gaaro

paaramparik veshabhoosha mein ek gaaro dampatti

gaaro, Bhaarat ki ek pramukh janajaati hai. gaaro log Bhaarat ke meghaalaya raajya ke gaaro parvat tatha Bangladesh ke mayamanasinh jila ke nivaasi aadivaasi hain. iske alaava Bhaarat mein asam ke kaamaroop, goyaalapaada aur kaarabi aanlan jila mein tatha Bangladesh mein taaङagaail, silet, sherapur, netrakona, sunaamaganyaj, dhaaka aur Gazipur jilon mein bhi gaaro log rahate hain.

anukram

parichay

gaaro tibbati-barmi bhaasha bolte hain jiski shabdaavali tatha vaakyarachana ka tibbati bhaasha se bahut saadrushya hai. gaaro Tibet se poorvi Bhaarat aur barma hote hue antatogatva asam ki gaaro pahaadiyon par aakar rahane lage.

gaaro peetavarn hain, kuchh mein shyaamalata bhi hai. kad naata, chehara chhota, gol aur naak chapati hoti hai. jab anyatr jaate hain tab gaaro purush neeli patti ka vastr aur sir par murge ke pankhonvaala makut pahanate hain.

gaaro jaati ke log pahaadi tatha maidaani do samoohon mein baintein hain. gaaro pahaadiyon se baahar rahanevaale sabhi gaaro log maidaani kahalaate hain.

sanskruti

gaaro sansaar ki un kuchhek janajaatiyon mein se hai jiska maatrumoolak parivaar aaj bhi apni sabhi visheshataaon ke saath kaayam hai. vanshaavali naari se chalti hai aur sampatti ki svaamini bhi naari hoti hai. vivaah hone par purush raatri ki ot mein sasuraal mein patni ke paas jaata hai vahaaain na bhojan grahan karta hai, na paani. ghar ki sabse chhoti bahan sampatti ki svaamini (nokana) hoti hai. vivaah hone par striyaaain apne ghar par hi rahati hain. saamaanyat: buaa ki ladki se vivaah hota hai. purush ko adhikaar hota hai ki vah apne bhaanaje ko apna jaamaata bana le aur putr ko bhaanaji ke saath ek kamre mein band kar de. jab gaaro yuvak apne maama ki ladki se vivaah karta hai, tab us samay, yadi saas bhi vidhva ho, tab usase bhi vivaah karna padta hai.

gaaro ki upajeevika ka aadhaar jhoom (dahiya) ki kheti aur machhali ka shikaar hai. jungle kaatkar usamein aag laga di jaati hai aur usaki raakh se ek don fasalein ugaakar sthaan parivartan kar diya jaata hai. ghar baaains aur foons ke bane hote hain. gaaainv ke yuvak apne naachane gaane ke liye alag ghar banaate hain jise 'nokopaante' kehte hain. mrut poorvajon ki pooja ki jaati hai jinki aatmaaeain ghar ke beechavaale sabse bade kamre mein nivaas karti hain. madyapaan jeevan ka aavashyak ang hai.

murdo ko jalaane ki pratha hai. poorvavarti kaal mein sardaar tatha raaja ke mrut shareer ke saath unke daason ko bhi jala diya jaata tha aur sambandhi log chita mein jalaane ke liye adhik se adhik naramund kaatkar laane ka prayatn karte the. rog ka jor hone par gaaainv ke baahar raaston ko gher liya jaata hai aur dandon se vrukshon ko peeta jaata hai taaki pret aatmaaeain bhaag jaaeain. aise avsar par sooar aur murgi ki bali bhi di jaati hai.

kuchh gaaro isaai ho gaye hai kintu unke maatrumoolak parivaar par iska vipreet prabhaav naheen pada hai par anya bahut-si bhaarateeya janajaatiyon ki bhaaainti gaaron jaati bhi baahari prabhaav ke parinaamasvaroop vishrunkhala aur parivartan ki peeda ka anubhav kar rahi hai.

inhein bhi dekhein

baahari kadiyaaain