ghrushneshvar mandir

ghrushneshvar mandir
{{{varnan}}}

naam: ghrushneshvar / ghushmeshvar
nirmaata: maaloji raaje bhonsale, shivaaji ke pitaamah
jeernoddhaarak: ahilyaabaai holkar
nirmaan kaal :
devata: Shiv
vaastukala:
sthaan: Maharashtra mein Aurangabad ke nikat daulataabaad

Maharashtra mein Aurangabad ke najadeek daulataabaad se 11 kilometer door ghrush‍aanesh‍aavar mahaadev ka mandir sthit hai. yeh baarah jyotirlingon mein se ek hai. kuchh log ise ghushmeshvar ke naam se bhi pukaarate hain. bauddh bhikshuon dvaara nirmit elora ki prasiddh gufaaeain is mandir ke sameep hi sthit hain. is mandir ka nirmaan devi ahilyaabaai holkar ne karavaaya tha. shahar se door sthit yeh mandir saadagi se paripoorn hai. dvaadash jyotirlingon mein yeh antim jyotirling hai. ise ghushmeshvar, ghusruneshvar ya ghrushneshvar bhi kaha jaata hai. yeh Maharashtra pradesh mein daulataabaad se baarah meer door verulagaaainv ke paas sthit hai.


anukram

katha

dakshin desh ke devagiri parvat ke nikat sukarma naamak braahman apni pati paraayan patni sudesh ke saath rahata tha. ve donon Shiv bhakt the kintu santaan na hone se chintit rahate the. patni ke aagrah par uske patni ki bahan ghusma ke saath vivha kiya jo param Shiv bhakt thi. Shiv krupa se use ek putr dhan ki praapti hui. isse sudesh kaar ishya hone lagi aur usane avsar pa kar saut ke bete ki hatya kar di. Bhagwan shivji ki krupa se baalak ji utha tatha ghusma ki praarthana par vahaan shivji sadaiv vaas karne ka varadaan diya aur vahaan par vaas karne lage aur ghushmeshvar ke naam se prasidhd huen us taalaab ka naam bhi tabase shivaalaya ho gaya.

pauraanik katha

is jyotirling ke vishay mein puraanon mein yeh katha varnit hai- dakshin desh mein devagiriprvat ke nikat sudharma naamak ek atyant tejasvi taponisht braahman rahata tha. usaki patni ka naam sudeha tha donon mein paraspar bahut prem tha. kisi prakaar ka koi kasht unhein naheen tha. lekin unhein koi santaan naheen thi.

jyotish-ganana se pata chala ki sudeha ke garbh se santaanotpatti ho hi naheen sakti. sudeha santaan ki bahut hi ichhuk thi. usane sudharma se apni chhoti bahan se doosra vivaah karne ka aagrah kiya.

pehle to sudharma ko yeh baat naheen jainchi. lekin ant mein unhein patni ki jid ke aage jhukna hi pada. ve usaka aagrah taal naheen paae. ve apni patni ki chhoti bahan ghushma ko byaah kar ghar le aae. ghushma atyant vineet aur sadaachaarini stri thi. vah bhagavaan‌ Shiv ki ananya bhakta thi. pratidin ek sau ek paarthiv shivling banaakar hrudaya ki sachchi nishtha ke saath unka poojan karti thi.

Bhagwan shivji ki krupa se thode hi din baad uske garbh se atyant sundar aur svasth baalak ne janm liya. bachche ke janm se sudeha aur ghushma donon ke hi aanand ka paar na raha. donon ke din bade aaraam se beet rahe the. lekin na jaane kaise thode hi dinon baad sudeha ke man mein ek kuvichaar ne janm le liya. vah sochane lagi, mera to is ghar mein kuchh hai naheen. sab kuchh ghushma ka hai. ab tak sudharma ke man ka kuvichaar roopi ankur ek vishaal vruksh ka roop le chuka tha. antat: ek din usane ghushma ke yuva putr ko raat mein sote samay maar daala. uske shav ko le jaakar usane usi taalaab mein feink diya jismein ghushma pratidin paarthiv shivlingon ko feinka karti thi


mere pati par bhi usane adhikaar jama liya. santaan bhi usi ki hai. yeh kuvichaar dheere-dheere uske man mein badhne laga. idhar ghushma ka vah baalak bhi bada ho raha tha. dheere-dheere vah javaan ho gaya. usaka vivaah bhi ho gaya. subah hote hi sabko is baat ka pata laga. poore ghar mein kuharaam mach gaya. sudharma aur usaki putravadhoo donon sir peetakar foot-footakar rone lage. lekin ghushma nitya ki bhaaainti bhagavaan‌ Shiv ki aaraadhana mein talleen rahi. jaise kuchh hua hi na ho. pooja samaapt karne ke baad vah paarthiv shivlingon ko taalaab mein chhodne ke liye chal padi. jab vah taalaab se lautane lagi usi samay usaka pyaara laal taalaab ke bheetar se nikalkar aata hua dikhlaai pada. vah sada ki bhaaainti aakar ghushma ke charanon par gir pada.

jaise kaheen aas-paas se hi ghoomkar aa raha ho. isi samay bhagavaan‌ Shiv bhi vahaaain prakat hokar ghushma se var maaaingane ko kehne lage. vah sudeha ki ghanauni kartoot se atyant kruddh ho uthe the. apne trishool dvaara usaka gala kaatne ko udyat dikhlaai de rahe the. ghushma ne haath jodkar bhagavaan‌ Shiv se kaha- 'prabho! yadi aap mujh par prasann hain to meri us abhaagin bahan ko kshama kar dein. nishchit hi usane atyant jaghanya paap kiya hai kintu aapki daya se mujhe mera putr vaapas mil gaya. ab aap use kshama karein aur prabho!

meri ek praarthana aur hai, lok-kalyaan ke liye aap is sthaan par sarvada ke liye nivaas karein.' bhagavaan‌ Shiv ne usaki ye donon baatein sveekaar kar leen. jyotirling ke roop mein prakat hokar vah vaheen nivaas karne lage. sati shivbhakt ghushma ke aaraadhya hone ke kaaran ve yahaaain ghushmeshvar mahaadev ke naam se vikhyaat hue. ghushmeshvar-jyotirling ki mahima puraanon mein bahut vistaar se varnit ki gayi hai. inka darshan lok-paralok donon ke liye amogh faladaai hai.

sandarbh


baahari kadiyaaain