elbrus parvat

elbrus parvat, jiske donon pashchimi aur poorvi shikhar nazar aa rahe hain

elbrus parvat ek supt jvaalaamukhi hai jo kaukas kshetr ki kaukas parvat shrunkhala mein sthit hai. iske do shikhar hain - pashchimi shikhar 5,642 meter (18,510 fut) ooncha hai aur poorvi shikhar us se jra kam 5,621 meter (18,442 fut) ooncha hai.[1] Europe aur Asia ki seema kaukas ke ilaake se gujrati hai aur is baat par vivaad hai ke elbrus Europe mein hai ya Asia mein. agar isko Europe mein maana jaae, to yeh Europe ka sabse ooncha parvat hai.[2] elbrus roos ke kaaraachaae-charakassiya kshetr mein sthit hai aur jaurjiya ki seema ke kaafi najdeek hai.

anukram

naam ka srot

elbrus ka naam iske praacheen naam "al burj" mein shabdaansh sthaanaantaran hone se bana hai.[3] Iran ki avastaai bhaasha ki aitihaasik kathaaon mein ek "hara barajaaiti" naam ka kaalpanik parvat hua karta tha jiske ird-gird brahmaand ke saare taare aur grah parikrama karte hain. kuchh Irani vidvaanon ka kehna hai ke shaayad yahi "al burj" ke naam ki prerana ho. "barajaaiti" shabd praacheen avastaai ke "barajnt" shabd ka ek streeling roop hai, jiska arth hai "ooncha". aadhunik faarasi mein "barajnt" badal kar "buland" (بaaلaaنaaد) ho gaya hai, jo ki hindi mein bhi prayog hota hai. kyonki sanskrut aur avastaai donon hind Europeeya bhaasha parivaar ki bhaashaaeain hone ke naate aapas mein rishta rakhati hain, isliye "barajnt" ka sanskrut mein bhi ek milta-julata sajaateeya shabd hai - "bruhat", jo hindi mein badal kar "bahut" ho gaya hai.

anya bhaashaaoain mein naam

  • kaaraachaae-balkaar bhaasha mein "mingi taau" (Мaaиaaнaaгaaи-Тaaаaaу) - jiska matlab hai "sanaatan parvat" ya "hajaar parvat"
  • kuchh Turkey bhaashaaoain mein "jinn paadishaah" (Дaaжaaиaaн-пaaаaaдaaиaaшaaаaaх) - jiska matlab hai "jinnon ka baadshah"
  • kuchh anya Turkey bhaashaaoain mein "yalbuj" (Яaaлaaбaaуaaз) - jiska matlab hai "barf ke kesh"
  • jaurjiyaai bhaasha mein "laalabuji" (იaaაaaლaaბaaუaaზaaი)
  • charakassi bhaasha mein oshakhaamakhuaa (Оaaшaaхaaаaaмaaаaaхaaуaaэ) - jiska matlab hai "khushi ka pahaad"

bhaugolik sthiti

elbrus kaukas parvat shrunkhala ki mahaakaukas shrankhala se kreeb 20 kimi (12 meal) uttar mein hai aur kislovodsk naam ke roosi shahar se dakshin-pashchim mein kreeb 65 kimi ki doori par. iske oopar ek barf ki odhni hamesha jami rahati hai, jis se 22 himaaniyaaain neeche ki or barf ka musalasal bahaav chaaloo rakhati hain. in himaaniyon se is kshetr ki kuchh mukhya nadiyaaain - baksaan nadi, kubaan nadi aur malaka nadi - janm leti hain.[4] haalaanki elbrus ko ek mrut jvaalaamukhi maana jaata hai, vaigyaaniko ka kehna hai ke iske neeche ek bahut hi bada aur gahra maigma (pighle patthar aur anya padaarth) ka bhandaar hai.[5]

inhein bhi dekhein

sandarbh

  1. The World Book Encyclopedia—aPage 317 by World Book, Inc
  2. Geographic Bureau. "Elbrus Region". http://www.geographicbureau.com/trips/caucasus/elbrus_region.jdx. abhigman tithi: 2010-01-05.
  3. Encyclopæadia Iranica, "Alborz", W. Eilers
  4. Robin Collomb and Andrew Wielochowski (1993). Caucasus from Elbrus to Kazbek [map], 1st edition, 1:200,000 with general information, Map Guides. Cartography by EWP. ISBN 906227-54-2.
  5. "Observations of crustal tide strains in the Elbrus area". Izvestiya Physics of the Solid Earth (MAIK Nauka) 43 (11): 922–930. November 2007. http://www.springerlink.com/content/48797w21g448x580/. abhigman tithi: February 25, 2010.