faatima

faatima
chitr:File:Fatimah Calligraphy.png
mool naam فaaاaaطaaمaaة
janm 20 Jumada al-Akhir 5 BH
(27 July 604 AD)[1][2]
Mecca[1]
mrutyu 3 Jumada al-Thani 11 AH
(28 August 632(632-08-28) (umr 28))
samaadhi sthal disputed
nasl Hejazi Arab
upaadhi
  • al-siddeeka[1] (The Truthful Woman)
  • al-mubaaraka[1] (The Blessed Woman)
  • al-taahira[1] (The Pure Woman)
  • al-jkiyya[1] (The Chaste/Innocent Woman)
  • al-rajiya[1] (The Satisfied Woman)
  • al-muhaddisa[1] (The One Spoken to by Angels)
  • al-batool[1] (The Chaste/The Pure)
  • al-jhara[1] (The Splendid One/The Lady of Light)
  • sayyadatun nisa al-aalameen[3] (Leader of The Women of The Worlds)
dharm isalaam
jeevanasaathi Ali ibne abi taalib
santaan
  • hasan ibn Ali
  • husain ibn Ali
  • muhasin ibn Ali (unborn)
  • jainab bint Ali
  • umm kulsum bint Ali
maata - pita
rishtedaar Ibrahim (brother)[4]

faatima binte muhammad (Fāaṭaimah bint Muḥaammad) (/ˈfætəmə{{{2}}}ˈfɑaaːtˌmɑaaː/; arabi: فaaاaaطaaمaaةFāaṭaimah;[pronunciation 1] janm c. 605[5][6] ya 615[7] – mrutyu 28 August 632)faatima ko hajrat faatima jhara salaamullaah alaiha kaha jaata hai. unki upaadhiyaan jhara, siddeeka, taahira, jaakira, raajiya, marajiya, muhaddesa va batool hain. ve hajrat muhammad aur khateeja ki putri Ali ki patni, hasan aur husain ki maan theen.[8] ahale bait ki sadasya theen. [5] yeh atyant gauravashaali vyakti hain. faatima 'muslim duniya' ka atyant lokapriya baalikaaon ka naam hai. [9] 11veen shataabdi mein faatimid khilaaft inheen ke naam par thi. [5]

anukram

jeevan vrutt

hajrat faatima salaamullaah alaiha ke pita paigambar hajrat muhammad mustafa va aapki maata hajrat khdeejaatul kubara putri shri kholad theen. hajrat khdeeja islaam ko sveekaar karne waali pehli stri theen. khadeeja arab ki ek dhani mahila theen jinka vyaapaar poore arab me faila hua tha. unhonne vivaah uparaant apni saari sampatti islaam prachaar ke liye paigambar ko de di thi. aur svanya saadhaaran jeevan jeeti theen. adhikaaainsh itihaasakaaron ne ullekh kiya hai ki unki putri hajrat Fatima jhara ka janm makka naamak shahar me jamaadiyussaani (arabi varsh ka chhata maas) maas ki 20 vi taareekh ko besat ke paanchave varsh hua. kuchh itihaas kaaron ne inke janm ko besat ke doosare va teesare varsh me bhi likha hai. ek sunni itihaasakaar ne aapke janm ko besat ke pehle varsh me likha hai. hajrat faatima salaamullaah alaiha ka paalan poshan svanya paigambar ki dekh rekh mein ghar mein hi hua. aap ka paalan poshan us garima maya ghar mein hua jahaaain par Allah ka sandesh aata tha. jahaaain par kuraon utara jahaaain par sarvapratham ek samudaaya ne ekaishvaravaad me apna vishvaas prakat kiya tatha marate samay tak apni aastha me drudh rahe. jahaaain se allaaho Akbar (arthaat Allah mahaan hai) ki aavaaj uth kar poore sansaar me fail gayi. keval hajrat faatima salaamullaah alaiha vah baalika theen jinhonne ekaishvaravaad ke uddaghosh ke utsaah ko itne sameep se dekha tha. paigambar ne faatima ko is prakaar prashikshit kiya ki unke andar maanavata ke samast gun viksit ho gaye. tatha aage chalakar vah ek aadarsh naari bani.

