ganatantr diwas (Bhaarat)

ganatantr diwas
गणतन्त्र दिवस
2004 mein raajapath par Madras regiment ke parade karte sainik.
manaane vaale Flag of India.svg Bhaarat
prakaar raashtreeya avakaash
shuru 26 January
utsav parade, vidyaalayon mein mithaaiyon ka vitran evam saanskrutik kaaryakram aadi.

ganatantr diwas Bhaarat ka ek raashtreeya parv jo prati varsh 26 January ko manaaya jaata hai. isi din san 1950 ko Bhaarat ka samvidhaan laagoo kiya gaya tha.

ek svatantr ganaraajya banane aur desh ke sankraman ko poora karne ke liye, 26 November 1949 ko bhaarateeya samvidhaan sabha dvaara is samvidhaan ko apnaaya gaya aur 26 January 1950 ko ise ek lokataantrik sarkaar pranaali ke saath laagoo kiya gaya tha. 26 January ko isliye chuna gaya tha kyonki 1930 mein isi din bhaarateeya raashtreeya Congress ne Bhaarat ko poorn Swaraj ghoshit kiya tha.

yeh Bhaarat ke teen raashtreeya avakaash mein se ek hai, anya do s‍aavatantrata diwas aur Gandhi jayanti hai.

anukram

itihaas

san 1929 ke December mein Lahore mein bhaarateeya raashtreeya Congress ka adhiveshan pandit javaaharalaal Nehru ki adhyakshata mein hua jismein prastaav paarit kar is baat ki ghoshana ki gayi ki yadi angrej sarkaar 26 January 1930 tak Bhaarat ko svaayattayopanivesh(domeeniyn) ka pad naheen pradaan karegi, jiske tahat Bhaarat british saamraajya mein hi svashaasit ekaai ban jaata, to Bhaarat apne ko poornat: svatantr ghoshit kar dega. 26 January 1930 tak jab angrej sarkaar ne kuchh naheen kiya tab Congress ne us din Bhaarat ki poorn svatantrata ke nishchaya ki ghoshana ki aur apna sakriya aandolan aarambh kiya. us din se 1947 mein svatantrata praapt hone tak 26 January svatantrata diwas ke roop mein manaaya jaata raha. tadanantar svatantrata praapti ke vaastavik din 15 August ko svatantrata diwas ke roop mein sveekaar kiya gaya. 26 January ka mahatva banaae rakhane ke liye vidhaan nirmaatri sabha (kaansteetyooent assembly) dvaara sveekrut samvidhaan mein Bhaarat ke ganatantr svaroop ko maanyata pradaan ki gayi.

ganatantr diwas samaaroh

raajapath par pratham ganatantr samaaroh mein sammalit hone (ghode ki bagghi mein) jaate desh ke pratham raashtrapati Rajendra prasaad.

ganatantr diwas samaaroh 26 January ko Bhaarat ke raashtrapati dvaara bhaarateeya raashtra dhvaj ko faharaaya jaata hain aur iske baad saamoohik roop mein khade hokar raashtragaan gaaya jaata hai. ganatantr diwas ko poore desh mein vishesh roop se rajdhani Delhi mein bahut utsaah ke saath manaaya jaata hai. is avsar ke mahatva ko chihnit karne ke liye har saal ek bhavya parade India gate se raashtrapati bhavan (raashtrapati ke nivaas) tak raajapath par rajdhani, nai Delhi mein aayojit kiya jaata hai. is bhavya parade mein bhaarateeya sena ke vibhinn rejimeint, vaayusena, nausena aadi sabhi bhaag lete hain| is samaaroh mein bhaag lene ke liye desh ke sabhi hisson se raashtreeya kadet kor va vibhinn vidyaalayon se bachche aate hain, samaaroh mein bhaag lena ek sammaan ki baat hoti hai |parade praarambh karte hue pradhaanamantri amar javaan jyoti (sainikon ke liye ek smaarak) jo raajapath ke ek chhor par India gate par sthit hai par pushp maala daalte hain| iske baad shaheed sainikon ki smruti mein do minute maun rakha jaata hai. yeh desh ki samprabhuta ki raksha ke liye lade yuddh va svatantrata aandolan mein desh ke liye balidaan dene vaale shaheedon ke balidaan ka ek smaarak hai. iske baad pradhaanamantri, anya vyaktiyon ke saath raajapath par sthit manch tak aate hain, raashtrapati baad mein avsar ke mukhya atithi ke saath aate hain.

parade mein vibhinn raajyon se chalit shaanadaar pradarshani bhi hoti hai, pradarshani mein har raajya ke logon ki visheshata, unke lok geet va kala ka drushyachitr prastut kiya jaata hai. har pradarshini Bhaarat ki vividhta va saanskrutik samruddhi pradarshit karti hai. parade aur juloos raashtreeya television par prasaarit hota hai aur desh ke har kone mein karodon darshakon ke dvaara dekha jaata hai.

Bhaarat ke raashtrapati va pradhaan mantri dvaara diya gaye bhaashan ko sunane ke laakhon ki bheed laal kile par ekatrit hoti hai.

2014 mein, Bhaarat ke 64vein ganatantr diwas ke avsar par, Maharashtra sarkaar ke protokaul vibhaag ne pehli baar Mumbai ke marine draaiv par parade aayojit ki, jaisi har varsh nai Delhi mein raajapath mein hoti hai.[1]

ganatantr diwas parade ke mukhya atithi

desh jinhein ganatantr diwas parade ke liye atithi ke taur par bulaaya gaya hai. pehle ka yugoslaaviya (do baar aamantrit) ko naheen dikhaaya gaya hai.

chitradeergha

inhein bhi dekhein

sandarbh

baahari kadiyaaain