gaileeliyo gailili

gaileeliyo gailili

Portrait of Galileo Galilei by Giusto Sustermans
janm 15 fravari 1564
Pisa, Duchy of Florence, Italy
mrutyoo 8 January 1642(1642-01-08) (umr 77)
Arcetri, Grand Duchy of Tuscany, Italy
nivaas Grand Duchy of Tuscany, Italy
raashtreeyata Italian
kshetr Astronomy, physics, natural philosophy, mathematics
sansthaaeain University of Pisa
University of Padua
maatrusanstha University of Pisa
Academic advisors Ostilio Ricci[1]
Notable students Benedetto Castelli
Mario Guiducci
Vincenzo Viviani[2]
prasiddh kaarya Kinematics
Dynamics
Telescopic observational astronomy
Heliocentrism
Signature
Notes
His father was the musician Vincenzo Galilei. Galileo Galilei's mistress Marina Gamba (1570 – 21 August 1612?) bore him two daughters (Maria Celeste (Virginia, 1600–1634) and Livia (1601–1659), both of whom became nuns) and a son Vincenzo (1606–1649), a lutenist.
gaileeliyo gailili

gaileeliyo gailili (15 February, 1565 - 8 January, 1642) Italy ke vaigyaanik the.

anukram

jeevan parichay

chirsammat yaantriki

nyootan ka gati ka dviteeya niyam
itihaas · samayarekha
is sandook ko: dekhein samvaad

is mahaan vichaarak ka janm aadhunik Italy ke peesa naamak shahar me ek sangeetajnya parivaar mein hua tha. aadhunik Italy ka shahar peesa 15 fravari 1564 kea mahaan vaigyaanik gaileeliyo gaili ke janm ko bhi ishvar ki rachana ka dosh maankar aitihaasik bhool kar baitha tha. gaileeliyo ke dvaara pratipaadit sindvaanto se dhaarmik maanyataaon ka khandan hota tha jiske liye gaileeliyo ko ishvareeya maanyataaon se chhedachhaad karne ke liye saari umr kaaraavaas ki saja sunaayi gayi. inke pita vinsaunjo gailili us samay ke jaane maane sangeet visheshagya the. ve ' lyoot ' naamak vaadya yantr bajaate the, yahi lyoot naamak yantr baad mein gitaar aur bainjo ke roop mein viksit hua. apni sangeet rachana ke dauraan vinsaunjo gailili ne tani huyi dori ya taar ke tanaav aur usase nikalne vaale svaron ka gahanata se adhyayan kiya tatha yeh paaya ki dori ya taar ke tanaav aur usase nikalne waali aavaaj mein sambandh hai. pita ke dvaara sangeet ke liye tani huyi dori ya taar se nikalne waali dhvaniyon ke antarasanbandhon ke parinaamon ka vaigyaanik adhyayan unke putr gaileeliyo dvaara kiya gaya. is adhyayan ko karne ke dauraan baalak gaileeliyo ke man mein sugraahita poorn prayog karte huye unke parinaamo ko aatmasaat karne ki prerana pradaan ki. inko pareeksha moolak (prayogaatmak) vigyaan ka janak maana jaata hai. inhonne dolan ka sootr ka pratipaadan kiya. inhonne doorabeen ka aavishkaar kiya. usane dooradarshi yantr ko adhik unnat banaaya. usaki sahaayata se anek khagoleeya prekshan liye tatha kauparaniks ke siddhaant ka samarthan kiya. unhein aadhunik praayogik khagoliki ka janak maana jaata hai.

prayog preshan

unhonne paaya ki prakruti ke niyam ek doosare kaarakon se prabhaavit hote hain aur kisi ek ke badhane aur ghatne ke beech ganit ke sameekaranon jaise hi sambandh hote hai. isaliye unhone kaha ki:-' ishvar ki bhaasha ganit hai.' is mahaan ganitjnya aur vaigyaanik ne hi prakaash ki gati ko naapane ka saahas kiya. iske liye gaileeliyo aur unka ek sahaayak andheri raat mein kai meal door sthit do pahaad ki chotiyon par ja baithe. jahaan se gaileeliyo ne laalaten jalaakar rakhi, apne sahaayak ka sanket paane ke baad unhein laalaten aur uske khatake ke maadhyam se prakaash ka sanket dena tha. doosari pahaadi par sthit unke sahaayak ko laalaten ka prakaash dekhkar apne paas rakhi doosari laalaten ka khataka hataakar pun: sanket karna tha. is prakaar doosari pahaad ki choti par chamakate prakaash ko dekhkar gaileeliyo ko prakaash ki gati ka aakalan karna tha. is prakaar gaileeliyo ne jo parinaam paaya vah bahut seema tak vaastavik to na tha parantu prayogon ki aavruti aur safalta asafalata ke baad hi abheesh‍aat parinaam paane ki jo muhim unke dvaara praarambh ki gayi vah adviteeya thi. kaalaantar mein prakaash ki gati aur urja ke sambandhon ki jatil gulthi ko sulajhaane vaale mahaan vaigyaanik albart aainsteen ne isi kaaran unhein 'aadhunik vigyaan ka pita ' ke naam se sambodhit kiya.

