dvaaraka prasaad mishr

inhein bhi dekhein: madhya pradesh ke mukhyamantri
inhein bhi dekhein: Bhaarat ke mukhyamantriyon ki soochi

dvaaraka prasaad mishr

dvaaraka prasaad mishr (1901 - 1988) Bhaarat ke ek svatantrataasangraam senaani, raajaneta, patrakaar evam saahityakaar the. ve madhya pradesh ke mukhyamantri rah chuke hai.

parichay

mishr ji shreshth kavi aur patrakaar the. 1942 mein jail mein rahate hue unhonne 'krushnaayan' mahaakaavya ki rachana ki thi. Krishna ke janm se lekar svargaarohan tak ki katha is mahaakaavya mein kahi gayi hai. mahaabhaarat ke Krishna hamesha mishr ji ke aadarsh rahe. prakhar patrakaar ke roop mein mishr ji ne 1921 mein 'shri shaarada' maasik, 1931 mein 'dainik lokamat' aur 1947 mein saaptaahik 'saarathi' ka sampaadan kiya. laala laajapat rai ki aaingrejon ki laathi se hui maut par 'lokamat' mein likhe unke sampaadakeeya par pan॰ Motilal Nehru ne kaha tha ki Bhaarat ka sarvashreshth faujadaari vakeel bhi isse achha abhiyog patra taiyaar naheen kar sakta. javaaharalaal Nehru se matabhed ke kaaran mishr ji ko terah varshon tak raajaneetik vanavaas bhogana pada.

san 1954 se 64 tak unhonne saagar vishvavidyaalaya ke kulapati ke roop mein vyateet kiya. mishr ji ke vidya-vyasan ke sambandh mein kaha jaata tha ki vishvavidyaalaya ke kisi praadhyaapak ya vidyaarthi se adhik uske kulapati adhyayan-rat rahate hain. 1971 mein raajaneeti se avakaash lekar unhonne saara samay saahitya ko samarpit kar diya.

aaingreji mein apni aatmakatha 'living N era' likhi, jismein beesaveen sadi ka poora itihaas samaahit hain. aitihaasik shodh granth likhe, jinmein 'stadeej in the proto history of India aur 'sarch of lanka' vishesh ullekhaneeya hain. hindi, aaingreji, sanskrut aur urdoo bhaasha ke saahitya se unka gahra lagaav tha.

sanskrut kaviyon aur urdoo ke shaayaron ke hindi anuvaad mein unhein kaafi ras milta tha. shataranj ke ve maahir khilaadi the. aise saahityakaar, itihaasavid aur prakhar raajaneta ka 5 May 1988 ko Delhi mein dehaavasaan ho gaya. unka paarthiv shareer jabalapur mein narmada ke tat par panchatatv mein leen hua.

inhein bhi dekhein

  • brajesh mishr (dvaaraka prasaad mishr ke putr evam bhootapoorv varisht lokasevak)

baahari kadiyaaain