faatima ka vivaah 9 varsh ki aayu me hajrat Ali alaihissalaam ke saath hua. ve vivaah uparaant 9 varshon tak jeevit raheen. unhone chaar bachchon ko janm diya jinme do ladke tatha do ladkiyaan theen. jin ke naam kramash: is prakaar hain. putragan (1) hajrat imaam hasan (a0) (2) hajrat imaam husain (a0). putreeyaan (3) hajrat jainab (4) hajrat umme kulasoom. aapki paaainchavi santaan garbhaavastha me hi svargavaasi ho gayi thi. vah ek putr the tatha unka naam muhasin rakha gaya tha. pita ke nidhan ke baad Fatima keval 90 din jeevit raheen. hajrat paigambar ke svargavaas ke baad jo atyaachaar aap par hue aap unako sahan na kar sakeen tatha svargavaasi ho gain. itihaasakaaron ne ullekh kiya hai ki jab aap ke ghar ko aag lagaayi gayi, us samay aap dwaar ke peechhe khadi hui theen. jab kivaadon ko dhakka dekar shatruon ne ghar me pravesh kiya to us samay aap dar va deevaar ke madhya bhich gayeen. jis kaaran aapke seene ki pasaliyaan toot gayeen, va aapka vah beta bhi svargavaasi ho gaya jo abhi janm bhi nahi le paaya tha. jinka naam garbhaavastha me hi mohasin rakh diya gaya tha.

samaadhi

nidhan ke samay Fatima parivaar bahut hi bhayankar sthiti se gujr raha tha. chaaron or shatruta vyaapt thi. unhonne svanya bhi vaseeyat ki thi ki mujhe raatri ke samay dafn karna tatha kuchh vishesh vyaktiyon ko mere janaaje me sammilit na karna. at: hajrat Ali alaihissalaam ne vaseeyataanusaar aapko chup chaap raatri ke samay dafn kar diya. at: aapke janaaje (arthi) me keval aapke parivaar ke sadasya va hajrat Ali ke vishvasaneeya mitr hi sammilit ho paaye the. aur dafn ke baad kai sthaano par aapki ki kabr ke nishaan banaaye gaye the. is liye vishvasaneeya nahi kaha jaasakata ki aapki samaadhi kahaaain par hai. parantu kuchh sutron se gyaat hota hai ki aapko jannaatul baki naamak kbristaan me dafnaaya gaya tha.

gyaan

hajrat paigambar apni putri faatima ke liye Allah dvaara praapt samast gyaan ka vyaakhyaan karte the. hajrat Ali un vyaakhyaanon ko likhte va hajrat faatima salaamullaah alaiha un sab lekhon ko ekatrit karti rahati theen. in ekatrit lekhon ne baad me ek pustak ka roop dhaaran kar liya. aage chalakar yeh pustak musahafe faatima ke naam se prasiddh hui.

shikshan kaarya

hajrat faatima streeyon ko kuon va dhaarmik nirdeshon ki shiksha deti va unako unke kartavyon ke prati sajag karti rahati theen. aap ki mukhy: shishya ka naam fijja tha jo gruh kaaryon me aap ki saahayata bhi karti thi. vah kuon ke gyaan me itni ni:pun ho gayi thi ki usako jo baat bhi karni hoti vah kuon ki aayaton ke dvaara karti thi. hajrat faatima salaamullaah alaiha doosaron ko shiksha dene se kabhi nahi thakati theen tatha sadaiv apni shishyaaon ka dhairya bandhaati rahati thi.

ek din ki ghatna hai ki ek stri ne aapki seva me upasthit ho kar kaha ki meri maata bahut boodhi hai aur usaki namaaj sahi nahi hai. usane mujhe aapke paas bheja hai ki main aap se is baare me prashn karoo taaki usaki namaaj sahi ho jaaye. aapne uske prashno ka uttar diya aur vah laut gayi. vah fir I tatha fir apne prashnon ka uttar lekar laut gayi. isi prakaar us ko das baar aana pada aur aapne das ki das baar uske prashnon ka uttar diya. vah stri baar baar aane jaane se bahut lajjit hui tatha kaha ki main ab aap ko adhik kasht nahi dooaingi.

aap ne kaha ki tum baar baar aao va apne prashnon ka uttar praapt karo. main adhik prashn poochhane se krodhit nahi hoti hooain. kyonki mainne apne pita se suna hai ki" kiyaamat ke din hamaara anusaran karne vaale gyaani logon ko unke gyaan ke anuroop moolyavaan vastr diye jaayeinge. tatha unka badla (pratikaar) manushyon ko Allah ki or bulaane ke liye kiye gaye prayaason ke anusaar hoga."