church ka kopabhaajan

gaileeliyo dhaarmik pravruit ke the parantu puraani dhaarmik maanyataaon ko vivekasheelata aur prayog ke maadhyam se sidv karna chaahate the. varsh 1609 mein gaileeliyo ko ek aisi doorabeen ka pata chala jiska avishkaar Holland mein hua tha, is doorabeen ki sahaayata se doorasth khagoleeya pindon ko dekh kar unki gati ka adhyayan kiya ja sakta tha. gaileeliyo ne iska vivran sunakar swayam aisi doorabeen ka nirmaan kar daala jo Holland mein avishkrut doorabeen se kaheen adhik shaktishaali thi. iske aadhaar par apne prekshan tatha prayogon ke maadhyam se gaileeliyo ne yeh paaya ki poorv mein vyaapt maanyataaon ke vipreet bruhamaand mein sthit pruthvi samet sabhi grah soorya ki parikrama karte hai. isse poorv kauparaniks ne bhi yeh kaha tha ki pruthvi samet sabhi grah soorya ki parikrama karte hai jiske liye unhe church ka kopabhaajan banana pada tha. ab prayog aaiaar vivek par aadhaarit parinaamon ke aadhaar par gaileeliyea ne bhi yahi hona sidv paaya. us samay tak yeh sarvamaanya sidvaant tha ki brahamaand ke kendra mein pruthvi sthit hai tatha soorya aur chandrama sahit sabhi aakaasheeya pind lagaataar pruthvi ki parikrama karte hai. is maanyata ko tadsamaya ke dharmaachaaryon ka samarthan praapt tha. apne prayogon ke aadhaar par praapt parinaamon ke kaaran gaileeliyo ne puraani avadhaaranaaon ke viroodv khade hone ka nirnaya liya. jab gaileeliyo ne yeh sidvaant saarvajanik kiya to church ne ise apni avajnyaa maana aur is avajnyaa ke liye gaileeliyo ko church ki or se kaaraavaas ki saja sunaayi gayi. gaileeliyo ke dvaara diye gaye vichaar ne tadsamaya manushya ke chintan ki disha kea naye roop mein sveekaarane ko vivsh kar diya. saamaajik aur dhaarmik prataadana ke chalte poorv se vyaapt maanyataaon aur vishvaason ke vipreet pratipaadit sindvaanto ke saath ve adhik din tak khade naheen rah sake. varsh 1633 mein 69 varsheeya vrudv gaileeliyo ko church ki or se yeh aadesh diya gaya ki ve saarvajanik taur par maafi maangate huye yeh kahein ki dhaarmik maanyataaon ke viroodv diye gaye unke sidvaant unke jeevan ki sabse badi bhool thi jiske liye ve sharminda hain. unhone aisa hi kiya parantu iske baad bhi unhein kaaraavaas mein daal diya gaya. unka svaasthya lagaataar bigdata raha aur isi ke chalte kaaraavaas ki saja gruh-kaid arthaat apne hi ghar mein kaid mein rahane ki saja mein badal diya gaya. apne jeevan ka aakhiri din bhi unhonne isi kaid mein hi bitaaya.

sammaan

hamesha se Pope ki nigraani mein rahane waali Vatican city sthit isaai dharm ki sarvaaechch sanstha ne 1992 mein yeh sveekaar kiya kiya ki gaileeliyo ke maamale mein nirnaya lene mein unase galati huyi thi. is prakaar ek mahaan khagol vigyaani, ganitjnya, bhautikvid evam daarshanik gaileeliyo ke sambandh mein 1633 mein jaari aadesh kar apni aitihaasik bhool sveekaar karne mein church ko saadhe teen sau saalon se bhi adhik ka samay laga. varsh 1609 mein doorabeen ke nirmaan aur khagoleeya pindon ke prekshan ki ghatna ke chaar sau saalon ke baad 400veen jayanti ke roop mein varsh 2009 ko antarraashtreeya khagoliki varsh ke roop mein manaakar is mahaan vaigyaanik ko shradvaanjali arpit kar apni bhool ka praashchitya karne ka prayaas kiya.


sandarbh

  1. F. Vinci, Ostilio Ricci da Fermo, Maestro di Galileo Galilei, Fermo, 1929.
  2. "The Mathematics Genealogy Project - Galileo Galilei". nodak.edu. http://genealogy.math.ndsu.nodak.edu/id.php?id=134975.

baahari kadiyaaain