geetaapres

geetaapres, Gorakhpur ka mukhya dwaar

geetaapres ya geeta mudranaalaya, vishv ki sarvaadhik hindu dhaarmik pustakein prakaashit karne waali sanstha hai. yeh poorvi uttar pradesh ke Gorakhpur shahar ke shekhapur ilaake ki ek imaarat mein dhaarmik pustakon ke prakaashan aur mudran ka kaam kar rahi hai. ismein lagbhag 200 karmachaari kaam karte hain. yeh ek vishuddh aadhyaatmik sanstha hai. desh-duniya mein hindi, sanskrut aur anya bhaarateeya bhaashaaon mein prakaashit dhaarmik pustakon, granthon aur patra-patrikaaon ki bikri kar rahi geetaapres ko Bhaarat mein ghar-ghar mein raamacharitmaanas aur bhagavadgeeta ko pahunchaane ka shreya jaata hai. geeta press ki pustakon ki bikri 18 niji thok dukaanon ke alaava hajaaron pustak vikretaaon aur 30 pramukh railway stationon par bane geeta press ke book staulon ke jariye ki jaati hai. geeta press Gorakhpur dvaara kalyaan (hindi maasik) aur kalyaan-kalpataru (english maasik) ka prakaashan bhi hota hai.

anukram

sthaapana evam parichay

geetaapres ki sthaapana san 1923 i0 mein hui thi. iske sansthaapak mahaan geeta-marmajnya shri jayadayaal goyandaka the. is sudeergh antaraalamein yeh sanstha sadbhaavon evam sat-saahitya ka uttarottar prachaar-prasaar karte hue bhagavatkrupa se nirntar pragati ke path par agrasar hai. aaj na keval samooche Bhaarat mein apitu videshon mein bhi yeh apna sthaan banaaye hue hai. geetaapres ne ni:svaarth seva-bhaav, kartavya-bodh, daayitv-nirvaah, prabhunishtha, praanimaatr ke kalyaan ki bhaavana aur aatmoddhaar ki jo seekh di hai, vah sabhi ke liye anukaraneeya aadarsh bana hua hai.

kareeb 90 saal pehle yaani 1923 mein sthaapit geeta press dvaara ab tak 45.45 karod se bhi adhik pratiyon ka prakaashan kiya ja chuka hai. inmein 8.10 karod bhagavadgeeta aur 7.5 karod raamacharit maanas ki pratiyaan hain. geeta press mein prakaashit mahila aur baalopayogi saahitya ki 10.30 karod pratiyon pustakon ki bikri ho chuki hai.

geeta press ne 2008-09 mein 32 karod rupaye moolya ki kitaabon ki bikri ki. yeh aankada isse pichhle saal ki tulana mein 2.5 karod rupaye jyaada hai. beete vitt varsh mein geeta press ne pustakon ki chhapaai ke liye 4,500 tan kaagaj ka istemaal kiya.

geeta press ki lokapriya patrika kalyaan ki har maah 2.30 lakh pratiyaan bikti hain. bikri ke pehle bataae gaye aankadon mein kalyaan ki bikri shaamil naheen hai. geeta press ki pustakon ki maang itni jyaada hai ki yeh prakaashan house maang poori naheen kar pa raha hai. audyogik roop se pichhde¸ poorvi uttar pradesh ke is prakaashan gruh se har saal 1.75 karod se jyaada pustakein desh-videsh mein bikti hain.

geeta peras ke production manager laalamani tivaari kehte hain, ham har roj 50,000 se jyaada kitaabein bechate hain. duniya mein kisi bhi pablishing house ki itni pustakein naheen bikti hain. dhaarmik kitaabon mein aaj ki taareekh mein sabse jyaada maang raamacharit maanas ki hai. Agrawal ne kaha ki hamaare kul kaarobaar mein 35 feesadi yogadaan raamacharit maanas ka hai. iske baad 20 se 25 pratishat ka yogadaan bhagavadgeeta ki bikri ka hai.

