dvaaraka

dvaaraka
nagar
samay mandal: IST (UTC+5:30)
desh Flag of India.svg Bhaarat
raajya Gujarat
jila devabhoomi dvaaraka
janasankhya 33,614 (2001) (2001 tak )
kshetrafal
ooainchaai (AMSL)

• 0 meter (0 fee॰)

Erioll world.svgnirdeshaank: 22°a14′aN 68°a58′aE / 22.23°aN 68.97°aE / 22.23; 68.97 dvaaraka Gujarat ke devabhoomi dvaaraka jile mein sthit ek nagar tatha hindu teerthasthal hai.[1] yeh hinduon ke saath sarvaadhik pavitra teerthon mein se ek tatha chaar dhaamon mein se ek hai. yeh saat puriyon mein ek puri hai.[2] jile ka naam dvaaraka puri se rakha gaya hai jeesaki rachana 2013 mein ki gayi thi. yeh nagari Bhaarat ke pashchim mein samundr ke kinaare par basi hai. hindu dharmagranthon ke anusaar, Bhagwan kॄshn ne ise basaaya tha. yeh shreekrushn ki karmabhoomi hai.

aadhunik dvaaraka ek shahar hai. kasbe ke ek hisse ke chaaron or chahaaradeevaari khinchi hai iske bheetar hi saare bade-bade mandir hai.

kaafi samay se jaane-maane shodhakartaaon ne puraanon mein varnit dvaarika ke rahasya ka pata lagaane ka prayaas kiya, lekin vaigyaanik tathyon par aadhaarit koi bhi adhyayan kaarya abhi tak poora naheen kiya gaya hai. 2005 mein dvaarika ke rahasyon se parda uthaane ke liye abhiyaan shuroo kiya gaya tha. is abhiyaan mein bhaarateeya nausena ne bhi madad ki.abhiyaan ke dauraan samudra ki gaharaai mein kate-chhate patthar mile aur yahaan se lagbhag 200 anya namoone bhi ekatr kiye, lekin aaj tak yeh tay naheen ho paaya ki yeh vahi nagari hai athva naheen jise Bhagwan shreekrushn ne basaaya tha. aaj bhi yahaan vaigyaanik skooba daayaving ke jariye samandar ki gaharaaiyon mein kaid is rahasya ko sulajhaane mein lage hain.

Krishna Mathura mein utpann hue, gokul mein pale, par raaj unhone dvaaraka mein hi kiya. yaheen baithakar unhone saare desh ki baagdor apne haath mein sambhaali. paandvon ko sahaara diya. dharm ki jeet karaai aur, shishupaal aur duryodhan jaise adharmi raajaaon ko mitaaya. dvaaraka us jamaane mein rajdhani ban gayi theen. bade-bade raaja yahaan aate the aur bahut-se maamale mein Bhagwan Krishna ki salaah lete the. is jagah ka dhaarmik mahatva to hai hi, rahasya bhi kam naheen hai. kaha jaata hai ki Krishna ki mrutyu ke saath unki basaai hui yeh nagari samudra mein doob gayi. aaj bhi yahaan us nagari ke avashesh maujood hain.

dvaaraka ka vihangam drushya

anukram

niktavarti teerth

gomati dvaaraka

dvaaraka ke dakshin mein ek lamba taal hai. ise 'gomati taalaab' kehte hai. iske naam par hi dvaaraka ko gomati dvaaraka kehte hai.

nishpaap kund

is gomati taalaab ke oopar nau ghaat hai. inmein sarkaari ghaat ke paas ek kund hai, jiska naam nishpaap kund hai. ismein gomati ka paani bhara rahata hai. neeche utarane ke liye pakki seedhiya bani hai. yaatri sabse pehle is nishpaap kund mein nahaakar apne ko shuddh karte hai. bahut-se log yahaan apne purakhon ke naam par pind-daan bhi karatein hain.

