ema॰ esa॰ subbulakshmi

M. S. subbulakshmi
janm	16 sitmbar 1916 madurai, Madras preseedeinsi, british Bhaarat
mrutyu	December 11, 2004(2004-12-11) (umr 88) chennai, tamil naadu, Bhaarat
jeevanasaathi	kalki sadaashivm (1940-mrutyu)

shreemati madurai shanmukhavadivu subbulakshmi (16 September, 1916-2004) karnaatak sangeet ki mashahoor sangeetakaar theen. aap shaasteeya sangeet ki duniya mein M. S. aksharon se jaani jaati thi.

shreemati subbulakshmi ka janm 16 September [[1916] ko Tamil Nadu ke madurai shahar mein hua. aap ne chhoti aayu se sangeet ka shikshan aarambh kiya aur das saal ki umr mein hi apna pehla disk record kiya. iske baad aapne shemmangudi shreenivaas ayyar se karnaatak sangeet mein, tatha pandit naaraayanaraav vyaas se hindustaani sangeet mein uchch shiksha praapt ki. aapne satrah saal ki aayu mein chennai hi vikhyaat 'myoojik akaadami' mein sangeet kaaryakram pesh kiya. iske baad aapne malayalam se lekar punjabi tak Bhaarat ki anek bhaashaaon mein geet record kiye.

shreemati subbulakshmi ne kai filmon mein bhi abhinay kiya. inmein sabse yaadagaar hai 1945 ke meera film mein aapki mukhya bhoomika. yeh film tamil tatha hindi mein banaai gayi thi aur ismein aapne kai prasiddh meera bhajan gaae.

anek mashahoor sangeetakaaron ne shreemati subbulakshmi ki kala ki taareef ki hai. lata mangeshakar ne aapko 'tapasvini' kaha, ustaad bade gulaam Ali khaan ne aapko 'susvaralakshmi' pukaara, tatha kishori aamonakar ne aapko 'aathvaan sur' kaha, jo sangeet ke saat suron se ooncha hai. Bhaarat ke kai maananeeya neta, jaise mahaatma Gandhi aur pandit neharu bhi aapke sangeet ke prashansak the. ek avsar par mahaatma Gandhi ne kaha ki agar shreemati subbulakshmi 'hari, tum haro jan ki bheer' is meera bhajan ko gaane ke bajaay bol bhi dein, tab bhi unako vah bhajan kisi aur ke gaane se adhik sureela lagega. M.S.subbaalakshmi ko kala kshetr mein padm bhooshan se 1954 mein sammaanit kiya gaya.

aap pehli bhaarateeya hain jinhonne sanyukt raashtra sangh (en:United Nations) ki sabha mein sangeet kaaryakram prastut kiya, tatha aap pehli stri hain jinko karnaatak sangeet ka sarvottam puraskaar, sangeet kalaanidhi praapt hua. 1998mein aapko Bhaarat ka sarvottam naagrik puraskaar, Bhaarat ratn pradaan kiya gaya.

shreemati subbulakshmi ka dehaant 2004 mein chennaii mein hua.

• 1954 mein padmabhooshan
• 1956 mein sangeet naatak academy puraskaar
• 1968 mein sangeet kalaanidhi
• 1974 mein maigsese evaurd
• 1975 mein padm-vibhooshan
• 1988 mein kaaleedaas sammaan
• 1990 mein indira Gandhi evaurd

Bhaarat ratn se sammaanit hone waali pehli sangeetajnya

angreji mein shreemati subbulakshmi ke baare mein jaalasthal. yahaan shreemati subbulakshmi ke anek chitr upalabdh hain: [1]