edolf hitlar

hitlar

edolf hitlar (20 April 1889 - 30 April 1945) ek prasiddh jarman raajaneta evam taanaashaah the. ve "raashtreeya samaajavaadi jarman kaamagaar party" (NSDAP) ke neta the. is party ko praaya: "naaji party" ke naam se jaana jaata hai. san 1933 se san 1945 tak vah Germany ka shaasak rahe. hitlar ko dviteeya vishvayuddh ke liye sarvaadhik jimmedaar maana jaata hai. dviteeya vishv yuddh tab hua, jab unke aadesh par naatsi sena ne Poland par aakraman kiya. France aur Britain ne Poland ko suraksha dene ka vaada kiya tha aur vaade ke anusaar un dono ne naaji Germany ke khilaaf yuddh ki ghoshana kar di.

jeevani

adolf hitlar ka janm aastriya mein 20 April 1889 ko hua. unki praarambhik shiksha linj naamak sthaan par hui. pita ki mrutyu ke pashchaat 17 varsh ki avastha mein ve viyna gaye. kala vidyaalaya mein pravisht hone mein asafal hokar ve postakaardon par chitr banaakar apna nirvaah karne lage. isi samay se ve saamyavaadiyon aur yahoodiyon se ghruna karne lage. jab pratham vishvayuddh praarambh hua to ve sena mein bharti ho gaye aur France mein kai ladaaiyon mein unhonne bhaag liya. 1918 E. mein yuddh mein ghaayal hone ke kaaran ve aspataal mein rahe. Germany ki paraajaya ka unako bahut du:kh hua.

1918 E. mein unhonne naaji dal ki sthaapana ki. iska uddeshya saamyavaadiyon aur yahoodiyon se sab adhikaar chheenana tha. iske sadasyon mein deshaprem koot-kootakar bhara tha. is dal ne yahoodiyon ko pratham vishvayuddh ki haar ke liye doshi thaharaaya. aarthik sthiti kharaab hone ke kaaran jab naaji dal ke neta hitlar ne apne ojasvi bhaashanon mein use theek karne ka aashvaasan diya to anek jarman is dal ke sadasya ho gaye. hitlar ne bhoomisudhaar karne, varsaai sandhi ko samaapt karne aur ek vishaal jarman saamraajya ki sthaapana ka lakshya janta ke saamane rakha jisse jarman log sukh se rah sakein. is prakaar 1922 E. mein hitlar ek prabhaavashaali vyakti ho gaye. unhonne svastik ko apne dal ka chihr banaaya jo ki hinduo ka shubh chihr hai samaachaarapatron ke dvaara hitlar ne apne dal ke siddhaanton ka prachaar janta mein kiya. bhoore rang ki poshaak pahane sainikon ki tukadi taiyaar ki gayi. 1923 E. mein hitlar ne jarman sarkaar ko ukhaad feinkane ka prayatn kiya. ismein ve asafal rahe aur jelakhaane mein daal diye gaye. vaheen unhonne meen kaimf ("mera sangharsh") naamak apni aatmakatha likhi. ismein naaji dal ke siddhaanton ka vivechan kiya. unhonne likha ki aarya jaati sabhi jaatiyon se shreshth hai aur jarman aarya hain. unhein vishv ka netrutv karna chaahiye. yahoodi sada se sanskruti mein roda atakaate aae hain. jarman logon ko saamraajyavistaar ka poorn adhikaar hai. France aur roos se ladkar unhein jeevit rahane ke liye bhoomi praapti karni chaahiye.

