gilgit-baltistaan

gilgit-baltistaan گaaلaaگaaت - بaaلaaتaaسaaتaaاaaن
— prashaasanik ikaai —
Flag Seal
nakshe mein gilgit-baltistaan (laal) ki sthiti
nirdeshaank : 35°a21′aN 75°a54′aE / 35.35°aN 75.9°aE / 35.35; 75.9nirdeshaank: 35°a21′aN 75°a54′aE / 35.35°aN 75.9°aE / 35.35; 75.9
desh	Pakistan
sthaapit	1 July 1970
rajdhani	gilgit
sabse bada shahar	gilgit
shaasan
• pranaali	svaayattashaasi kshetr
• sabha	vidhaanasabha
• raajyapaal	shama khaalid[1]
• mukhyamantri	saiyyad mahadi shaah[2]
kshetr
• kul	72,971
janasankhya (2008; (anumaanit))
• kul	1
samay mandal	PKT (UTC +5)
pramukh bhaashaaeain	urdu (raashtreeya) sheena burushaski balati tibbati vaakhi khovaar
vidhaanasabha mein seatein	33[3]
jile	7
shahar	7
sangheeya parishdein
jaalasthal	gilgitbaltistan.gov.pk

gilgit-baltistaan (urdoo: گaaلaaگaaت بaaلaaتaaسaaتaaاaaن), Pak-adhikrut Kashmir ke bheetar ek svaayattashaasi kshetr hai jise pehle uttari kshetr ya shumaali ilaake (شaaمaaاaaلaaی عaaلaaاaaقaaہ جaaاaaت, shumaali ilaakaajaat) ke naam se jaana jaata tha. yeh Pakistan ki uttaratam raajanaitik ikaai hai. iski seemaayein pashchim mein Khyber-pakhtoonakhva se, uttar mein afgaanistaan ke vaakhaan galiyaare se, uttarapoorv mein cheen ke shinjiyaang praant se, dakshin mein aajaad Kashmir aur dakshinpoorv mein bhaarateeya Jammu va Kashmir raajya se lagti hain. gilgit-baltistaan ka kul kshetrafal 72,971 varg kimi (28,174 meela²) aur anumaanit janasankhya lagbhag das lakh hai. iska prashaasanik kendra gilgit shahar hai, jiski janasankhya lagbhag 2,50,000 hai.

1970 mein "uttari kshetra” naamak yeh prashaasanik ikaai, gilgit agency, laddaakh vajaarat ka baltistaan jila, hunja aur nagar naamak raajyon ke vilay ke pashchaat astitv mein I thi. Pakistan is kshetr ko vivaadit Kashmir ke kshetr se pruthak kshetr maanata hai jabki Bhaarat aur Europeeya sangh ke anusaar yeh Kashmir ke vruhat vivaadit kshetr ka hi hissa hai. Kashmir ka yeh vruhat kshetr san 1947 ke baad se hi Bhaarat aur Pakistan ke beech vivaad ka vishay hai.

kaaraakoram raajamaarg

kaaraakoram raajamaarg ke saath saath hunja aur shatiyaal ke beech lagbhag das mukhya sthaanon par pattharon ke kaat kar aur chattaanon ko taraash kar banaaye gaye lagbhag 20000 kala ke namoone milte hain. inko mukhyat is vyaapaar maarg ka prayog karne vaale hamlaavaron, vyaapaariyon aur teerthayaatriyon ke saath saath sthaaneeya logon ne bhi ukera hai. in kala ke namoonon mein sabse puraane to 5000 aur 1000 isaapoorv ke beech ke hain. inmein akele jaanvaron, trikoneeya purushon aur shikaar ke drushyon ko jinmein jaanvaron ka aakaar amooman shikaari se bada hai, ko ukera gaya hai. puraatatvavid kaarl jetamar ne in kala ke namoonon ke maadhyam se is poore ilaake ke itihaas ko apni pustak rock kaarving end inskripshan in the naurdan eriyaas of Pakistan mein darj kiya hai. iske baad unhone apni ek doosari pustak bitveen gandhaara end the silk root–rauk kaarving along the kaaraakoram highway ko jaari kiya.

Pakistan ki svatantrata aur 1947 mein Bhaarat ke vibhaajan se pehle, mahaaraaja hari Singh ne apna raajya gilgit aur baltistaan tak badhaaya tha. vibhaajan ke baad, sampoorn Jammu aur Kashmir, ek svatantr raashtra bana raha. 1947 ke Bhaarat Pakistan yuddh ke ant mein sangharsh viraam rekha (jise ab niyantran rekha kehte hain) ke uttar aur pashchim ke Kashmir ke bhaagon ko ke uttari bhaag ko uttari kshetr (72,971 kimee²) aur dakshini bhaag ko aajaad Kashmir (13,297 kimee²) ke roop mein vibhaajit kiya gaya. uttari kshetr naam ka prayog sabse pehle sanyukt raashtra ne Kashmir ke uttari bhaag ki vyaakhya ke liye kiya. 1963 mein uttari kshetron ka ek chhota hissa jise shaksgam ghaati kehte hain, Pakistan dvaara anantim roop se janavaadi cheen ganaraajya ko saunp diya gaya.