ranachhod ji mandir
dvaarakaadheesh mandir

gomati ke dakshin mein paanch kune hai. nishpaap kund mein nahaane ke baad yaatri in paanch kunon ke paani se kulle karte hai. tab ranachhodji ke mandir ki or jaate hai. raastein mein kitne hi chhote mandir padte hai-krushnaji, gomati maata aur mahaalakshmi ke mandir. ranachhodji ka mandir dvaaraka ka sabse bada aur sabse badhiya mandir hai. Bhagwan Krishna ko udhar ranachhodji kehte hai. saamane hi Krishna Bhagwan ki chaar foot oonchi moorti hai. yeh chaandi ke sinhaasan par viraajamaan hai. moorti kaale patthar ki bani hai. heere-moti ismein chamachamaate hai. sone ki gyaarah maalaaen gale mein padi hai. keemati peele vastr pahane hai. Bhagwan ke chaar haath hai. ek mein shankh hai, ek mein sudarshan chakr hai. ek mein gada aur ek mein kamal ka fool. sir par sone ka mukut hai. log Bhagwan ki parikrama karte hai aur un par fool aur tulasi dal chadhaate hai. chaukhaton par chaandi ke pattar madhe hai. mandir ki chhat mein badhiya-badhiya keemati jhaad-faanoos latak rahe hai. ek taraf oopar ki manmein jaane ke liye seedhiya hai. pehli manjil mein ambaadevi ki moorti hai-aisi saat manjile hai aur kul milaakar yeh mandir ek sau chaalees foot ooncha hai. iski choti aasmaan se baatein karti hai.

parikrama

ranachhodji ke darshan ke baad mandir ki parikrama ki jaati hai. mandir ki deevaar dohari hai. do daavaaron ke beech itni jagah hai ki aadmi sama sake. yahi parikrama ka raasta hai. ranachhodji ke mandir ke saamane ek bahut lamba-chauda 100 foot ooncha jagamohan hai. iski paanch manjilein hai aur ismein 60 khambe hai. ranachhodji ke baad iski parikrama ki jaati hai. iski deevaare bhi dohari hai.

durvaasa aur trivikram mandir

dakshin ki taraf baraabar-baraabar do mandir hai. ek durvaasaaji ka aur doosra mandir trivikramaji ko teekamaji kehte hai. inka mandir bhi saja-dhaja hai. moorti badi lubhaavani hai. aur kapde-gahane keemati hai. trivikramaji ke mandir ke baad pradhumnaji ke darshan karte hue yaatri in kusheshvar Bhagwan ke mandir mein jaate hai. mandir mein ek bahut bada tahakhaana hai. isi mein Shiv ka ling hai aur paarvati ki moorti hai.

kusheshvar mandir

kusheshvar Shiv ke mandir ke baraabar-baraabar dakshin ki or chh: mandir aur hai. inmein ambaaji aur devaki maata ke mandir khaas hain. ranachhodji ke mandir ke paas hi raadha, rookmini, satyabhaama aur jaambavati ke chhote-chhote mandir hai. inke dakshin mein Bhagwan ka bhandaara hai aur bhandaare ke dakshin mein shaarada-math hai.

shaarada math

shaarada-math ko aadi guroo shankaraachaarya ne banabaaya tha. unhone poore desh ke chaar konon me chaar math banaayein the. unamein ek yeh shaarada-math hai. paramparaagat rup se aaj bhi shankaraachaarya math ke adhipti hai. Bhaarat mein sanaatan dharm ke anuyaayi shankaraachaarya ka sammaan karte hai. [3] ranachhodji ke mandir se dvaaraka shahar ki parikrama shuroo hoti hai. pehle seedhe gomati ke kinaare jaate hai. gomati ke nau ghaaton par bahut se mandir hai- saanvaliyaaji ka mandir, govardhananaathaji ka mandir, mahaaprabhuji ki baithak.

hanumaan mandir

aage vaasudev ghaat par hanumaanaji ka mandir hai. aakhir mein sangam ghaat aata hai. yahaan gomati samudra se milti hai. is sangam par sangam-naaraayanaji ka bahut bada mandir hai.

chakr teerth

sangam-ghaat ke uttar mein samudra ke oopar ek or ghaat hai. ise chakr teerth kehte hai. isi ke paas ratneshvar mahaadev ka mandir hai. iske aage siddhanaath mahaadevaji hai, aage ek baavali hai, jise 'gyaan-kund' kehte hai. isse aage jooneeraam baadi hai, jisse, Ram, Lakshman aur seeta ki moortiya hai. iske baad ek aur Ram ka mandir hai, jo naya bana hai. iske baad ek baavali hai, jise saumitri baavali yaani lakshmanaji ki baavaji kehte hai. kaali maata aur aashaapuri maata ki moortiya iske baad aati hai.