ibaadat

hajrat faatima salaamullaah alaiha raatri ke ek poore charan me ibaadat me leen rahati theen. vah khade hokar itni namaajein padhti theen ki unke pairon par soojan aajaati thi. san 110 hijri me mrutyu paane wala hasan basari naamak ek itihaasakaar ullekh karta hai ki" poore muslim samaaj me hajrat faatima salaamullaah alaiha se badhkar koi jaahid, (indri nigreh) sanyami va tapasvi nahi hai." paigambar ki putri sansaar ki samast streeyon ke liye ek aadarsh hai. jab vah gruh kaaryon ko samaapt kar leti theen to ibaadat me leen ho jaati theen.

hajrat imaam saadik alaihissalaam apne poorvaj imaam hasan jo ki hajrat faatima salaamullaah alaiha ke bade putr hain unke is kathan ka ullekh karte hain ki "hamaari maata hajrat faatima jhara bruhaspativaar va shukravaar ke madhya ki raatri ko pratham charan se lekar antim charan tak ibaadat karti theen. tatha jab duaa ke liye haathon ko uthaati to samast aastik nar naariyon ke liye Allah se daya ki praarthana karateen parantu apne liye koi duaa nahi karti theen. ek baar mainne kaha ki maata ji aap doosaron ke liye Allah se duaa karti hain apne liye duaa kyon nahi karti? unhonne uttar diya ki priy: putr sadaiv apne padosiyon ko apne oopar vareeyata deni chaahiye."

hajrat faatima salaamullaah alaiha ek jaap kiya karti theen jisme (34) baar allaahu Akbar (33) baar alahamdo lillaah tatha (33) baar subahaanallaah kehti theen. aapka yeh jaap islaamik samudaaya me hajrat faatima salaamullaah alaiha ki tasbeeh ke naam se prasiddh hai. tatha shiya va sunni dono samudaayon ke vyakti is tasbeeh ko namaaj ke baad padhte hain.

dharm yuddhon mein yogadaan

itihaas ne hajrat paigambar ke das varsheeya shaasan ke antargat aapke 28 dharm yuddhon tatha 35 se lekar 90 tak ki sankhya me sariyyon ka ullekh kiya hai. (paigambar ke jeevan me sariyya un yuddhon ko kaha jaata tha jin me paigambar svanya sammilit nahi hote the.) jab islaami sena kisi yuddh par jaati to hajrat faatima salaamullaah alaiha islaami senaaniyon ke parivaar ki sahaayata ke liye jaati va unka dhairya bandhaati theen. vah kabhi kabhi streeyon ko is kaarya ke liye utsaahit karti ki yuddh bhoomi me jaakar ghaayalon ki maraham patti karein. parantu keval un sainikon ki jo unke maharam hon. maharam arthaat vah vyakti jinse vivaah karna haraam ho.

ohad naamak yuddh me hajrat faatima salaamullaah alaiha anya streeyon ke saath yuddh bhoomi me gain is yuddh me aapke pita va pati dono bahut ghaayal hogaye the. hajrat faatima salaamullaah alaiha ne apne pita ke chehare se khoon dhoya. tatha jab yeh dekha ki khoon band nahi ho raha hai to hareer (resham) ke ek tukade ko jala kar us ki raakh ko ghaav par daala taaki khoon band ho jaaye. us din hajrat Ali ne apni talavaar dhone ke liye hajrat faatima salaamullaah alaiha ko di. is yuddh me hajrat paigambar ke chacha shri hamaja shaheed ho gaye the. yuddh ke baad shri hamaja ki bahan hajrat safiha hajrat faatima salaamullaah alaiha ke saath apne bhaai ki kshat vikshat laash par aain tatha rone lageen. hajrat faatima salaamullaah alaiha bhi roin tatha paigambar bhi royein. aur apne chacha ke paarthiv shareer se kaha ki abhi tak aap ki mrutyu ke samaan koi museebat mujh par nahi padi. iske baad hajrat ftima va safiha se kaha ki abhi abhi mujhe Allah ka sandesh mila hai ki saaton aakaashon me hamaja shere khuda va shere rasoole khuda hai. is yuddh ke baad hajrat Fatima jab tak jeevit raheen har doosare ya teesare din ohad me shaheed hone vaale sainikon ki samaadhi par avashya jaaya karti theen.

khndak naamak yuddh me hajrat ftima apne pita ke liye rotiyaan banaakar le gayeen jab paigambar ne prashn kiya ki yeh kya hai? to aapne uttar diya ki aapke na hone ke kaaran dil bahut chintit tha at: yeh rotiyaan lekar aapki seva me aagai. paigambar ne kaha ki teen din ke baad main yeh pehla bhojan apne mukh me rakh raha hooain.

