garud

garud

hindu maanyataaon ke anusaar garud pakshiyon ke raaja aur Bhagwan vishnu ke vaahan hain. garud kashyap rishi aur unki doosari patni vinta ki santaan hain.

anukram

garud ki maata ko shaap

daksh prajaapati ki kadroo aur vinta naamak do kanyaaeain theen. un donon ka vivaah kashyap rishi ke saath hua. kashyap rishi se kadroo ne ek hajaar naag putr aur vinta ne keval do tejasvi putr varadaan ke roop mein maaainge. varadaan ke parinaamasvaroop kadroo ne ek hajaar ande aur vinta ne do ande prasav kiye. kadroo ke andon ke footane par use ek hajaar naag putr mil gaye. kintu vinta ke ande us samay tak naheen foote. utaavali hokar vinta ne ek ande ko fod daala. usamein se nikalne vaale bachche ka oopari ang poorn ho chuka tha kintu neeche ke ang naheen ban paaye the. us bachche ne krodhit hokar apni maata ko shaap de diya ki maata! tumane kachche ande ko tod diya hai isaliye tujhe paaainch sau varshon tak apni saut ki daasi bankar rahana hoga. dhyaan rahe doosare ande ko apne se footane dena. us ande se ek atyant tejasvi baalak hoga aur vahi tujhe is shaap se mukti dilaayega. itna kehkar Arun naamak vah baalak aakaash mein ud gaya aur soorya ke rath ka saarathi ban gaya

vinta ka daasi banana

ek din kadroo aur vinta ki drushti samudra manthan se nikle huye uchchai:shrava ghode par padi. kadroo ne kaha ki us ghode ki pooainchh kaali hai jabki vinta ne use safed rang ka bataaya. is par donon mein shart hui ki jiska kathan galat hoga use doosare ki daasi banana hoga. donon shart maankar pooainchh dekhne chaleen. kadroo ne chupachaap apne putron ko us pooainchh se lipt jaane ki aajnyaa di isse pooainchh kaali dikhaai padne lagi. vinta haar maankar kadroo ki daasi ban gayi.

garud ka janm

samay aane par vinta ke doosare ande se mahaatejasvi garud ki utpatti hui. unki shakti aur gati adviteeya thi.

vinta ko daasata se mukti

ek din kadroo ne garud se kaha ki tum meri daasi ke putr ho isaliye tum mere putron ko ghamaane le jaao. garud ko is par bahut krodh aaya kintu unhonne sauteli maata ki aajnyaa maan li. sarpon ko ghumaate huye garud ne unase apni maata ko daasata se mukt kar dene ke liye kaha. is par sarpon ne kaha ki yadi tum ham logon ke liye amrut la doge to ham tumhaari maata ko daasata se mukt kar deinge. garud ne indr sahit sabhi devataaon ko paraast kar amrut ghat unase chheen liya. garud ke paraakram se prabhaavit hokar indr ne garud se mitrata kar li. mitrata ho jaane par indr bole, "mitr! aap is amrut ghat ko mujhe vaapas de deejiye kyonk aap jinke liye ise le ja rahe hain ve svabhaavat: bahut dusht hain." is par garud ne kaha, "mujhe pata hai kintu main apni maata ko daasata se mukti dilaane hetu ise unke paas le ja raha hooain. aap vahaaain se ise vaapas la sakte hain. hathaat unki bheint Narayan (vishnu) se ho gayi. Narayan ne garud se prasann hokar var maaaingane ke liye kaha. is par garud ne sada unki dhvaja mein bane rahane ka var le liya. saath hi ve Narayan ke vaahan bhi ban gaye. iske pashchaat garud amrut ghat ko sarpon ko dekar apni maata vinta ko daasata se mukti dilaai.

amrut ghat ko kushaasan par rakh kar saare sarp pavitra hone ke liye snaan karne chale gaye. isi beech indr chori se us amrut ghat ko utha kar le gaye.

garud ka raamachandr ke prati bhram

raavan ke putr meghanaath ne Ram se yuddh karte huye Ram ko naagapaash se baaaindh diya tha. devarshi naarad ke kehne par garood, jo ki sarpabhakshi the, ne naagapaash ke samast naagon ko khaakar Ram ko naagapaash ke bandhan se chhudaaya. Ram ke is tarah naagapaash mein baindh jaane par Ram ke paramabrahm hone par garud ko sandeh ho gaya. garud ka sandeh door karne ke liye devarshi naarad unhein brahma ke paas bheja. brahma ji ne unase kaha ki tumhaara sandeh Bhagwan shankar door kar sakte hain. Bhagwan shankar ne bhi garud ko unka sandeh mitaane ke liye kaakabhushundi ji ke paas bhej diya. ant mein kaakabhushundi ji Ram ke charitra ki pavitra katha suna kar garud ke sandeh ko door kiya.

yeh bhi dekhe

baahari kadiyaaain

Shailesh Sharma