta rahata hai. riseevar pratyek sandesh ka traanjit samay bhi darj karta hai aur pratyek upagrah se doori ki ganana karta hai. shodh aur adhyayan uparaant gyaat hua hai ki riseevar behtar ganana ke liye chaar upagrahon ka prayog karta hai. isse upayokta ki triaayaami sthiti (akshaansh, deshaantar rekha aur unnataansh) ke baare mein pata chal jaata hai.[1] ek baar jeepeees pranaali dvaara sthiti ka gyaat hone ke baad, jeepeees upakaran dvaara doosari jaanakaariyaan jaise ki gati, trek, trip, doori, jagah se doori, vahaan ke sooryaast aur sooryodaya ke samay ke baare mein bhi jaankaari ekatr kar leta hai. vartamaan mein jeepeees teen pramukh kshetron se milkar bana hua hai, space segameint, control segameint aur user segameint.

anukram

Bhaarat mein

Bhaarat mein bhi is pranaali ke prayog badhte ja rahe hain. dakshin railway global pojeeshaning system par aadhaarit yaatri soochana pranaali waali iemayoo aarambh kar raha hai. aisi pehli iemayoo (bi-26) train taambaram station se chennai beech ke madhya chalegi. is iemayoo mein atyaadhunik global pojeeshaning system aadhaarit yaatri soochana pranaali hogi jismein aane waali train ka naam, us station par pahunchane ka anumaanit samay, janahit se jude sandesh tatha yaatri suraksha se sandesh pradarshit kiye jaaenge. pratyek coach mein do pradarshak patal hain, jo vistrut drushya kon prakaar ke hain, va inmein uchch gunavatta prakaash nikaalne vaale daayod hain, jisse ki coach ke andar kaheen bhi baithe ya khade yaatri prasaarit kiye ja rahe sandesh ko aasaani se padh sakeinge.[2] iske alaava taiksiyon mein, khaaskar radio taxi seva mein iska upayog badh raha hai.[3] Delhi mein Delhi parivhan nigam ki lo-flor bason ke nae bede jude hain inki traiking hetu yahaan bhi jeepeees suvidha ka prayog aarambh ho raha hai.[4]

bhaarateeya antariksh anusandhaan sangathan, Ahmedabad ke antariksh anuprayog prayogashaala ne distres alaarm traansameetar (deeeti) naam ka ek chhota yantr viksit kiya hai. yeh yantr global pojeeshaning system par aadhaarit chetaavani pranaali hai aur baitari-chaalit is yantr ka yoonik aaidi number hota hai jo chaubees ghante har paanch minute ke antaraal par chetaavani bhejata rahata hai. iske dvaara bachaav dal computer screen par samudra mein naav ki sthiti ko jaan sakte hain. ise tatarakshaakon dvaara tateeya kshetron mein prayog kiya ja raha hai.[5]

chitr deergha

  • jeepeees khand-2 upagrah ka kaksha mein chitrakaar dvaara chitran

  • naagrik jeepeees riseevar, maireen anuprayogon mein

  • otomotiv nevigeshan system, ek taxi cab mein

  • bahut se mobile fonon mein jeepeees riseevar lage rahate hain

sandarbh

  1. ↑ a aa jeepeees. Hindustan live. 15 December 2009
  2. ↑ iemayoo mein jeepeees aadhaarit yaatri soochana pranaali. patrika.
  3. ↑ taxi mein madadgaar mobile. web duniya. 28 November 2007
  4. ↑ DTC ke bede mein sau nai basein shaamil. 24 November 2009
  5. ↑ taala ja sakta tha Mumbai par hamla!. 1 January 2010

baahari kadiyaaain

vikimeediya kaumans par global pojeeshaning pranaali se sambandhit media hai.
  • Follow Us:
  • Get daily news by email:

  • Delivered by FeedBurner