paarivaarik sambandh

nau varsh ki aayu tak faatima apne pita ke ghar par raheen. jab tak unki maata hajrat khdeeja jeevit raheen vah gruh kaaryon me poorn roop se unki saahayata karti theen. maata ke svargavaas ke baad unhone apne pita ki khoob seva ki. pita unhein umme abeeha kehne lage. arthaat maata ke samaan vyavahaar karne waali. paigambar aapka bahut satkaar karte the. jab aap paigambar ke paas aati theen to paigamabar aapke aadar me khade ho jaate the, tatha aadar poorvak apne paas baithaate the. jab tak vah apne pita ke saath rahi unhone paigamabar ki har aavashyakta ka dhyaan rakha. unke pati hajrat Ali ne vivaah uparaant ka adhikaaainsh jeevan ran bhoomi ya islaam prachaar me vyateet kiya. unki anupasthiti me gruh kaaryon va bachchon ke prashikshan ka uttaradaayitv vah svanya apne kaandhon par sanbhaalati va in kaaryon ko uchit roop se karti theen. taaki unke pati aaraam poorvak dharmayuddh va islaam prachaar ke uttar daayitv ko nibha sakein. unhone kabhi bhi apne pati se kisi vastu ki framaaish nahi ki. vah ghar ke sab kaaryon ko svanya karti theen. vah apne haathon se chakki chalaakar jaun peesati tatha rotiyaan banaati theen. vah poorn roop se samast kaaryon me apne pati ka sahayog karti theen. paigambar ke svargavaas ke baad jo vipttiyaan unke pati par padeen unhone un vipttiyon me hajrat Ali alaihissalaam ke sahayog me mukhya bhoomika nibhaai. tatha apne pati ki saahayataarth apne praano ki aahooti de di. jab hajrat faatima salaamullaah alaiha ka svargavaas ho gaya to hajrat Ali ne kaha ki aaj maine apne sabse bade samarthak ko kho diya.

unhonne ek aadarsh maata ki bhoomika nibhaai. unahonein apni chaaron santaanon ko is prakaar prashikshit kiya ki aage chalakar ve mahaan vyaktiyon ke roop me vishvavikhyaat hue. unahonein apni samast santaanon ko satyata, pavitrata, sadaachaarita, veerata, atyaachaar virodh, islaam prachaar, samaaj sudhaar, tatha islaam raksha ki shiksha di. ve apne bachchon ke vastr svanya dhoti theen va unako svanya bhojan banaakar khilaati theen. ve kabhi bhi apne bachchon ke bina bhojan nahi karti theen. tatha sadaiv prem poorvak vyavahaar karti theen. unhonne apni mrutyu ke din rogi hone ki avastha me bhi apne bachchon ke vastron ko dhoya, tatha unke liye bhojan banaakar rakha.

hajrat paigambaraka rog unke jeevan ke antim charan me atyaadhik badh gaya tha. faatima har samay apne pita ki seva me rahati theen. unki shayya ki baraabar me baithi unke tejasvi chehare ko nihaarati rahati va jvar ke kaaran aaye paseene ko saaf karti rahati theen. jab hajrat faatima salaamullaah alaiha apne pita ko is avastha me dekhti to rone lagti theen. paigambar se yeh sahan nahi hua. unhonne hajrat faatima salaamullaah alaiha ko sanket diya ki mujh se adhik sameep ho jaao. jab hajrat faatima salaamullaah alaiha nikat huin to paigambar unke kaan me kuchh kaha jise sun kar hajrat faatima salaamullaah alaiha muskuraane lageen. is avsar par hajrat faatima salaamullaah alaiha ka muskuraana aashcharya janak tha. at: aap se prashn kiya gaya ki aapke pita ne aap se kya kaha? aapne uttar diya ki main is rahasya ko apne pita ke jeevan me kisi se nahi bataaooaingi. paigambar ke svargavaas ke baad aapne is rahasya ko prakat kiya. aur kaha ki mere pita ne mujh se kaha tha ki ai faatima aap mere parivaar me se sabse pehle mujh se bheint karogi. aur main isi kaaran harshit hui thi.

