ganiteeya bhautiki

ganiteeya bhautiki (Mathematical physics) bhautiki ki samasyaaon ke samaadhaan ke liye ganiteeya vidhiyon ke vikaas se sanbandhit hai. 'ganiteeya bhautiki patrika' (Journal of Mathematical Physics) is vishay ki nimnaankit paribhaasha karti hai-

"bhautiki ki samsyaaon ke liye ganit ka anuprayog tatha aise anuprayogon aur bhautikeeya siddhaanton ke sootreekaran (formulation) ke liye samuchit ganiteeya vidhiyon ka vikaas karna."

vishay-kshetr (scope)

ganiteeya bhautiki ki bahut si shaakhaaeain hain. vishisht aitihaasik avadhiyon ke sangat vishisht shaakhaaeain viksit huin. aanshik avakal sameekaranon ka siddhaant (tatha isse sambandhit kshetr jaise - variational calculus, foorye vishleshan, vibhv siddhaant tatha sadish vishleshan) ka sanbhavat: ganiteeya bhautiki se sabse nikat ka sanbandh hai. in kshetron ka vikaas atthaarahaveen shadi ke uttaraardh se lekar 1930 ke dashak tak teji se hua. inke vikaas ke falasvaroop jo bhautikeeya anuprayog saamane aaye ve hain- dravagatiki (hydrodynamics), khagoleeya yaantriki (celestial mechanics), pratyaasthata siddhaant (elasticity theory), dhvaniki (acoustics), ooshmaagatiki (thermodynamics), vidyut (electricity), chumbakatv (magnetism), tatha vaayugatiki (aerodynamics).

parmaanu spektra ka siddhaant (tatha, baad mein, kvaantam yaantriki) ka vikaas raikhik beejaganit, aaparetars ki spektral thiari, tatha falaneeya vishleshan (functional analysis) ke saath-saath hui. ye sabhi ganiteeya bhautiki ke ek anya prabhaag ke ganiteeya aadhaar hain.