vartamaan mein gilgit-baltistaan, saat jilon mein banta hain, iski janasankhya lagbhag das lakh aur kshetrafal 28,000 varg meal hai. iski seemaayein Pakistan, cheen, Afghanistan aur Bhaarat se milti hain. is dooradaraaj ke kshetr ke logon ko Jammu aur Kashmir ke poorv raajasi raajya ke Dogra shaasan se 1 November 1947 ko bina kisi bhi baahari sahaayata ke mukti mili aur ve ek chhote se samayaantaraal ke liye ek svatantr raashtra ke naagrik ban gaye. is nae raashtra ne swayam ke ek aavashyak prashaasanik dhaanche ke aabhaav ke falasvaroop Pakistan ki sarkaar se apni sarkaar ke maamalon ke sanchaalan ke liye sahaayata maangi. Pakistan ki sarkaar ne unke is anurodh ko sveekaarate hue uttarapashchim seemaant praant se sardaar muhammad aalam Khan jo ki ek atirikt sahaayak aayukt the, ko gilgit bheja. iske pehle niyukt raajaneetik agent ke roop mein, sardaar muhammad aalam Khan ne is kshetr ka niyantran apne haath mein le liya.

sthaaneeya, uttari laait infaintri, sena ki ikaai hai aur maana jaata hai ki 1999 ke Kargil yuddh ke dauraan isne Pakistan ki sahaayata ki aur sambhavat: Pakistan ki or se yuddh mein bhaag bhi liya. Kargil yuddh mein iske 500 se adhik sainik maare gaye, jinhein uttari kshetron mein dafan kar diya gaya. lalak jaan, jo yaaseen ghaati ka ek shiya imaami ismaaili muslim (nijaari) sainik tha, ko Kargil yuddh ke dauraan uske saahasi kaaryon ke liye Pakistan ke sabse pratishthit padak nishaan-A-haidar se sammaanit kiya gaya.

svaayatt sthiti aur vartamaan gilgit-baltistaan

29 August 2009 ko gilgit-baltistaan adhikaarita aur sv-prashaasan aadesh 2009, Pakistani mantrimandal dvaara paarit kiya gaya tha aur fir is par Pakistan ke raashtrapati dvaara hastaakshar kiye gaye. yeh aadesh gilgit-baltistaan ke logon ko ek lokataantrik dhang se chuni gayi vidhaanasabha ke maadhyam se svashaasan ki aajnyaa deta hai. Pakistani sarkaar ke is kadam ki Pakistan, Bhaarat ke alaava gilgit-baltistaan mein bhi aalochna ki gayi hai saath hi poore ilaake mein iska virodh bhi kiya gaya hai.

gilgit-baltistaan sanyukt-aandolan ne is aadesh ko khaarij karte hue nae package ki maang ki hai, jiske anusaar gilgit-baltistaan ki ek svatantr aur svaayatt vidhaan sabha, Bhaarat Pakistan hetu sanyukt raashtra aayog (UNCIP)-prastaav ke anusaar sthaapit ek aadhikaarik sthaaneeya sarkaar ke saath banaai jaani chaahiye, jahaan gilgit-baltistaan ke log apna raashtrapati aur pradhaanamantri khud chuneinge.

sitmbar 2009 ki shuruaat mein, Pakistan ne cheen ke saath ek samjhaute par hastaakshar kiye hain aur iske anusaar cheen gilgit-baltistaan mein ek badi oorja pariyojana lagaaega jiske antargat astor jile mein bunji par 7,000 megawatt ke baandh ka nirmaan kiya jaayega. is pariyojana ka Bhaarat ne virodh kiya hai par Pakistan ne is virodh ko yeh kah kar khaarij kar diya ki, Bhaarat sarkaar ke virodh ka koi vaidhaanik aadhaar naheen hai.

gilgit-baltistaan ka maanachitr iske puraane chhah jile aur tahaseelon ki seemaayein darshaate huye. haal hi mein banaaye gaye naye jile hunja-nagar aur ab pehle se chhote ho gaye gilgit jile ke beech ki seema vahi hai jo pehle gilgit tahaseel ki thi. hunja-nagar jile ka prashaasanik kendra sikndaraabaad is maanachitr mein naheen dikhaaya gaya hai.

gilgit-baltistaan ko prashaasanik roop se do diveejanon aur in diveejanon ko saat jilon mein vibhaajit kiya gaya hai.^[4] in saat jilon me se do jile baltistaan aur paanch jile gilgit diveejan mein aate hai. raajaneeti ke mukhya kendra gilgit aur skardoo hain.

1. ↑ "Pakistan | Kaira takes oath as acting governor". Dawn.Com. 2009-09-15. http://www.dawn.com/wps/wcm/connect/dawn-content-library/dawn/news/pakistan/13+kaira+takes+oath+as+acting+governor-za-06. abhigman tithi: 2010-06-05.
2. ↑ "Associated Press Of Pakistan (Pakistan's Premier NEWS Agency) - Public service policy to be pursued in Gilgit-Baltistan: PM". Ftp.app.com.pk. http://ftp.app.com.pk/en_/index.php?option=com_content&task=view&id=92218&Itemid=1. abhigman tithi: 2010-06-05.
3. ↑ Legislative Assembly will have directly elected 24 members, besides six women and three technocrats. "Gilgit Baltistan: New Pakistani Package or Governor Rule" 3 September 2009, The Unrepresented Nations and Peoples Organization (UNPO)
4. ↑ "Wrangling over new Astore district headquarters". Dawn Newspaper Internet Edition. http://www.dawn.com/2005/08/01/nat13.htm. abhigman tithi: 2006-11-17.