ghi

ghi

ghi (sanskrut : ghrutam), ek vishesh prakaar ka makhkhan (batar) hai jo bhaarateeya upamahaadveep mein praacheen kaal se bhojan ke ek avayav ke roop mein prayukt hota raha hai. bhaarateeya bhojan mein khaadya tel ke sthaan par bhi prayukt hota hai. yeh doodh ke makkhan se banaaya jaata hai. dakshin Asia evam madhya poorv ke bhojan mein yeh ek mahatvapoorn avayav hai.

anukram

parichay

ghi vasa padaarth hai, jo gaaya, bhains aadi ke doodh se banaaya jaata hai. bakari aur bhed ke doodh se bhi ghi banaaya ja sakta hai, par aisa doodh kam milta hai. is kaaran isse ghi naheen banaaya jaata. doodh se pehle makkhan aur fir makkhan se ghi banaaya jaata hai. ghi banaane ki deshi reeti doodh ka dahi jamaakar, usaki malaai ko mathakar ghi nikaalne ki hai. Bhaarat, anya aishiyaai deshon tatha misr mein keval do prati shat makkhan makkhan ke roop mein vyavahrut hota hai. shesh 68 pratishat makkhan se ghi banaaya jaata hai.

ghi ka upayog Bhaarat mein vaidik kaal ke poorv se hota aa raha hai. pooja paath me ghi ka upayog anivaarya hai. anek oshadhiyon ke nirmaan mein ghi kaam aata hai. ghi, visheshat: puraana ghi, yahaaain ayurvedik chikitsa mein dava ke roop mein bhi vyavahrut hota hai. makkhan aur ghi maanav aahaar ke atyaavashyak ang hain. inse aahaar mein paushtikta aur garishthata aati hai or bhaar ki drushti se sarvaadhik oorja utpann hoti hai.

sansaar ke praaya: sabhi deshon mein makkhan aur ghi utpann hote aur vyavahaar mein aate hain. desh ki samruddhi vastut: makkhan aur ghi ki khapat se aaainki jaati hai. aajkal aisa kaha jaane laga hai ki makkhan aur ghi ke atyadhik upayog se hrudaya ke rog hote hain. aise kathan ka pramaan yeh diya jaata hai ki jis desh mein makkhan aur ghi ka adhik upayog hota hai, vaheen ke log hrudayarog se adhik sankhya mein aakraant hote paaai gaye hain.

makkhan bahut dinon tak naheen tikta. usaka kinvan hokar vah pootigandhi ho jaata hai; par ghi yadi poornataya sookha hai to bahut dinon tak tikta hai. ghi ke svaad aur gandh graahya hote hain. yeh jald pachata bhi hai. ghi mein vitaamin "A', vitaamin "di' aur vitaamin "E' rahate hain. vitaaminon ki maatra sab rituon mein ek si naheen rahati. jab pashuon ko hari ghaas adhik milti hai tab, arthaat‌ barasaat aur jaade ke ghi, mein, vitaamin ki maatra badh jaati hai.

ghi ke vishesh prakaar ki gandh hoti hai, jo doodh mein naheen hoti. yeh gandh kinvan aur aakseekaran ke karan 'daaiaiseetil' naamak kaarbaanik yaugik banane ke kaaran utpann hoti hai.

ghi ke saghantak aml (bhaar pratishat)

amlon ke naam gaaya bhains
byootirik 2.6-4.4 4.1-4.3
kaiprauik 1.4-2.2 1.3-1.4
kaiprilik 0.8-2.4 0.4-0.9
kaiprik 1.8-3.8 1.7
laurik 2.2-4.3 2.8-3.0
miristik 5.8-12.9 7.3-10.1
paamitik 21.8-31.3 26.1-31.1
steeerik 0.0-1.0 0.9-3.3
oliik 28.6-41.3 33.2-35.8
(aur anya kaa10 se kaa16 tak vaale) 
linolaaik 3.1-5.4 1.5-2.0

inhein bhi dekhein

baahari kadiyaaain