1930-32 mein Germany mein berojgaari bahut badh gayi. sansad mein naaji dal ke sadasyon ki sankhya 230 ho gayi. 1932 ke chunaav mein hitlar ko raashtrapati ke chunaav mein safalta naheen mili. Germany ki aarthik dasha bigdti gayi aur vijayi deshon ne use sainik shakti badhaane ki anumati ki. 1933 mein chaansalar bante hi hitlar ne jarman sansad ko bhang kar diya, saamyavaadi dal ko gairkaanooni ghoshit kar diya aur raashtra ko svaavalanbi banane ke liye lalkaara. hitlar ne dau॰ jojef goyabals ko apna prachaaramantri niyukt kiya. naaji dal ke virodhi vyaktiyon ko jelakhaanon mein daal diya gaya. kaaryakaarini aur kaanoon banaane ki saari shaktiyaaain hitlar ne apne haathon mein le li. 1934 mein unhonne apne ko sarvochch nyaayaadheesh ghoshit kar diya. usi varsh hindanabarg ki mrutyu ke pashchaat ve raashtrapati bhi ban baithe. naaji dal ka aatank janajeevan ke pratyek kshetr mein chha gaya. 1933 se 1938 tak laakhon yahoodiyon ki hatya kar di gayi. navayuvakon mein raashtrapati ke aadeshon ka poorn roop se paalan karne ki bhaavana bhar di gayi aur jarman jaati ka bhaagya sudhaarane ke liye saari shakti hitlar ne apne haath mein le li.

hitlar ne 1933 mein raashtrasangh ko chhod diya aur bhaavi yuddh ko dhyaan mein rakhakar Germany ki sainya shakti badhaana praarambh kar diya. praaya: saari jarman jaati ko sainik prashikshan diya gaya.

1934 mein Germany aur Poland ke beech ek-doosare par aakraman na karne ki sandhi hui. usi varsh aastriya ke naaji dal ne vahaaain ke chaansalar daulafs ka vadh kar diya. jarmaneen ki is aakraamak neeti se darakar roos, France, chekoslovaakiya, Italy aadi deshon ne apni suraksha ke liye paarasparik sandhiyaaain keen.

udhar hitlar ne Britain ke saath sandhi karke apni jalasena Britain ki jalasena ka 35 pratishat rakhane ka vachan diya. iska uddeshya bhaavi yuddh mein Britain ko tatasth rakhana tha kintu 1935 mein Britain, France aur Italy ne hitlar ki shastreekaran neeti ki ninda ki. agale varsh hitlar ne barsaai ki sandhi ko bhang karke apni senaaeain France ke poorv mein raain nadi ke pradesh par adhikaar karne ke liye bhej Dean. 1937 mein Germany ne Italy se sandhi ki aur usi varsh aastriya par adhikaar kar liya. hitlar ne fir chekoslovaakiya ke un pradeshon ko lene ki ichha ki jinke adhiktar nivaasi jarman the. Britain, France aur Italy ne hitlar ko santusht karne ke liye myoonik ke samjhaute se chekoslovaakiya ko in pradeshon ko hitlar ko dene ke liye vivsh kiya. 1939 mein hitlar ne chekoslovaakiya ke shesh bhaag par bhi adhikaar kar liya. fir hitlar ne roos se sandhi karke polaid ka poorvi bhaag use de diya aur Poland ke pashchimi bhaag par usaki senaaon ne adhikaar kar liya. Britain ne Poland ki raksha ke liye apni senaaeain bhejeen. is prakaar dviteeya vishvayuddh praranbh hua. France ki paraajaya ke pashchaat hitlar ne musolini se sandhi karke room saagar par apna aadhiptya sthaapit karne ka vichaar kiya. iske pashchaat Germany ne roos par aakraman kiya. jab amareeka dviteeya vishvayuddh mein sammilit ho gaya to hitlar ki saamarik sthiti bigadne lagi. hitlar ke sainik adhikaari unke viruddh shadyantr rachane lage. jab roosiyon ne barlin par aakraman kiya to hitlar ne 30 April 1945, ko aatmahatya kar li. pratham vishvayuddh ke vijeta raashtron ki sankuchit neeti ke kaaran hi svaabhimni jarman raashtra ko hitlar ke netrutv mein aakramak neeti apanaani padi.

baahari kadiyaaain

sandarbh