durvaasa rishi

durvaasa hinduon ke ek mahaan rishi hain. ve apne krodh ke liye jaane jaate hain. durvaasa satayug, traita evam dvaapar teenon yugon ke ek prasiddh siddh yogi maharshi hain. ve mahaadev shankar ke ansh se aavirbhoot hue hain. kabhi-kabhi unamein akaaran hi bhayankar krodh bhi dekha jaata hai. ve sab prakaar ke laukik varadaan dene mein samarth hain.

maharshi atri ji srushtikrta brahmaaji ke maanas putr the. unki patni anasooyaaji ke paativrat dharm ki pareeksha lene hetu brahma, vishnu aur mahesh teenon hi pat‍ai‌anayon ke anurodh par shri atri aur anasooyaaji ke chitrakut sthit aashram mein shishu roop mein upasthit hue. brahma ji chandrama ke roop mein, vishnu dattaatreya ke roop mein aur mahesh durvaasa ke roop mein upasthit hue. baad mein Dave patniyon ke anurodh par anasooyaaji ne kaha ki is vartamaan svaroop mein ve putron ke roop mein mere paas hi raheinge. saath hi apne poorn svaroop mein avasthit hokar aap teenon apne-apne dhaam mein bhi viraajamaan raheinge. yeh katha satayug ke praarambh ki hai. puraanon aur mahaabhaarat mein iska vishd varnan hai. durvaasa ji kuchh bade hue, maata-pita se aadesh lekar ve ann jal ka tyaag kar kathor tapasya karne lage. visheshat: yam-niyam, aasan, praanaayaam, dhyaan-dhaarana aadi ashtaang yog ka avalamban kar ve aisi siddh avastha mein pahunche ki unako bahut si yog-siddhiyaan praapt ho gayi. ab ve siddh yogi ke roop mein vikhyaat ho gaye. tatpashchaat yamuna kinaare isi sthal par unhonne ek aashram ka nirmaan kiya aur yaheen par rahakar aavashyakta ke anusaar beech-beech mein bhraman bhi kiya. durvaasa aashram ke nikat hi yamuna ke doosare kinaare par mahaaraaj ambareesh ka ek bahut hi sundar Rajbhavan tha. ek baar raaja nirjala ekaadashi evam jaagaran ke uparaant dvaadashi vrat paalan mein the. samast kriyaaen sampann kar sant-vipr aadi bhoj ke pashchaat bhagavat prasaad se paaran karne ko the ki maharshi durvaasa aa gaye. maharshi ko dekh raaja ne prasaad grahan karne ka nivedan kiya, par rishi yamuna snaan kar aane ki baat kehkar chale gaye. paaran kaal nikalne ja raha tha. dharmajnya braahmanon ke paraamarsh par shri charanaamrut grahan kar raaja ka paaran karna hi tha ki rishi upasthit ho gaye tatha krodhit hokar kehne lage ki tumane pehle paaran kar mera apamaan kiya hai. bhakt ambareesh ko jalaane ke liye maharshi ne apni jata nichod kratya raakshasi utpann ki, parantu prabhu bhakt ambareesh adig khade rahe. Bhagwan ne bhakt rakshaarth chakr sudarshan prakat kiya aur raakshasi bhasm hui. durvaasaaji chaudah lokon mein rakshaarth daudte fire. shivji ki charan mein pahunche. shivji ne vishnu ke paas bheja. vishnu ji ne kaha aapne bhakt ka aparaadh kiya hai. at:yadi aap apna kalyaan chaahate hain, to bhakt ambareesh ke nikat hi kshama praarthana karein.

jab se durvaasaaji apne praan bachaane ke liye idhar-udhar bhaag rahe the, tab se mahaaraaj ambareeshane bhojan naheen kiya tha. unhonne durvaasaaji ke charan pakad liye aur bade prem se bhojan karaaya. durvaasaaji bhojan karke trupt hue aur aadar poorvak raaja se bhojan karne ka aagrah kiya. durvaasaaji ne santusht hokar mahaaraaj ambareesh ke gunon ki prashansa ki aur aashram laut aae. mahaaraaj ambareesh ke sansarg se maharshi durvaasa ka charitra badal gaya. ab ve brahm gyaan aur ashtaang yog aadi ki apeksha shuddh bhakti maarg ki or jhuk gaye. maharshi durvaasa ji shankar ji ke avataar evam prakaash hain. shankar ji ke ishvar hone ke kaaran hi unka nivaas sthaan ishaapur ke naam se prasiddh hai. aashram ka punarnirmaan tridndi svaami shreemadbhakti vedaant Goswami ji ne karaaya. samprati vyavastha sant raas bihaari das aashram par rah kar dekh rahe hain.

braj mandal ke antargat pramukh baarah vanon mein se lohavanake antargat yamuna ke kinaare Mathura mein durvaasaaji ka atyant praacheen aashram hai. yeh maharshi durvaasa ki siddh tapasya sthali evam teenon yugon ka prasiddh aashram hai. Bhaarat ke samast bhaagon se log is aashram ka darshan karne aur tarah-tarah ki laukik kaamanaaon ki poorti karne ke liye aate hain.

yeh bhi dekhein