Kailash kund

inke aage yaatri kailaasakund par pahunchate hai. is kund ka paani gulaabi rang ka hai. kailaasakund ke aage sooryanaaraayan ka mandir hai. iske aage dvaaraka shahar ka poorab ki taraf ka darvaaja padta hai. is darvaaje ke baahar jaya aur vijay ki moortiya hai. jaya aur vijay baikunth mein Bhagwan ke mahal ke chaukeedaar hai. yahaan bhi ye dvaaraka ke darvaaje par khade usaki dekhbhaal karte hai. yahaan se yaatri fir nishpaap kund pahunchate hai aur is raaste ke mandiron ke darshan karte hue ranachhodji ke mandir mein pahunch jaate hai. yaheen parishram khatm ho jaati hai. yahi asli dvaaraka hai. isse bees meal aage kachh ki khaadi mein ek chhota sa taapoo hai. is par bet-dvaaraka basi hai. gomati dvaaraka ka teerth karne ke baad yaatri bet-dvaaraka jaate hai. bet-dvaaraka ke darshan bina dvaaraka ka teerth poora nahi hota. bet-dvaaraka paani ke raaste bhi ja sakte hai aur jameen ke raaste bhi.

gopi taalaab

naageshvar mandir

jameen ke raaste jaate hue terah meal aage gopi-taalaab padta hai. yahaan ki aas-paas ki jameen peeli hai. taalaab ke andar se bhi rang ki hi mitti niklati hai. is mitti ko ve gopeechandan kehte hai. yahaan mor bahut hote hai. gopi taalaab se teen-meal aage naageshvar naam ka shivji aur paarvati ka chhota sa mandir hai. yaatri log iska darshan bhi jaroor karte hai.kehte hai, Bhagwan Krishna is bet-dvaaraka naam ke taapoo par apne gharwaalon ke saath sair karne aaya karte the. yeh kul saat meal lamba hai. yeh pathareela hai. yahaan kai achhe aur bade mandir hai. kitne hi taalaab hai. kitne hi bhandaare hai. dharmashaalaaen hai aur sadaavartt lagte hai. mandiron ke siva samudra ke kinaare ghoomana bada achha lagta hai.

bet dvaaraka

bet-dvaaraka hi vah jagah hai, jahaan Bhagwan Krishna ne apne pyaare bhagat narasi ki hundi bhari thi. bet-dvaaraka ke taapoo[4] ka poorab ki taraf ka jo kona hai, us par hanumaanaji ka bahut bada mandir hai. iseeliye is oonche teele ko hanumaanaji ka teela kehte hai. aage badhne par gomati-dvaaraka ki tarah hi ek bahut badi chahaaradeevaari yahaan bhi hai. is ghere ke bheetar paanch bade-bade mahal hai. ye dumanjile aur timanjale hai. pehla aur sabse bada mahal shreekrushn ka mahal hai. iske dakshin mein satyabhaama aur jaambavati ke mahal hai. uttar mein rookmini aur raadha ke mahal hai. in paanchon mahalon ki sajaavat aisi hai ki aankhein chakaachaundh ho jaati hain. in mandiron ke kibaadon aur chaukhaton par chaandi ke patare chadhe hain. Bhagwan Krishna aur unki moorti chaaron raaniyon ke sinhaasanon par bhi chaandi madhi hai. moortiyon ka singaar bada hi keemati hai. heere, moti aur sone ke gahane unako pahanaaye gaye hain. sachchi jari ke kapadon se unako sajaaya gaya hai.

chauraasi dhuna - bheint dvaaraka taapoo mein Bhagwan dvaarakaadheesh ke mandir se 7 ki॰mee॰ ki doori par chauraasi dhuna naamak ek praacheen evam etihaasik teerth sthal hai| udaaseen sanpradaaya ke suprasiddh sant aur prakhyaat itihaas lekhak, nirvaan thada teerth, shri panchayaati akhaada bada udaaseen ke peethaadheeshvar mahant yogiraaj dau॰ binduji mahaaraaj "bindu" ke anusaar brahmaaji ke chaaron maanasik putro sanak, sanandan, sanatakumaar aur sanaatan ne brahmaaji ki shrrushti-sanrachana ki aajnyaa ko na maankar udaaseen sanpradaaya ki sthaapana ki aur mrutyu-lok mein vividh sthaanon par bhraman karte hue bheint dvaaraka mein bhi aaye| unke saath unke anuyaayiyon ke roop mein assi (80) anya sant bhi saath thein| is prakaar chaar sanatakumaar aur 80 anuyaayi udaaseen santo ko jodkar 84 ki sankhya poorn hoti hai| inhi 84 aadi divya udaaseen santo ne yahaaain par chauraasi dhune sthaapit kar saadhana aur tapascharya ki aur brahmaaji ko ek ek dhune ki ekalaakh mahima ko bataaya, tatha chauraasi dhuno ke prati svarup chauraasi lakh yoniya nirmit karne ka saanketik upadesh diya| is kaaran se yeh sthaan chauraasi dhuna ke naam se jag mein khyaat hua|