geeta press ki pustakon ki lokapriyta ki vajah yeh hai ki hamaari pustakein kaafi sasti hain. saath hi inki priting kaafi saafasuthari hoti hai aur font ka aakaar bhi bada hota hai. geetaapres ka udadeshya munaafa kamaana naheen hai. yeh sadaprachaar ke liye pustakein chhaapate hain. geeta press ki pustakon mein hanumaan chaaleesa, durga chaaleesa aur Shiv chaaleesa ki keemat ek rupaye se shuroo hoti hai.

geeta press ke kul prakaashanon ki sankhya 1,600 hai. inmein se 780 prakaashan hindi aur sanskrut mein hain. shesh prakaashan gujaraati, maraathi, telugu, baangla, udiya, tamil, kannad, angreji aur anya bhaarateeya bhaashaaon mein hain. raamacharit maanas ka prakaashan nepaali bhaasha mein bhi kiya jaata hai.

tamaam prakaashanon ke baavajood geeta press ki maasik patrika kalyaan ki lokapriyta kuchh alag hi hai. maana jaata hai ki raamaayan ke akhand paath ki shuruaat kalyaan ke visheshaank mein iske baare mein chhapane ke baad hi hui thi. kalyaan ki lokapriyta ka andaaja isi se lagaaya ja sakta hai ki shuruaati ank mein iski 1,600 pratiyaan chhaapi gayi theen, jo aaj badhkar 2.30 lakh par pahunch gayi hain. garud, koorm, vaaman aur vishnu aadi puraanon ka pehli baar hindi anuvaad kalyaan mein hi prakaashit hua tha.

geeta press ki kuchh visheshataaen

geetaapres ki kuchh visheshataaeain nimnalikhit hain-[1]

  • geeta press sarkaar ya kisi bhi anya vyakti ya sanstha se kisi tarah ka koi anudaan naheen leta hai.
  • geeta press mein pratidin 50 hajaar se adhik pustakein chhapati hain.
  • 92 varsh ke itihaas mein March, 2014 tak geeta press se 58 karod, 25 lakh pustakein prakaashit ho chuki hain. inmein geeta 11 karod, 42 lakh. raamaayan 9 karod, 22 lakh. puraan, upanishd aadi 2 karod, 27 lakh. baalakon aur mahilaaon se sambandhit pustakein 10 karod, 55 lakh. bhakt charitra aur bhajan sambandhi 12 karod, 44 lakh aur anya 12 karod, 35 lakh.
  • mool geeta tatha usaki teekaaon ki 100 se adhik pustakon ki 11 karod, 50 lakh se bhi adhik pratiyaan prakaashit hui hain. inmein se kai pustakon ke 80-80 sanskaran chhapee hain.
  • yahaan kul 15 bhaashaaon (hindi, sanskrut, angreji, tamil, telugu, kannad, malayalam, gujaraati, maraathi, bangala, udiya, asamiya, gurumukhi, nepaali aur urdoo) mein pustakein prakaashit hoeti hain.
  • yahaan ki pustakein laagat se 40 se 90 pratishat kam daam par bechi jaati hain.
  • poore desh mein 42 railway stationon par staul aur 20 shaakhaaen hain.
  • geeta press apni pustakon mein kisi bhi jeevit vyakti ka chitr naheen chhaapati hai aur na hi koi vigyaapan prakaashit hota hai.
  • geeta press se prakaashit maasik patrika 'kalyaan' ki is samay 2 lakh, 15 hajaar pratiyaan chhapati hain. varsh ka pehla ank kisi vishay ka visheshaank hota hai.
  • geeta press ka sanchaalan Kolkata sthit 'gobind bhavan' karta hai.

sambandhit sansthaaen

geetaapres, govind bhavan kaaryaalaya, Kolkata ka bhaag hai.

anya sambandhit sansthaan hain :

  • geeta bhavan, hrushikesh
  • rishikul-brahmacharya aashram (vaidik vidyaalaya), churoo, Rajasthan
  • aayurved sansthaan, hrushikesh
  • geetaapres seva dal (praakrutik aapadaaon ke samay sahaayata karne ke liye)
  • hast-nirmit vastr vibhaag

inhein bhi dekhein

baahari kadiyaaain