gilli danda

gilli danda

gilli danda poore Bhaarat mein kaafi prasiddh khel hai. ise saamaanyat: ek belanaakaar lakdi se khela jaata hai jiski lanbaai besabaul ya cricket ke balle ke baraabar hoti hai. isi ki tarah ki chhoti belanaakaar lakdi ko gilli kehte hain jo kinaaron se thodi nukeeli ya ghisi hui hoti hai.

khel ka uddeshya dande se gilli ko maarana hai. gilli ko jameen par rakhakar dande se kinaaron par maarate hain jisse gilli hava mein uchhalati hai. gilli ko hava mein hi jameen par girne se pehle fir dande se maarate hain. jo khilaadi sabse jyaada door tak gilli ko pahuainchaata hai vah vijayi hota hai.[1]

is khel ke liye kam se kam do khilaadiyo ki aavashyakta hoti hai. khel praarambh karne ke liye pehle. jameen par ek chhota sa lamba gaddha karte hai. fir us par gilli rakh kar dande se uchhaalate hai. yadi saamane khada khilaadi gilli ko hava me hi pakad leta hai to khilaadi haar jaata hai kintu yadi aisa nahi hota to saamane khada khilaadi gilli ko dande par maarta hai jo ki jameen ke gaddhe par rakha hota hai, yadi gilli dande par lag jaati hai to khilaadi haar jaata hai anyatha pehla khilaadi fir gilli ko dande se uske kinaare par maarta hai jisse gilli hava me uchhalati hai, ise fir dande se maarate hai aur gilli ko door fekane ko prayaas karte hai. yadi gilli ko hava me lapak liya jaaye to khilaadi haar jaata hai, anyatha dusara khilaadi gilli ko vahi se dande par maarta hai, dande par lagne ki sthiti me doosare ki baari aati hai. yadi gilli ko maarate samay danda jameen se chhoo jaata hai to khilaadi ko gilli ko S prakaar maarana hota hai ki usaka dande wala haath uske ek pair ke neeche rahe. ise huchchako kehte hai. gilli ko kinaare se maarane ka pratyek khilaadi ko teen baar mauka milta hai. is khel me adhiktam khilaadiyo ki sankhya nirdhaarit nahi hoti hai.

saavadhaani

is khel mein aaainkh mein chot lagne ki sambhaavana rahati hai. at: yeh khel bahut hi saavadhaaneepoorvak khelna chaahiye.

sandarbh