kaalaantar mein udaaseen sanpradaaya ke antim aachaarya jagataguru udaasinaachaarya shri chandr Bhagwan is sthaan par aaye aur pun: sanakaadik rishiyon ke dvaara sthaapit chauraasi dhuno ko jaagrut kar pun: prajvalit kiya aur udaaseen sanpradaaya ke ek teerth ke roop mein ise mahimaamandit kiya| yeh sthaan aaj bhi udaaseen sanpradaaya ke adheen hai aur vahaan par udaasi sant nivaas karte hain| aane vaale yaatriyon, bhakton evam santon ki nivaas, bhojan aadi ki vyavastha bhi ni:shulk roop se chauraasi dhuna udaaseen aashram ke dvaara ki jaati hai| jo yaatri bheint dvaaraka darshan hetu jaate hain ve chauraasi dhuna teerth ke darshan hetu avashya jaate hain| aisi avadhaarana hai ki chauraasi dhuno ke darshan karne se manushya ki lakh chauraasi kat jaati hai, arthaat use chauraasi lakh yoniyon mein bhatakna naheen padta aur vah mukt ho jaata hai|

ranachhod ji mandir

ranachhod ji ke mandir ki oopari manjilein dekhne yogya hai. yahaan Bhagwan ki sej hai. jhoolane ke liye jhoola hai. khelne ke liye chaupad hai. deevaaron mein bade-bade sheeshe lage hai. in paanchon mandiron ke apne-alag bhandaare hai. mandiron ke darvaaje subah hi khulate hai. baarah baje band ho jaate hai. fir chaar baje khul jaate hai. aur raat ke nau baje tak khule rahate hai. in paanch vishesh mandiron ke siva aur bhi bahut-se mandir is chahaaradeevaari ke andar hai. ye pradyumnaji, teekamaji, purooshottamaji, devaki maata, maadhavaji ambaaji aur garood ke mandir hai. inke sivaaya saakshi-gopaal, lakshmeenaaraayan aur govardhananaathaji ke mandir hai. ye sab mandir bhi khoob saje-sajaaye hai. inmein bhi sone-chaandi ka kaam bahut hai.

bet-dvaaraka mein kai taalaab hai-ranachhod taalaab, ratn-taalaab, kachauri-taalaab aur shankh-taalaab. inmein ranachhod taalaab sabse bada hai. iski seedhiya patthar ki hai. jagah-jagah nahaane ke liye ghaat bane hai. in taalaabon ke aas-paas bahut se mandir hai. inmein murali manohar, neelakanth mahaadev, raamachandraji aur shankh-Narayan ke mandir khaas hai. loga in taalaabon mein nahaate hai aur mandir mein fool chadhaate hai.

shankh taalaab

ranachhod ke mandir se dedh meal chalakar shankh-taalaab aata hai. is jagah Bhagwan Krishna ne shankh naamak raakshas ko maara tha. iske kinaare par shankh Narayan ka mandir hai. shankh-taalaab mein nahaakar shankh Narayan ke darshan karne se bada punya hota hai.

bet-dvaaraka se samudra ke raaste jaakar biraaval bandaragaah par utarana padta hai. dhaai-teen meal dakshin-poorab ki taraf chalne par ek kasba milta hai isi ka naam somanaath pattal hai. yahaan ek badi dharmashaala hai aur bahut se mandir hai. kasbe se kareeb paune teen meal par hirnya, sarasvati aur kapila in teen nadiyon ka sangam hai. is sangam ke paas hi Bhagwan Krishna ke shareer ka antim sanskaar kiya gaya tha.

inhein bhi dekhein

baahari kadiyaan

sandarbh