lok maanyataaen

gale ki maala

ek din hajrat paigambar (s.) apne mitron ke saath masjid me baithe hue the. usi samay ek vyakti vahaaain par aaya jiske kapde fte hue the tatha us ke chehare se daridrata prakat thi. vruddhaavastha ke kaaran uske shareer ki shakti ksheen ho chuki thi. paigambar us ke sameep gaye tatha usase uske baare me prashn kiya usane kaha ki main ek dukhi:t bhikhaari hooain. main bhookha hooain mujhe bhojan karaao, main vastraheen hooain mujhe pahanane ke liye vastr do, main kangaal hooain meri aarthik saahayata karo. paigambar ne kaha ki is samay mere paas kuchh nahi hai parantu choonki kisi ko achhe kaarya ke liye raasta bataana bhi achha kaarya karne ke samaan hai. is liye paigambar ne usako hajrat faatima salaamullaah alaiha ke ghar ka pata bata diya. kyoki unka ghar masjid se mila hua tha at: vah sheeghrata se unke dwaar par aaya va saahayata ki guhaar ki. hajrat faatima salaamullaah alaiha ne kaha ki is samay mere paas kuchh nahi hai jo main tujhe de sakooain. parantu mere paas ek maala hai too ise bench kar apni aavashyktaaon ki poorti kar sakta hai. yeh kehkar apne gale se maala utaar kar us ko dedi. yh maala hajrat paigambar ke chacha shri hamaja ne hajrat faatima salaamullaah alaiha ko upahaar svaroop di thi. vah is maala ko lekar paigambar ke paas aaya tatha kaha ki faatima ne yeh maala di hai. tatha kaha hai ki main isko bench kar apni avashyaktaaon ki poorti karooain..

paigambar is maala ko dekh kar rone lage. ammaare yaasir naamak aapke ek mitr aapke paas baithe hue the. unhonne kaha ki mujhe anumati deejiye ki main is maala ko khareed looain paigambar ne kaha ki jo is maala ko khareedega Allah us par ajaab nahi karega. ammaar ne us daridr se poochha ki tum is maala ko kitne me beinchana chaahate ho? usane uttar diya ki main isko itne moolya par bench doonga jitne me mujhe pahanane ke liye vastr khaane ke liye roti gosht mil jaaye tatha ek deenaar mare paas bach jaaye jisse main apne ghar jaasakooain. ammaar yaasir ne kaha ki main isko bhojan vastr savaari va bees deenaar ke badle khareedata hooain. vah daridr sheeghrata poorvak taiyaar ho gaya. is prakaar ammaare yaasir ne is maala ko khareed kar sugandhit kiya. tatha apne das ko dekar kaha ki yeh maala paigambar ko bheint kar va mainne tujhe bhi paigambar ki bheint kiya. paigambar ne bhi vah maala tatha das hajrat faatima salaamullaah alaiha ki bheint kar diya. hajrat faatima salaamullaah alaiha ne maala ko le liya tatha das se kaha ki mainne tujhe Allah ke liye svatantr kiya. das yeh sunakar hansane laga. hajrat ftima ne hagansane ka kaaran poochha to usane kaha ki mujhe is maala ne hansaaya kyon ki is ne ek bhookhe ko bhojan karaaya, ek vastraheen ko vastr pahanaaye ek paidal chalne vaale ko savaari pradaan ki ek daridr ko maaladaar banaaya ek das ko svatantr karaaya aur ant me svanya apne maalik ke paas aagai.

yeh bhi dekhein

sandarbh

  1. a aa i E u oo A ai O au k kh sandarbh truti: <ref> ka galat prayog; Sharif_al-Qarashi naam ke sandarbh mein jaankaari naheen hai.
  2. "The Story of Hazrat Fatima (sa), daughter of the Holy Prophet | Story of the Holy Ka'aba | Books on Islam and Muslims". Al-Islam.org. http://www.al-islam.org/kaaba14/3.htm. abhigman tithi: 2014-08-24.
  3. "The Ka'aba, The House Of Allah | Story of the Holy Ka'aba | Books on Islam and Muslims". Al-Islam.org. http://www.al-islam.org/kaaba14/3.html. abhigman tithi: 2014-08-24.
  4. Amoli, Seyyed Jafar Morteza. saaaincha:Rtl-lang. 1. pp. 351–350".
  5. a aa i "Fatimah", Encyclopaedia of Islam. Brill Online.
  6. sandarbh truti: <ref> ka galat prayog; USC-MSA-BIO naam ke sandarbh mein jaankaari naheen hai.
  7. Ordoni (1990) pp.42-45
  8. Chittick 1981, prushth 136
  9. The Heirs Of The Prophet Muhammad: And The Roots Of The Sunni-Shia Schism By Barnaby Rogerson [1]

baahari kadiyaan

  • Fatimah by Jean Calmard, article at Enyclopaedia Iranica


sandarbh truti: "pronunciation" naamak sandarbh-samooh ke liye <ref> taig maujood hain, parantu samooh ke liye koi <references group="pronunciation"/> taig naheen mila. yeh bhi sambhav hai ki koi samaapti </ref> taig gaayab hai.