gangotri ki sabhyata

anantakaal se hi gangotri pooja-archana ka ek dhaarmik sthal hai tatha sadiyon se muniyon, saadhuon tatha teerthayaatriyon ne durgam kshetr paar kiya aur mukti paane hetu yahaan pahunchate rahe. 19veen sadi ke dauraan kai angrej anusandhaaniyon ne ganga nadi ke udgam sthal ka pata lagaana praarambh kiya. J.bi. frejar ne varsh 1815 ki garmi mein apne daure ke baare mein likha hai tatha iske do varsh poorv pratham yuropiya yuva sainik-adhikaari James harabart ganga ke shrot gomukh tak pahuncha. isi kaaran aur mausami sthal hone ke kaaran bhi gangotri baahari prabhaav se achhoota naheen hai tatha sansaar ke sabhi bhaagon se evam sabhi kshetron ke log yahaan ki yaatra karte hain.

ek dhaarmik sthal hone se hi yahaan ki sanskruti ka vikaas hua hai. teerthayaatriyon ke purohiton ke poorvajon, pandon ka hamesha hi is sthal par niyantran raha hai jo teerthayaatriyon ke vibhinn karmakaandon mein sahaayata karte rahe hain. ye pande teerthayaatriyon ke vibhinn parivaaron se sambaddh the aur ab bhi hai tatha teerthayaatriyon ke parivaaron ka itihaas rakhane ke alaava parivaar ki peedhiyon ko pooja archana mein maargadarshan dete rahe hain.

boli jaane waali bhaasha

vaastukala

E.ti. etakinsan ne varsh 1882 mein gangotri mandir evam iske ird-gird ke bhavanon ka varnan is prakaar kiya hai, “amandir ka nirmaan ek pavitra shila par hua hai jahaan paramparaagat roop se raaja bhaageerath, mahaadev ki pooja kiya karte the. yeh vargaakaar evam chhota bhavan 12 feet ooncha hai jo sheersh par golaakaar hai jaisa ki pahaadiyon ke mandiron mein saamaanyat: rahata hai. yeh bilkul samatal, laal dhumaav ke saath safed rang ka hai jiske oopar kharabooje ki shakl ka ek Turkey topi ki tarah sheekhar rakha hai. varg ke poorvi sire se, jo pavitra shrot ke nikat muda hai vaheen yeh patthar ki chhat sahit thoda aage badha hua hai jahaan saamane pravesh dwaar hai tatha theek iske vipreet isi aakaar ka ek chhota mandir bhairoji ka hai jo is dhaarmik sthal ke abhibhaavak maane jaate hain. bade mandiron mein ganga, bhaageerathi evam anya devi-devataaon ki moortiyaan hai jinka sambandh is sthal se hai. sampoorn sthal anagadhe pattharon ke tukadon se bani ek deevaal se ghira hai tatha is jagah ke aage ek prashast sapaat patthar hai. is jagah bhi vahaan pujaari braahman ke liye ek chhota par aaraam deh ghar hai. ahaate ke bina kuchh lakdi ke chhaayaadaar nirmaan hai teerthayaatriyon ke liye hai jo oopar latakate pattharon ki gufaaon mein bhi aashray paate hain, jo kaafi hain.”

adhikaansh log mandir ke is varnan se sahamat hogein kyonki tab se bahut maamooli sa parivartan hi hua hai. fir bhi isi praarambh se hi shahar viksit hua hai khaaskar jab se gaadiyaan chalne ke liye sadkein ban gayi hai, is sthaan tak pahunchana sahaj hua hai tatha adhikaadhik teerthayaatri evam sailaani yahaan aane lage hain. isse aay badhi hai jise mandir evam shahar ke vikaas par kharch kiya gaya hai.

