faahiyaan

faahiyaan ke yaatra-vruttaant ka pehla panna

faahiyaan ya faashiyaan (cheeni: 法aa顯 ya 法aa显, angreji: Faxian ya Fa Hien; janm: 337 E; mrutyu: 422 E anumaanit) ek cheeni bauddh bhikshu, yaatri, lekhak evam anuvaadak the jo 399 isavi se lekar 412 isavi tak Bhaarat, Sri Lanka aur aadhunik Nepal mein sthit Gautam buddh ke janmasthal kapilvastu dharmayaatra par aae. unka dhyeya yahaaain se bauddh granth ekatrit karke unhein vaapas cheen le jaana tha. unhonne apni yaatra ka varnan apne vruttaant mein likha jiska naam bauddh raajyon ka ek abhilekh : cheeni bhikshu fa-shiyaan ki bauddh abhyaas-pustakon ki khoj mein Bhaarat aur seelon ki yaatra tha. unki yaatra ke samay Bhaarat mein gupt raajavansh ke chandragupt vikramaaditya ka kaal tha aur cheen mein jin raajavansh kaal chal raha tha.

fa siyen pingagayaang ka nivaasi tha jo vartamaan shaansi pradesh mein hai. usane chhoti umr mein hi sanyaas le liya tha. usane bauddh dharm ke sadvichaaron ke anupaalan aur sanvardhan mein apna jeevan bitaaya. use prateet hua ki vinyapitk ka praapya ansh apoorn hai, isliye usane Bhaarat jaakar anya dhaarmik granthon ki khoj karne ka nishchaya kiya.

lagbhag 65 varsh ki umr mein kuchh anya bandhuon ke saath, faahiyen ne san 399 E. mein cheen se prasthaan kiya. madhya Asia hote hue san 402 mein vah uttar Bhaarat mein pahuaincha. yaatra ke samay usane uddiyaan, gaandhaar, takshashila, uchh, Mathura, Varanasi, gaya aadi ka paridrshan kiya. paataliputr mein teen varsh tak adhyayan karne ke baad do varsh usane taamralipti mein bhi bitaae. yahaaain vah dharmasiddhaanton ki tatha chitron ki pratilipi taiyaar karta raha. yahaaain se usane sinhal ki yaatra ki aur do varsh vahaaain bhi bitaae. fir vah yavadveep (jaava) hote hue 412 mein shaantung praayadveep ke chingachaaoo sthaan mein utara. atyant vrutr ho jaane par bhi vah apne pavitra lakshya ki or agrasar hota raha. chiyen kaang (nainaking) pahuainchakar vah bauddh dharmagranthon ke anuvaad ke kaarya mein sanlagn ho ga. anya vidvaanon ke saath milkar usane kai granthon ka anuvaad kiya, jinmein se mukhya hain-parinirvaanasootr aur mahaasangika vinaya ke cheeni anuvaad. 'fau-kuo thi' arthaat 'bauddh deshon ka vruttaant' sheershak jo aatmacharit usane likha hai vah Asiaee deshon ke itihaas ki drushti se mahatvapoorn hai. vishv ki anek bhaashaaon mein iska anuvaad kiya ja chuka hai.

yaatra

faahiyaan cheen se resham maarg par hote hue aaye aur unhone apne yaatra-vruttaant mein raaste ke madhya Asiaee deshon ke baare mein likha hai. sard registaanon aur visham pahaadi darron se gujrate hue ve bhaarateeya upamahaadveep ke pashchimottari kshetr mein daakhil hue aur paataliputr pahuainche. fir ve dakshin mein Sri Lanka bhi gaye jahaaain unhonne kaha ki vahaaain ke mool nivaasi daitya aur ajhdahe (draigan) hua karte the.[1] sthaan-sthaan se ekatrit ki bauddh granth aur pratimaaeain lekar ve samudri raaste se Sri Lanka se poorv ko nikle jahaaain ek bhayankar toofaan ne unke jahaaj ko bhataka diya aur 100 dinon tak saagar mein bhatakakar ve jaava dweep (aadhunik Indonesia) par ja pahuainchein. vahaaain se ve aage nikle aur cheen ke aadhunik shaanadong praant mein laaoshaan pahuainche.[2] fir shaanadong ki us samay ki rajdhani, chingajhooo nagar, mein unhone ek varsh tak rookakar apne saath laai gayi saamagri ko sangathit aur anuvaadit kiya.

inhein bhi dekhein

sandarbh

  1. The Medical times and gazette, Volume 1, John Churchill, 1867, ... According to Fa Hian, the Chinese traveller, the first people in Ceylon were demons and dragons, who are probably intended for the original Yakkahs ...
  2. Maritime silk road, Qingxin Li, China Intercontinental Press, 2006, ISBN 978-7-5085-0932-7, ... In the autumn of 411 AD, Faxian set sail for home on a commercial ship carrying over 200 passengers. ... Lao Mountain in Qingdao, Shandong Province ... warm hospitality from Li Yi, the viceroy of Changguang Prefecture ...