gangoobaai hangal

gangoobaai hangal
kannad: ಗaaಂaaಗaaೂaaಬaaಾaaಯaaಿ ಹaaಾaaನaaಗaaಲaa್

gangoobaai hangal
prushthabhoomi ki jaankaari
janmanaam gangoobaai hangal
janm 5 March, 1913
nivaas Hubli, Karnataka
mrutyu 21 July, 2009
shaili hindustaani shaastreeya kalaakaar
vyavasaaya gaayika


gangoobaai hangal (kannad: ಗaaಂaaಗaaೂaaಬaaಾaaಯaaಿ ಹaaಾaaನaaಗaaಲaa್) (janm: 5 March 1913- mrutyu: 21 July 2009[1]) hindustaani shaastreeya sangeet ki prakhyaat gaayika theen. unhone svatantr Bhaarat mein khayaal gaayiki ki pehchaan banaane mein mahati bhoomika nibhaai. bhaarateeya shaastreeya sangeet ki nabj pakadkar aur kiraana gharaana ki viraasat ko barkaraar rakhate hue parampara ki aavaaj ka pratinidhitv karne waali gangoobaai hangal ne ling aur jaateeya baadhaaon ko paar kar va bhookh se lagaataar ladaai karte hue bhi uchch star ka sangeet diya. unhonne sangeet ke kshetr mein aadhe se adhik sadi tak apna yogadaan diya. inki aatmakatha 'nanna badukina haadu' (mere jeevan ka sangeet) sheershak se prakaashit hui hai.

anukram

praarambhik jeevan

gangoobaai hangal ka janm Karnataka ke dhaaravaad jile ke shukravaaraadaapete mein hua tha. devadaasi parampara vaale kevat parivaar mein unka janm hua tha. unke sangeet jeevan ke shikhar tak pahunchane ke baare mein ek atulya sangharsh ki kahaani hai. unhonne aarthik sankat, padosiyon dvaara jaateeya aadhaar par udaai gayi khilli aur bhookh se lagaataar ladaai karte hue bhi uchch star ka sangeet diya.

gangoobaai ko bachapan mein aksar jaateeya tippani ka saamana karna pada aur unhonne jab gaayaki shuroo ki tab unhein un logon ne 'gaanevaali' kah kar pukaara jo ise ek achhe peshe ke roop mein naheen dekhte the. puraani peedhi ki ek netrutvakarta gangoobaai ne guru-shishya parampara ko barkaraar rakha. unamein sangeet ke prati janmajaat lagaav tha aur yeh us vakt dikhaai padta tha jab apne bachapan ke dinon mein vah graamofon sunane ke liye sadak par daud padti thi aur us aavaaj ki nakal karne ki koshish karti thi.

apni beti mein sangeet ki pratibha ko dekhkar gangoobaai ki sangeetajnya maan ne Karnataka sangeet ke prati apne lagaav ko door rakh diya. unhonne yeh sunishchit kiya ki unki beti sangeet kshetr ke H krushnaachaarya jaise diggaj aur kiraana ustaad savaai gandharv se sarvashreshth hindustaani shaastreeya sangeet seekhe.

raag durga 1935 mein

gangoobaai ne apne guru savaai gandharv ki shikshaaon ke baare mein ek baar kaha tha ki mere gurooji ne yeh sikhaaya ki jis tarah se ek kanjoos apne paison ke saath vyavahaar karta hai, usi tarah sur ka istemaal karo, taaki shrota raag ki har baareekiyon ke mahatva ko sanjeedagi se samajh sake.[2] gangoobaai ki maan anbaabaai Karnataka sangeet ki khyaatilbdh gaayika theen. inhonne praarambh mein Desai krushnaachaarya aur dattopant se shaastreeya sangeet seekha, jiske baad inhonne savaai gandharv se shiksha li. sangeet ke prati gangoobaai ka itna lagaav tha ki kandagol sthit apne guru ke ghar tak pahunchane ke liye vah 30 kilometer ki yaatra train se poori karti thi aur iske aage paidal hi jaati thi. yahaan unhonne Bhaarat ratn se sammaanit pandit bheemasen Joshi ke saath sangeet ki shiksha li. kiraana gharaane ki parampara ko barakaar rakhane waali gangoobaai is gharaane aur isse judi shaili ki shuddhata ke saath kisi tarah ka samjhauta kiye jaane ke paksh mein naheen thi.

gangoobaai ko bhairav, asaavari, todi, bheemapalaasi, puriya, dhanashri, maarava, kedaar aur chandrakauns raagon ki gaayaki ke liye sabse adhik vaahavaahi mili.

puraskaar aur sammaan

gangoobaai hangal ne kai baadhaaon ko paar kar apni gaayiki ko ek mukaam tak pahunchaaya aur unhein padm bhooshan, padm vibhooshan, taanasen puraskaar, Karnataka sangeet nrutya academy puraskaar aur sangeet naatak academy jaise puraskaaron se navaajon gaya.

  • Karnataka sangeet nrutya academy puraskaar, 1962
  • padm bhooshan, 1971
  • padm vibhooshan, 2002
  • sangeet naatak academy puraskaar, 1973

niji jindagi

inke aur gururaao kaulgi ke do bete, baabooraav va Narayan aur ek beti, shaastreeya gaayak Krishna hain.

sandarbh

baahari kadiyaaain