pichhle do dashakon mein shahar ke lakdi evam teen ke ekal bhavan nirmaan ki jagah iton evam pattharon ke nirmaan ne le liya hain. mool sthaan-ghaat ke baalui kinaare par ab ek sthaayi nirmaan karaaya gaya hai. nadi ki doosari or lanbavat pahaadiyon par bhavan-nirmaan hua hai. inmein se kai bhavan bahut lambe evam patale khanbhon par aadhaarit hain jo is bhookamp sambhaavit kshetr ke vikaas par prashnachihn lagaata hai. naye bhavan bade hain aur oonche tatha bahumanjile hain.


sabhyata

yahaan kai kund ya taalaab hain jinke naam, brahmakund, vishnu tatha anya milte julate kund hain. inmein teerthayaatriyon ke liye, dubaki lagaana karmakaandon ka ek mahatvapoorn ansh hota hai jo yahaan aate hain. dubaki ke saath pujaariyon ko diya gaya daan sabhi paap karmon se mukti dilaata hai.

gangotri ke pujaari braahman gangotri itihaas se jude hain. gangotri ke kaaryakaari panda mukhaba gaanv ke semavaal braahman hain tatha unki niyukti amar Singh thaapa ne ki thi. ve gadhvaal braahmanon ke sarola sab-divijn ke hote hain. gadhvaal ke sabhi braahman saamaanya roop se gangaari shreni ke hote hai (ve log jo ganga evam iski sahaayak nadiyon ke saath rahate hain) par behtar varg apne ko sarola shreni ka maanate hain, ve jo gadhvaal ke raajaaon ke rasoiyon ke poorvajon ke vanshaj hote hai aur iseeliye yeh naam hai. doosra yeh ki jab sainik rakhana aavashyak ho gaya to raaja abhaya paal dvaara unhein yuddh sthalon mein sainikon ke liye bhojan banaane ke liye niyukt kiya gaya aur fir yeh aadesh jaari kiya gaya ki raaja dvaara niyukt braahmanon ki rasoi ke ek hi barttan se sabhi bhojan karein - jis rivaaj jo aaj bhi kaayam hai.

yaatra ke mausam ke samay gangotri mein rahane vaale braahmanon-pujaariyon ke alaava gangotri mein desh ke vibhinn bhaagon se teerthayaatriyon ka taanta laga hota hai tatha sadiyon se yahaan ki aabaajaahi aabaadi ko badhaata raha hai aur aaj bhi hai. gangotri shahar tak sadak banane se pehle logon ke liye yahaan ghar basaana praay: asambhav sa hota tha tatha is nirjan sthaan tak pahunchane mein bhaari kathinaaiyaan aati thi. iske baad paryatan evam yaatra mausam se sambaddh chhote vyaapaari evam desh ke vibhinn bhaagon se saadhu yahaan aakar bas gaye. in vyaapaariyon mein se kuchh braahman parivaar hain par inke kai rajput bhi hai. paarivaarik bandhan yahaan bahut gahre hai tatha apekshaakrut thode se log hi is sthal ka niyantran karte hain. gangotri ki arthavyavastha mausami hai kyonki log April se October tak hi teerthayaatra karte hain aur jaade mein kam oonchaai ki jagahon par chale jaate hain.

gangotri mein dharm tatha arthashaastr abhinn roop se jude hain jaisa ki sabhi hindu teerthasthalon mein hai. pandon ka apne yajamaanon ke saath parivaar jaisa hi sambandh hota hai. pande apne yajamaanon ke bhojan, aavaas, parivhan evam karmakaandon ka poora khyaal rakhate hain jabki yajamaan iske badle paarishramik tatha upahaar dete hain. is namoone ko gangotri ke vikaas ne badal diya hai aur pandon ka sthaan gaun ho gaya hai kyonki logon ke liye aavaaseeya vikalp upalabdh ho gaye hain ab kai panda-parivaar dookaanein ya hotel kholkar vyavasaaya mein lag gaye hain par mote taur par unki aarthik avastha badal gayi hai.